Tor Browser – កម្មវិធីអនាមិកភាព និងគេចវាងឌីជីតថល

តារាងមាតិកា

...Loading Table of Contents...

    កម្មវិធី Tor Browser ត្រូវបានបង្កើតឡើង ដើម្បីបង្កើនអនាមិកភាពនៃសកម្មភាពរបស់លោកអ្នកនៅលើអ៊ីនធើរណែត។ កម្មវិធីនេះក្លែងបន្លំអត្តសញ្ញាណរបស់លោកអ្នក និងការពារសកម្មភាពអនឡាញរបស់លោកអ្នក ពីទម្រង់ឃ្លាំមើលជាច្រើនដែលមាននៅលើអ៊ីនធើរណេត។ Tor ក៏អាចប្រើដើម្បីគេចវាងពីកម្មវិធីត្រួតពិនិត្យអ៊ីនធើរណែតផងដែរ។

    គេហទំព័រដើម

    https://www.torproject.org

    សេចក្តីតម្រូវសម្រាប់កុំព្យូទ័រ

    • គ្រប់សំណៅ Windows ទាំងអស់ (XP ឬ ថ្មីជាងនេះ)
    • មានភ្ជាប់សេវាអ៊ីនធើរណែត

    សំណៅកម្មវិធី ដែលប្រើនៅក្នុង មគ្គុទ្ទេសក៍ណែនាំនេះ

    • Tor Browser: 3.5.3

    កាលបរិច្ឆេទ កែសម្រួលចុងក្រោយបំផុត របស់ជំពូកនេះ

    • មីនា ២០១៤

    អាជ្ញាប័ណ្ណ

    ឯកសារតម្រូវឱ្យអាន

    អត្ថប្រយោជន៍ដែលលោកអ្នកនឹងទទួលបាន

    • សមត្ថភាព ដើម្បីលាក់បាំងអត្តសញ្ញាណឌីជីតថលរបស់លោកអ្នក ពីគេហទំព័រដែលលោកអ្នកបើកមើល
    • សមត្ថភាព ដើម្បីលាក់បាំងគោលដៅអនឡាញរបស់លោកអ្នក ពីក្រុមហ៊ុនផ្តល់សេវាអ៊ីនធើរណែត (ISPs) និងយន្តការឃ្លាំមើលផ្សេងទៀត
    • សមត្ថភាព ដើម្បីគេចវាងពីការត្រួតពិនិត្យអ៊ីនធើរណែតនិងវិធានចម្រោះ

    កម្មវិធីដែលអាចប្រើបានជាមួយ GNU Linux, Mac OS និង Microsoft Windows

    កម្មវិធី Tor Browser មានសម្រាប់ប្រព័ន្ធប្រតិបត្តិការ GNU Linux, Mac OS, Microsoft Windows និងAndroidTor គឺជាកម្មវិធីដែលត្រូវបានណែនាំនិងធ្វើតេស្តហ្មត់ចត់បំផុត សម្រាប់រក្សាអនាមិកភាពនៃសកម្មភាពអនឡាញរបស់លោកអ្នក។ ប៉ុន្តែ យើងខ្ញុំសូមណែនាំដំណោះស្រាយមួយចំនួនផ្សេងទៀត ដូចខាងក្រោមនេះ៖

    • Riseup VPN គឺជាកុំព្យូទ័របម្រើ Proxy Virtual Private Network (VPN) ឥតគិតថ្លៃមួយ សម្រាប់ Linux, MAC, Android និង Microsoft Windows
    • Psiphon3 គឺជាដំណោះស្រាយ Virtual Private Network (VPN) ពាណិជ្ជកម្មឥតគិតថ្លៃមួយ សម្រាប់ Microsoft Windows និង Android OS
    • Dynaweb FreeGate គឺជាកម្មវិធី Proxy ឥតគិតថ្លៃមួយ សម្រាប់ Microsoft Windows
    • Your Freedom គឺជាកម្មវិធី Proxy ពាណិជ្ជកម្មមួយ ដែលផ្តល់ជូនផងដែរនូវសេវាឥតគិតថ្លៃ(ប៉ុន្តែយឺតជាង)មួយ។ កម្មវិធីនេះមានសម្រាប់ Linux, Mac OS និង Microsoft Windows

    របៀបដោនឡូតកម្មវិធី Tor Browser

    • សូមអានសេចក្តីផ្តើមសង្ខេបនៃមគ្គុទ្ទេសក៍អនុវត្តន៍
    • ចុចលើរូបសញ្ញា Tor ខាងក្រោមនេះ ដើម្បីបើកទំព័រអ៊ីនធើរណែត https://www.torproject.org/easy-download.html.en
    • ស្ក្រូលទំព័រចុះក្រោម បន្ទាប់មក ចុចលើតំណភ្ជាប់ Tor Browser for Microsoft Windows
    • ថតទុកឯកសារបញ្ចូលកម្មវិធី បន្ទាប់មក បើកចូលទៅរកវា ហើយចុចរហ័សពីរដងលើវា
    • បន្ទាប់ពីទាញយកកម្មវិធី Tor Browser រួចហើយ លោកអ្នកអាចលុបចោលឯកសារបញ្ចូលកម្មវិធី ដែលលោកអ្នកបានថតទុក នៅក្នុងកុំព្យូទ័ររបស់លោកអ្នកបាន។

    Tor:

    កំណត់សម្គាល់ ៖ ប្រសិនបើលោកអ្នកស្ថិតនៅកន្លែងមួយដែលសិទ្ធិចូលប្រើគេហទំព័ររបស់ Tor Project (គម្រោង Tor) ត្រូវបានបិទ លោកអ្នកអាចស្នើសុំសំណៅឯកសារបញ្ចូលកម្មវិធី Tor Browser Bundle មួយតាមរយៈអ៊ីមែល។ ដើម្បីធ្វើការនេះ ត្រូវផ្ញើអ៊ីមែលទៅ gettor@torproject.org ដោយបញ្ជាក់នៅក្នុងអង្គអ៊ីមែលនូវសំណៅ Tor ដែលលោកអ្នកចង់បាន។ ឧទា. windows ប្រសិនបើលោកអ្នកមានកុំព្យូទ័រប្រើ Windows, osx ប្រសិនបើលោកអ្នកប្រើកុំព្យូទ័រ Apple ឬ linux ប្រសិនបើលោកអ្នកមានកុំព្យូទ័រប្រើ Linux។ លោកអ្នកនឹងទទួលបានការឆ្លើយតបមួយចំពោះអ៊ីមែលរបស់លោកអ្នក ដែលនៅក្នុងអ៊ីមែលឆ្លើយតបនោះ មានតំណភ្ជាប់ដើម្បីដោនឡូតឯកសារបញ្ចូលកម្មវិធីតាមរយៈ Dropbox។ សេចក្តីលម្អិតបន្ថែមអំពីលក្ខណៈពិសេសនេះ មាននៅក្នុង គេហទំព័រ Tor Project (គម្រោង Tor)

    ១.១ ការដែលលោកអ្នកគួរដឹងអំពីកម្មវិធីនេះ មុនពេលលោកអ្នកចាប់ផ្តើមប្រើវា

    Tor Browser គឺជាកម្មវិធីមួយ ដែលបង្កើតឡើងដើម្បីបង្កើនភាពឯកជននៃសកម្មភាពនិងទម្លាប់ប្រើប្រាស់អ៊ីនធើរណែតរបស់លោកអ្នក។ វាជួយបិទបាំងអត្តសញ្ញាណរបស់លោកអ្នក និងសកម្មភាពអនឡាញរបស់លោកអ្នក ឱ្យរួចផុតពីទម្រង់ឃ្លាំមើលអ៊ីនធើរណែតជាច្រើន។ Tor អាចមានប្រយោជន៍ជាមធ្យោបាយធានាសុវត្ថិភាពមួយនៃការគេចវាងពីលក្ខខណ្ឌកម្រិតអេឡិកត្រូនិក ដើម្បីឱ្យលោកអ្នកអាចចូលមើល ឬផ្សព្វផ្សាយគេហទិនានុលេខន៍(blogs)និងរបាយការណ៍ព័ត៌មាន។

    Tor ការពារអនាមិកភាពរបស់លោកអ្នក ដោយការបញ្ជូនទំនាក់ទំនងទិន្នន័យតាមរយៈបណ្តាញកុំព្យូទ័របម្រើចែកចែកមួយដែលដំណើរការដោយអ្នកស្ម័គ្រចិត្តមកពីទូទាំងពិភពលោក។ ការប្រើ Tor លាក់បាំងគេហទំព័រដែលលោកអ្នកបើកមើលពីអ្នកមើលដែលមានសក្តានុពល និងលាក់បាំងទីតាំង/អត្តសញ្ញាណរបស់លោកអ្នកពីគេហទំព័រទាំងនោះ។ កម្មវិធីនេះ ក៏ត្រូវបានរចនាឡើងដើម្បីធ្វើឱ្យប្រាកដថា កុំព្យូទ័របម្រើនៅក្នុងបណ្តាញ Tor មិនស្គាល់ទាំងទីតាំងរបស់លោកអ្នក និងគេហទំព័រដែលលោកអ្នកកំពុងបើកមើលផងដែរ។

    Tor ក៏ចាត់ជំហានអនុវត្តន៍ផងដែរ ដើម្បីបម្លែងជាទម្រង់សម្ងាត់នូវទំនាក់ទំនងដែលធ្វើទៅកាន់ និងតាមរយៈបណ្តាញរបស់វា ប៉ុន្តែ វិធានការនេះមិនអាចពង្រីកគ្រប់ផ្លូវទៅកាន់គេហទំព័រមួយដែលកំពុងផ្ញើ ឬទទួលទិន្នន័យតាមបណ្តាញមិនមានទម្រង់សម្ងាត់បានទេ (ឧទា. បណ្តាញដែលមិនផ្តល់ការប្រើពិធីការសុវត្ថិភាព https)។ ទោះជាដូច្នេះក្តី អត្ថប្រយោជន៍នៃការប្រើ Tor នៅពេលបើកចូលគេហទំព័រទាំងនេះគឺថា Tor អាចធានាសុវត្ថិភាពទំនាក់ទំនងទិន្នន័យរបស់លោកអ្នក ទៅដល់ត្រឹមជំហានរវាងចំណុចចុងក្រោយបំផុតនៃប្រព័ន្ធកុំព្យូទ័របម្រើTor និងគេហទំព័រដែលគ្មានសុវត្ថិភាព។ នេះគឺជាចន្លោះឱកាសដើម្បីស្ទាក់ចាប់ទិន្នន័យដែលឆ្ពោះទៅជំហានចុងក្រោយនោះ។

    Tor Browser Bundle រួមមាន កម្មវិធី Tor និង សំណៅកែសម្រួលមួយនៃកម្មវិធីបើកអ៊ីនធើរណែត Firefox ដែលត្រូវបានបង្កើតឡើងដើម្បីផ្តល់ការការពារបន្ថែមនៅខណៈពេលដែលប្រើវា។ Browser Bundle រួមមានផងដែរនូវមុខងារបន្ថែម NoScript និង មុខងារបន្ថែម HTTPS-Everywhere

    កំណត់សម្គាល់ ៖ មានការទូទាត់តុល្យភាពមួយរវាងអនាមិកភាព និងល្បឿន។ ច្បាស់ណាស់ វានឹងដំណើរការយឺតជាងការប្រើកម្មវិធីបើកអ៊ីនធើរណែតផ្សេងទៀតដែលមាន នៅក្នុងកុំព្យូទ័ររបស់លោកអ្នក ព្រោះ Tor ជួយសម្រួលដល់ការបើកទំព័រ អ៊ីនធើរណែតជាលក្ខណៈអនាមិក ដោយប្រើវិធីសាស្ត្របញ្ជូនចរាចរណ៍ទិន្នន័យរបស់លោកអ្នកត្រឡប់ចុះឡើងឆ្លងកាត់កុំព្យូទ័រ និងកុំព្យូទ័របម្រើរបស់អ្នកស្ម័គ្រចិត្តដែលស្ថិតនៅផ្នែកផ្សេងៗជាច្រើននៃពិភពលោក។

    និយមន័យ

    • Bridge Relay ៖ Bridge Relay គឺជាកុំព្យូទ័របម្រើ Tor មួយដែលមិនត្រូវបានប្រកាសជាសាធារណៈ។ ប្រសិនបើលោកអ្នកជ្រើសរើសប្រើ Bridge មួយ នោះកុំព្យូទ័របម្រើអាចផ្តល់ឱ្យលោកអ្នកនូវសិទ្ធិចូលប្រើបណ្តាញ Tor ទោះបី Tor ត្រូវបានបិទមិនឱ្យប្រើនៅក្នុងប្រទេសលោកអ្នកក៏ដោយ។

    • Port ៖ នៅក្នុងជំពូកនេះ Port គឺជាចំណុចច្រកចេញចូលមួយ ដែលតាមរយៈវា កម្មវិធីអាចប្រាស្រ័យទាក់ទងជាមួយសេវាដែលដំណើរការនៅក្នុងកុំព្យូទ័រភ្ជាប់ជាបណ្តាញផ្សេងទៀត។ ប្រសិនបើអាសយដ្ឋានទំព័រអ៊ីនធើរណែត(URL)មួយ (ដែលមានដូចជា www.google.com ជាដើម) ផ្តល់ឱ្យលោកអ្នកនូវ'អាសយដ្ឋានផ្លូវ'របស់សេវាមួយ នោះ Port នឹងប្រាប់លោកអ្នកថា តើ'ទ្វារ'ណាដែលត្រូវប្រើនៅពេលលោកអ្នកទៅដល់គោលដៅត្រឹមត្រូវ។ នៅពេលបើកអ៊ីនធើរណែត ជាទូទៅលោកអ្នកប្រើ Port 80 សម្រាប់គេហទំព័រមិនមានសុវត្ថិភាព (http://mail.google.com) និង Port 443 សម្រាប់គេហទំព័រមានសុវត្ថិភាព (https://mail.google.com)។

    • Proxy ៖ Proxy គឺជាកម្មវិធីអន្តការីមួយ ដែលដំណើរការនៅក្នុងកុំព្យូទ័ររបស់លោកអ្នក នៅក្នុងបណ្តាញកុំព្យូទ័រមូលដ្ឋានរបស់លោកអ្នក ឬនៅកន្លែងផ្សេងទៀតនៅលើអ៊ីនធើរណែត ដែលជួយបញ្ជូនទំនាក់ទំនងរបស់លោកអ្នកបន្តទៅកាន់គោលដៅចុងក្រោយរបស់វា។

    • Route ៖ Route គឺជាផ្លូវទំនាក់ទំនងនៅលើអ៊ីនធើរណែត នៅចន្លោះរវាងកុំព្យូទ័ររបស់លោកអ្នកនិងកុំព្យូទ័របម្រើគោលដៅ។

    របៀបទាញយកកម្មវិធី Tor Browser

    ២.០ របៀបទាញយកកម្មវិធី Tor Browser

    Tor Browser គឺជាសំណៅកែសម្រួលមួយនៃកម្មវិធី Firefox ដែលនឹងផ្តល់ឱ្យលោកអ្នកនូវគ្រប់អ្វីដែលលោកអ្នកត្រូវការដើម្បីបើកអ៊ីនធើរណែតក្នុងលក្ខណៈអនាមិក។ កញ្ចប់កម្មវិធីនេះ មិនតម្រូវឱ្យធ្វើការបញ្ចូលក្នុងកុំព្យូទ័រទេ គ្រាន់តែទាញយកនិងបើកដំណើរការគឺជាការស្រេច។

    ដើម្បីទាញយកកម្មវិធី Tor Browser ត្រូវអនុវត្តជំហានខាងក្រោមនេះ៖

    ជំហានទី ១. ចុចរហ័សពីរដងលើ ; ផ្ទាំង Open File - Security Warning (បើកឯកសារ - ការព្រមានអំពីសុវត្ថិភាព) អាចនឹងលេចមក។ ប្រសិនបើវាលេចមក ត្រូវចុចលើ ដើម្បីបើកកម្មវិធី។ បន្ទាប់មក ផ្ទាំងជ្រើសរើសភាសានឹងលេចមកដូចខាងក្រោមនេះ៖

    រូបភាព ១ ៖ ផ្ទាំងជ្រើសរើសភាសា

    ជ្រើសរើសភាសាពីម៉ឺនុយទម្លាក់ បន្ទាប់មក ចុចលើប៊ូតុង OK ដើម្បីបើកផ្ទាំងខាងក្រោមនេះ។

    ជំហានទី ២. ជ្រើសរើសទីតាំងដើម្បីទាញយកកម្មវិធី Tor Browser

    កំណត់សម្គាល់ ៖ កម្មវិធី Tor Browser មិនបញ្ចូលខ្លួនឯងដោយស្វ័យប្រវត្តនៅក្នុងថតឯកសារ C:Files ទេ (ខុសពីនីតិវិធីបញ្ចូលកម្មវិធីនៃកម្មវិធីភាគច្រើនដែលយើងខ្ញុំបានណែនាំ) ប៉ុន្តែវាបង្កើតថតឯកសារមួយនៅលើ Desktop របស់លោកអ្នកជំនួសវិញ។

    ចំណុចសំខាន់ ៖ លោកអ្នកអាចទាញយកកម្មវិធី Tor Browser ទៅដាក់ក្នុងថតឯកសារផ្សេងមួយ នៅក្នុងកុំព្យូទ័ររបស់លោកអ្នក ឬទៅដាក់ក្នុងអង្គចងចាំ USB មួយ។ ការធ្វើដូចនេះ អាចនឹងជួយលោកអ្នកលាក់បាំងការពិតដែលថា លោកអ្នកកំពុងប្រើTor នៅក្នុងកុំព្យូទ័ររបស់លោកអ្នក។

    ត្រូវចុចលើ ដើម្បីទទួលយកថតឯកសារនៅលើ Desktop ដែលមានស្រាប់ និងបើកផ្ទាំងខាងក្រោមនេះ ឬត្រូវចុចលើ ដើម្បីបើកផ្ទាំង Browse for Folder (បើកចូលទៅថតឯកសារ) និង បើកចូលទៅអាសយដ្ឋានថតឯកសារដែលចង់បានដើម្បីដាក់កម្មវិធី Tor Browser

    រូបភាព ២ ៖ ឧទាហរណ៍អំពី អាសយដ្ឋានថតឯកសារ ដែលមានស្រាប់សម្រាប់ដាក់កម្មវិធី Tor Browser

    ជំហានទី ៣. ចុចលើ ដើម្បីចាប់ផ្តើមទាញយកកម្មវិធី Tor Browser។ កាលណាចប់សព្វគ្រប់ហើយ លោកអ្នកនឹងឃើញមានផ្ទាំងមួយលេចមកបញ្ជាក់ថា កម្មវិធី Tor Browser ត្រូវបានបញ្ចូល និងអាចចាប់ផ្តើមដំណើរការបាន។

    រូបភាព ៤ ៖ ដំណើរការទាញយកកម្មវិធី បានបញ្ចប់ទៅដោយជោគជ័យ

    សូមកត់សម្គាល់ថា ជម្រើស Run Tor Browser (ចាប់ផ្តើមដំណើរការកម្មវិធី Tor Browser) ត្រូវបានជ្រើសយកនៅក្នុងផ្ទាំងខាងលើ។ នៅពេលលោកអ្នកចុចលើប៊ូតុង Finish (បញ្ចប់) នោះកម្មវិធី Tor Browser នឹងចាប់ផ្តើមបើកដំណើរការដោយស្វ័យប្រវត្ត។

    នៅក្នុងឧទាហរណ៍នេះ បន្ទាប់ពីដំណើរការទាញយកកម្មវិធីបានចប់សព្វគ្រប់ហើយ កម្មវិធី Tor Browser នឹងលេចមកនៅលើ Desktop របស់លោកអ្នក នៅក្នុងថតឯកសារមួយដែលមានឈ្មោះថា Tor Browser។ ដើម្បីប្រើកម្មវិធី Tor Browser នៅពេលណាមួយ លោកអ្នកគ្រាន់តែចុចរហ័សពីរដងលើ នៅក្នុងថតឯកសារនេះ គឺជា ការស្រេច។

    រូបភាព ៥ ៖ កម្មវិធី Tor Browser ដែលត្រូវបានទាញយក ទៅដាក់ក្នុងថតឯកសារមួយនៅលើ Desktop

    ឥឡូវនេះ លោកអ្នកទាញយកកម្មវិធី Tor Browser បានដោយជោគជ័យ។

    របៀបចូលប្រើអ៊ីនធើរណែត ដោយប្រើកម្មវិធី Tor Browser

    ៣.០ របៀបភ្ជាប់ទៅបណ្តាញ Tor

    នៅពេលលោកអ្នកបើកកម្មវិធី Tor Browser ជាលើកដំបូង វានឹងប្រាប់លោកអ្នកឱ្យជ្រើសរើសយករបៀបបើកអ៊ីនធើរណែតរបស់វា៖

    • Direct Access (សិទ្ធិចូលប្រើដោយផ្ទាល់) ៖ លោកអ្នកគួរជ្រើសយកជម្រើសនេះ បើសិទ្ធិចូលប្រើអ៊ីនធើរណែតរបស់លោកអ្នកមិនត្រូវបានរឹតត្បិត និងបើសិនការប្រើ Tor មិនត្រូវបានបំបិទ ហាមឃាត់ ឬពិនិត្យតាមដាននៅកន្លែងដែលលោកអ្នកស្ថិតនៅ។

    • Restricted Access (សិទ្ធិចូលប្រើដែលត្រូវបានរឹតត្បិត) ៖ លោកអ្នកគួរជ្រើសយកជម្រើសនេះ ប្រសិនបើសិទ្ធិចូលប្រើអ៊ីនធើរណែតរបស់លោកអ្នកត្រូវបានរឹតត្បិត និងប្រសិនបើការប្រើ Tor ត្រូវបានបំបិទ ហាមឃាត់ ឬពិនិត្យតាមដាននៅកន្លែងដែលលោកអ្នកស្ថិតនៅ។

    ការកំណត់ទាំងនេះ អាចផ្លាស់ប្តូរបាននៅក្នុងកម្មវិធី Tor Browser ដោយមិនចាំបាច់ត្រូវតែបញ្ចូលកម្មវិធីឡើងវិញទេ។ កិច្ចការនេះអាចចាំបាច់ត្រូវធ្វើ បើសិនមានស្ថានភាពផ្លាស់ប្តូរនៅក្នុងកន្លែងរបស់លោកអ្នក ឬបើសិនលោកអ្នកកំពុងនៅក្រៅប្រទេស។

    ចាប់ពីពេលដែលលោកអ្នកបើកកម្មវិធី Tor Browser ជាលើកទីពីរមក វានឹងភ្ជាប់លោកអ្នកទៅបណ្តាញ Tor ដោយមិនតម្រូវឱ្យធ្វើការកំណត់អ្វីបន្ថែមឡើយ។

    ៣.១.១ របៀបភ្ជាប់ទៅបណ្តាញ Tor - សិទ្ធិចូលប្រើដោយផ្ទាល់

    ដើម្បីកំណត់កម្មវិធី Tor Browser ឱ្យចូលប្រើបណ្តាញ Tor ដោយផ្ទាល់ ត្រូវអនុវត្តជំហានខាងក្រោមនេះ៖

    ជំហានទី ១. បើកចូលទៅ ថតឯកសារ Tor Browser បន្ទាប់មក ចុចរហ័សពីរដងលើ ដើម្បីបើកផ្ទាំងខាងក្រោមនេះ៖

    រូបភាព ១ ៖ ផ្ទាំង Tor Network Settings

    ជំហានទី ២. ចុចលើប៊ូតុង ដែលនឹងបើកផ្ទាំង Tor Status (ស្ថានភាព Tor) ដែលបង្ហាញស្ថានភាពរីកចម្រើននៃដំណើរការភ្ជាប់កម្មវិធីទៅបណ្តាញ Tor

    រូបភាព ២ ៖ ផ្ទាំង Tor Status (ស្ថានភាព Tor) ដែលបង្ហាញភាពរីកចម្រើននៃដំណើរការភ្ជាប់សេវា

    ពីរបីស្របក់ក្រោយមក កម្មវិធី Tor Browser នឹងបើកផ្ទាំងកម្មវិធីថ្មីមួយដែលបង្ហាញផ្ទាំងដូចខាងក្រោមនេះ៖

    រូបភាព ៣ ៖ កម្មវិធី Tor Browser; ត្រូវបានភ្ជាប់ដោយជោគជ័យទៅបណ្តាញ Tor

    ឥឡូវនេះ លោកអ្នកអាចបើកចូលអ៊ីនធើរណែតបាន ដោយមានការការពាររបស់បណ្តាញ Tor

    កំណត់សម្គាល់ ៖ នៅរៀងរាល់ពេលដែលលោកអ្នកបើកដំណើរការកម្មវិធី Tor Browser វានឹងបើកផ្ទាំង Tor Status (ស្ថានភាព Tor) (រូបភាព ២) ដោយស្វ័យប្រវត្ត មុនពេលចាប់ផ្តើមដំណើរការកម្មវិធី Tor Browser (រូបភាព ៣)។

    ៣.១.២ របៀបភ្ជាប់ទៅបណ្តាញ Tor - សិទ្ធិចូលប្រើដែលត្រូវបានរឹតត្បិត

    ប្រសិនបើលោកអ្នករស់នៅក្នុងតំបន់មួយ ដែលការចូលប្រើបណ្តាញ Tor ដោយផ្ទាល់ (ដូចដែលបានបរិយាយខាងលើ) មិនអាចធ្វើទៅបានឬមានលក្ខណៈប្រថុយប្រថាន នោះលោកអ្នកអាចកំណត់ឱ្យ Tor ព្យាយាមគេចវាងពីឧបសគ្គដែលកំពុងមាននោះ។

    ជំហានទី ១. បើកចូលទៅថតឯកសារ Tor Browser បន្ទាប់មក ចុចរហ័សពីរដងលើ ដើម្បីបើកផ្ទាំងខាងក្រោមនេះ៖

    រូបភាព ៤ ៖ ផ្ទាំង Tor Network Settings

    ជំហានទី ២. ចុចលើប៊ូតុង ដើម្បីបើកផ្ទាំងថ្មីមួយ។ លោកអ្នកនឹងត្រូវបានសួរសំណួរខ្លីចំនួនបី ដើម្បីជួយលោកអ្នកចូលប្រើបណ្តាញ Tor

    សំណួរទី ១ ៖ ការចូលប្រើ Proxy; ប្រសិនបើលោកអ្នកត្រូវការចូលប្រើអ៊ីនធើរណែតតាមរយៈ Proxy មួយ ត្រូវគូសយក yes បន្ទាប់មក ចុចលើ ។ ប្រសិនបើលោកអ្នកមិនប្រើ Proxy ទេ ត្រូវគូសយក no បន្ទាប់មក ចុចលើ

    ប្រសិនបើលោកអ្នកបានជ្រើសយក yes ខាងលើ លោកអ្នកត្រូវបំពេញការកំណត់នៃProxyរបស់លោកអ្នកនៅក្នុងផ្ទាំងខាងក្រោមនេះ។ បើសិនលោកអ្នកមិនស្គាល់ការកំណត់នៃProxyរបស់លោកអ្នក លោកអ្នកត្រូវពិនិត្យការកំណត់តាមទម្លាប់នៃកម្មវិធីបើកអ៊ីនធើរណែតរបស់លោកអ្នក។ នៅក្នុង Firefox លោកអ្នកអាចរកឃើញការកំណត់ទាំងនេះនៅក្នុង Options > Advanced > ស្លាកផ្ទាំង Network ក្នុងផ្នែក Connection Settings។ នៅក្នុងកម្មវិធីបើកអ៊ីនធើរណែតផ្សេងទៀត លោកអ្នកអាចនឹងរកឃើញការកំណត់ទាំងនេះនៅក្នុង Internet Options។ ប្រើមុខងារពិសេស Help ដែលមាននៅក្នុងកម្មវិធីបើកអ៊ីនធើរណែតរបស់លោកអ្នកសម្រាប់ជាជំនួយបន្ថែម។

    រូបភាព ៥ ៖ ផ្ទាំង Proxy settings

    សំណួរទី ២ ៖ Ports ដែលត្រូវបានដាក់កម្រិត; ប្រសិនបើលោកអ្នកកំពុងចូលប្រើអ៊ីនធើរណែតតាមរយៈ Firewall មួយដែលអនុញ្ញាតឱ្យចូលប្រើបានតែលើ Ports ខ្លះ (ឧទា. port 80 ឬ 443 សម្រាប់ការបើកចូលអ៊ីនធើរណែត) នោះត្រូវជ្រើសយក yes រួចចុចលើ ដើម្បីកំណត់មុខងារឱ្យ Ports ទាំងនោះ បើមិនអញ្ចឹងទេ ត្រូវជ្រើសយក no រួចចុចលើ

    រូបភាព ៦ ៖ ផ្ទាំងកំណត់ការដាក់កម្រិត Port

    សំណួរទី ៣ ៖ ការភ្ជាប់អ៊ីនធើរណែតដែលត្រូវបានត្រួតពិនិត្យ; ប្រសិនបើលោកអ្នករស់នៅក្នុងប្រទេសមួយដែលកំពុងបំបិទឬពិនិត្យតាមដានយ៉ាងសកម្មនូវចរាចរណ៍របស់ Tor នោះលោកអ្នកអាចកំណត់មុខងារឱ្យកម្មវិធី Tor Browser ប្រើ Bridge មួយ ដែលនឹងបំភ័ន្តការពិតដែលថា លោកអ្នកកំពុងប្រើ Tor

    នៅពេលលោកអ្នកបានចុចលើ បន្ទាប់ពី សំណួរទី ២ លោកអ្នកនឹងត្រូវបានបង្ហាញផ្ទាំងដែលអនុញ្ញាតឱ្យលោកអ្នកថតចម្លងបញ្ចូល (Paste) អាសយដ្ឋាន Bridge។ សូមមើលផ្នែក របៀបទទួលបានអាសយដ្ឋាន Bridge សម្រាប់ពាក្យណែនាំអំពីរបៀបទទួលបានអាសយដ្ឋាន Bridge។

    រូបភាព ៧ ៖ ផ្ទាំងកំណត់មុខងារឱ្យ Tor Bridge

    ពេលលោកអ្នកបានបន្ថែមអាសយដ្ឋាន Bridge ត្រូវចុចលើ ដើម្បីបញ្ចប់ការកំណត់មុខងាររបស់លោកអ្នក និងដើម្បីភ្ជាប់ទៅ(បណ្តាញ Tor)។

    រូបភាព ៨ ៖ ផ្ទាំង Tor Status (ស្ថានភាព Tor) ដែលបង្ហាញភាពរីកចម្រើននៃដំណើរការភ្ជាប់សេវា

    ពីរបីស្របក់ក្រោយមក កម្មវិធី Tor Browser នឹងបើកផ្ទាំងកម្មវិធីថ្មីមួយ ដែលបង្ហាញផ្ទាំងដូចខាងក្រោមនេះ៖

    រូបភាព ៩ ៖ កម្មវិធី Tor Browser; ត្រូវបានភ្ជាប់ដោយជោគជ័យទៅបណ្តាញ Tor

    ឥឡូវនេះ លោកអ្នកអាចបើកអ៊ីនធើរណែតបាន ដោយមានការការពាររបស់បណ្តាញ Tor

    កំណត់សម្គាល់ ៖ នៅរៀងរាល់ពេលដែលលោកអ្នកបើកដំណើរការកម្មវិធី Tor Browser វានឹងបើកផ្ទាំង Tor Status (ស្ថានភាព Tor) (រូបភាព ៨) ដោយស្វ័យប្រវត្ត មុនពេលចាប់ផ្តើមដំណើរការកម្មវិធី Tor Browser (រូបភាព ៩)។

    ៣.២ កំណត់សិទ្ធិចូលប្រើបណ្តាញ Tor ឡើងវិញ

    នៅដំណាក់កាលណាក៏ដោយ ប្រសិនបើលោកអ្នកត្រូវការចូលប្រើបណ្តាញ Torតាមមធ្យោបាយផ្សេងមួយ (ឧទា. ប្រសិនបើលោកអ្នកបានធ្វើដំណើរទៅប្រទេសមួយដែលបិទសិទ្ធិប្រើ Tor) លោកអ្នកអាចធ្វើបច្ចុប្បន្នភាពការកំណត់របស់លោកអ្នក នៅក្នុងកម្មវិធីបើកអ៊ីនធើរណែត។ ត្រូវចុចលើរូបសញ្ញា រួចជ្រើសយក Open Network Settings (បើកផ្ទាំងការកំណត់បណ្តាញ)។

    រូបភាព ១០ ៖ ផ្ទាំងជម្រើសនានារបស់ Tor Browser

    លោកអ្នកនឹងត្រូវបានបង្ហាញនូវផ្ទាំងថ្មីមួយ (រូបភាព ១១) ដែលនឹងអនុញ្ញាតឱ្យលោកអ្នកអាចផ្លាស់ប្តូររបៀបដែលកម្មវិធី Tor Browser ចូលប្រើអ៊ីនធើរណែត។ គូសយកជម្រើសដែលលោកអ្នកចង់បាន និងផ្លាស់ប្តូរការកំណត់របស់វា។ បន្ទាប់ពីលោកអ្នក ពេញចិត្តចំពោះការផ្លាស់ប្តូរ ត្រូវចុចលើ រួចចាប់ផ្តើមបើកដំណើរការកម្មវិធី Tor Browser ឡើងវិញ។

    រូបភាព ១១ ៖ ផ្ទាំងជម្រើសនានារបស់ Tor Browser

    ៣.៣ របៀបទទួលបានអាសយដ្ឋាន Bridge

    ដើម្បីកំណត់ឱ្យកម្មវិធី Tor Browser ប្រើ Bridges លោកអ្នកចាំបាច់ត្រូវមានអាសយដ្ឋាន Bridge។ មានមធ្យោបាយចម្បងពីរដែលអាចសម្រេចកិច្ចការនេះបាន៖

    អ៊ីមែល

    ដើម្បីទទួលបាន Bridges តាមរយៈអ៊ីមែល លោកអ្នកចាំបាច់ត្រូវមានគណនីអ៊ីមែល Gmail ឬ Yahoo មួយ។ ត្រូវផ្ញើអ៊ីមែលមួយទៅ bridges@bridges.torproject.org ដោយសរសេរប្រធានបទរបស់អ៊ីមែលនេះថា get bridges។ បន្ទាប់ពីពីរបីនាទីក្រោយមក លោកអ្នកនឹងទទួលបានអ៊ីមែលមួយដែលមានរាយឈ្មោះ Bridges ចំនួន ៣ និងព័ត៌មានលម្អិតបន្ថែមមួយចំនួន។

    រូបភាព ១២ ៖ អ៊ីមែលដែលមានរាយឈ្មោះ Bridges

    គេហទំព័រ

    បើសិនការចូលប្រើរបស់លោកអ្នកមិនត្រូវបានរឹតត្បិតទេនោះ លោកអ្នកអាចនឹងទទួលបានអាសយដ្ឋាន Bridge ពីគេហទំព័រ Tor តាមរយៈការបើកចូលគេហទំព័រ https://bridges.torproject.org/

    បន្ទាប់ពីបើកចូលគេហទំព័រនេះហើយ លោកអ្នកចាំបាច់ត្រូវអនុវត្តបីជំហានដូចខាងក្រោម៖

    • ចុចលើ

    • ចុចលើ

    • បំពេញអក្សរ captcha បន្ទាប់មក ចុចលើ

    បន្ទាប់ពីលោកអ្នកបានវាយបញ្ចូលអក្សរ captcha បានត្រឹមត្រូវរួចហើយ លោកអ្នកឃើញបង្ហាញអាសយដ្ឋាន Bridge ចំនួន៣។

    Figure 13: Bridge addresses received via the Tor Project website

    រូបភាព ១៣ ៖ អាសយដ្ឋាន Bridge ដែលទទួលបានតាមរយៈគេហទំព័រ Tor Project (គម្រោង Tor)

    កំណត់សម្គាល់Bridge Database (ឃ្លាំងទិន្នន័យ Bridge) ត្រូវបានបង្កើតឡើង ដើម្បីបង្ការកុំឱ្យអ្នកផ្សេងទៀតស្គាល់ អាសយដ្ឋាន Bridge ទាំងអស់បានដោយងាយ។ ជាដំបូង វាហាក់ដូចជាផ្តល់ឱ្យលោកអ្នកនូវ Bridges ដូចៗគ្នានៅរៀងរាល់ពេលនីមួយៗ។ ប៉ុន្តែ បន្ទាប់ពីមួយរយៈពេលក្រោយមក វានឹងផ្តល់អាសយដ្ឋានថ្មីៗជាយថាហេតុ។

    បន្ទាប់ពីលោកអ្នកបានទទួលអាសយដ្ឋាន Bridge រួចហើយ ត្រូវចម្លងពួកវាទៅដាក់ក្នុងប្រអប់វាយអក្សរនៅក្នុងផ្ទាំងដូចនៅក្នុង រូបភាព ៧ ៖ ផ្ទាំងកំណត់មុខងារឱ្យ Tor Bridgeរូបភាព ១១ ៖ ផ្ទាំងជម្រើសនានារបស់ Tor Browser

    ការប្រើកម្មវិធី Tor Browser

    ៤.០ ការប្រើកម្មវិធី Tor Browser

    កម្មវិធី Tor Browser ត្រូវបានរចនាឡើង ដើម្បីងាយស្រួលប្រើប្រាស់។ តាមការពិត ប្រសិនបើលោកអ្នកចេះច្បាស់អំពីរបៀបប្រើកម្មវិធីបើកអ៊ីនធើរណែតមួយ លោកអ្នកនឹងអាចប្រើកម្មវិធី Tor Browser បាន ព្រោះវាគឺជាសំណៅមួយរបស់កម្មវិធី Firefox ដែលត្រូវបានកែសម្រួលឱ្យមានកម្រិតភាពឯកជននិងសុវត្ថិភាពបន្ថែម។

    កំណត់សម្គាល់ ៖ ដោយកម្មវិធី Tor Browser ត្រូវបានរចនាឡើងដោយគិតគូរអំពីភាពឯកជន កម្មវិធីនេះត្រូវបានកំណត់មុខងារមិនឱ្យថតទុកព័ត៌មានណាមួយទៅក្នុងថាសរឹង ឬអង្គចងចាំ USB ទេ។ នេះមានន័យថា នៅពេលលោកអ្នកចាកចេញពី កម្មវិធី Tor Browser គ្រប់ប្រវត្តិបើកចូលអ៊ីនធើរណែតរបស់លោកអ្នកទាំងអស់ត្រូវបានបំភ្លេចចោល។

    ៤.១ របៀបពិនិត្យមើលថា តើកម្មវិធី Tor Browser មានដំណើរការដែរឬទេ

    ដូចជាកម្មវិធីគេចវាងផ្សេងទៀតដែរ លោកអ្នកត្រូវបានណែនាំឱ្យធ្វើតេស្តឯករាជ្យងាយៗមួយចំនួន ដើម្បីធានាថា កម្មវិធី Tor Browser មានដំណើរការ ដោយលោកអ្នកចូលទៅក្នុងគេហទំព័រណាដែលនឹងព្យាយាមកំណត់អត្តសញ្ញាណ (ពីអាសយដ្ឋាន ពិធីការអ៊ីនធើរណែត(IP address)) នូវទីតាំងមូលដ្ឋានដែលលោកអ្នកស្ថិតនៅ។

    មានគេហទំព័រឥតគិតថ្លៃមួយចំនួនដែលធ្វើកិច្ចការនេះ មានដូចជា check.torproject.org, iplocation.net, ip2location.com, whatismyipaddress.com។ល។ ប្រសិនបើលោកអ្នកបើកចូលគេហទំព័រទាំងនេះដោយផ្ទាល់ដោយមិនប្រើកម្មវិធី Tor Browser ឬមិនប្រើកម្មវិធីគេចវាងណាមួយផ្សេងទៀត នោះវាគួរតែបង្ហាញអាសយដ្ឋានពិធីការអ៊ីនធើរណែត (IP address) ពិតប្រាកដរបស់លោកអ្នក និងផ្តល់ឱ្យលោកអ្នកនូវទីតាំងរូបវន្តស្ទើរតែត្រឹមត្រូវពិតប្រាកដ។ ប៉ុន្តែ បើសិនលោកអ្នកបើកចូលគេហទំព័រទាំងនោះដោយប្រើកម្មវិធី Tor Browser ឬកម្មវិធីគេចវាងផ្សេងទៀត នោះទីតាំង និងអាសយដ្ឋានពិធីការអ៊ីនធើរណែត (IP address) ដែលលោកអ្នកនឹងមើលឃើញ គួរតែខុសគ្នា។

    រូបភាព ១ ៖ កម្មវិធី Firefox (ខាងលើ) & កម្មវិធី Tor Browser (ខាងក្រោម) នៅក្នុងកុំព្យូទ័រតែមួយ ដែលបង្ហាញភាពខុសគ្នានៃស្ថានភាព Tor និង អាសយដ្ឋានពិធីការអ៊ីនធើរណែត (IP address)

    ៤.២ របៀបបង្កើតអត្តសញ្ញាណថ្មី

    លោកអ្នកអាចបង្កើតអត្តសញ្ញាណថ្មីមួយសម្រាប់កម្មវិធីបើកអ៊ីនធើរណែតរបស់លោកអ្នក។ នេះមានន័យថា សំណុំថ្មីនៃកុំព្យូទ័របម្រើ Proxy Tor ចៃដន្យមួយ នឹងត្រូវបានជ្រើសរើសសម្រាប់ឱ្យលោកអ្នកប្រើប្រាស់។ វានឹងធ្វើឱ្យលោកអ្នកមើលទៅហាក់ដូចជាមកពីទីតាំងថ្មីមួយឆ្ពោះទៅកាន់ប្រព័ន្ធកុំព្យូទ័របម្រើអ៊ីនធើរណែត។ ដើម្បីធ្វើការនេះ ត្រូវចុចលើ បន្ទាប់មក ជ្រើសយក New Identity (អត្តសញ្ញាណថ្មី) ពីម៉ឺនុយ។ កម្មវិធី Tor Browser នឹងបិទនិងសម្អាត ប្រវត្តិបើកចូលអ៊ីនធើរណែត និង ឃុកឃី (Cookies) របស់លោកអ្នក នៅក្នុងរយៈពេលដ៏ខ្លី ហើយបន្ទាប់មក ចាប់ផ្តើមដំណើរការឡើងវិញ។ នៅពេលកម្មវិធីបានចាប់ផ្តើមដំណើរការឡើងវិញ លោកអ្នកអាចពិនិត្យមើលទីតាំងថ្មីរបស់លោកអ្នក ដូចដែលបានបរិយាយនៅក្នុង ផ្នែក ៤.១ ខាងលើ។

    រូបភាព ២ ៖ ការជ្រើសយកអត្តសញ្ញាណថ្មីពីម៉ឺនុយ TorButton

    ៤.៣ របៀបបើកដំណើរការមុខងារបន្ថែម NoScript

    កម្មវិធី Tor Browser មានមុខងារបន្ថែម NoScript បញ្ចូលជាមុនរួចជាស្រេច។ NoScript អាចបន្ថែមការការពារដល់លោកអ្នកពីគេហទំព័រអាក្រក់នានា និងពីការបែកធ្លាយអត្តសញ្ញាណពិតរបស់លោកអ្នក តាមរយៈការអនុវត្តសំណេរកម្មវិធីនៅក្នុងកម្មវិធី Tor Browser របស់លោកអ្នក។ ប៉ុន្តែ មុខងារបន្ថែម NoScript ត្រូវបានបិទដំណើរការជាស្វ័យប្រវត្តនៅក្នុងកម្មវិធី Tor Browser ដែលដោយហេតុនេះហើយ ការការពារបន្ថែមនេះមិនទាន់មាននៅឡើយទេ។

    ប្រសិនបើលោកអ្នកចង់បើកដំណើរការមុខងារការពារបន្ថែមដែលផ្តល់ដោយNoScript លោកអ្នកអាចបើកវាបានដោយបើកម៉ឺនុយ NoScript រួចចុចលើ Forbid Scripts Globally (ហាមឃាត់សំណេរកម្មវិធីជាទូទៅ) បន្ទាប់មក កំណត់មុខងារជម្រើសជាច្រើនដែលវាផ្តល់ឱ្យ។

    យើងខ្ញុំសូមណែនាំឱ្យលោកអ្នកអានបន្ថែមអំពី NoScript នៅក្នុងជំពូកកម្មវិធី FireFox

    រូបភាព ៣ ៖ ការបើកដំណើរការមុខងារបន្ថែម NoScript ដោយការជ្រើសយកជម្រើស Forbid Scripts Globally (ហាមឃាត់សំណេរកម្មវិធីជាទូទៅ) (ត្រូវបានណែនាំឱ្យប្រើ)

    ៤.៤ បច្ចុប្បន្នភាពនៃកម្មវិធី Tor Browser

    នៅក្នុង ជំពូក ១.៤ នៃ កូនសៀវភៅណែនាំ យើងខ្ញុំមានពន្យល់អំពីសារៈសំខាន់នៃការរក្សាបច្ចុប្បន្នភាពនៃកម្មវិធីកុំព្យូទ័ររបស់លោកអ្នក។ កម្មវិធី Tor Browser ក៏ត្រូវការរក្សាឱ្យមានបច្ចុប្បន្នភាពផងដែរ។ បន្ទាប់ពីមានសំណៅបច្ចុប្បន្នភាពនៃកម្មវិធី នៅពេលលោកអ្នកចាប់ផ្តើមបើកដំណើរការកម្មវិធី Tor Browser លោកអ្នកនឹងទទួលបានការជូនដំណឹងមួយថា កម្មវិធីបើកអ៊ីនធើរណែតរបស់លោកអ្នកគឺហួសសម័យហើយ (រូបភាព ៤) ហើយលោកអ្នកនឹងត្រូវបានណែនាំឱ្យចុចនិងជ្រើសយក Download Tor Browser Update (ដោនឡូតបច្ចុប្បន្នភាពកម្មវិធីបើកអ៊ីនធើរណែត Tor)។ លោកអ្នកនឹងត្រូវបាននាំទៅកាន់គេហទំព័រ Tor Project (គម្រោង Tor) ដែលជាកន្លែងលោកអ្នកអាចទទួលបានសំណៅកម្មវិធីថ្មីចុងក្រោយបំផុត។ បន្ទាប់ពីដោនឡូតរួចហើយ លោកអ្នកអាចអនុវត្តតាមមគ្គុទ្ទេសក៍នេះ ដើម្បីបញ្ចូលកម្មវិធី Tor Browser ថ្មីចុងក្រោយនោះ។

    រូបភាព ៤ ៖ កម្មវិធី Tor Browser ដែលបង្ហាញថា មានសំណៅបច្ចុប្បន្នភាព

    សំណួរដែលសួរញឹកញាប់អំពីកម្មវិធី Tor Browser

    ៥.០ សំណួរដែលសួរញឹកញាប់

    Tor គឺជាបំណែកកម្មវិធីមួយដែលត្រូវបានថែទាំយ៉ាងល្អ និងត្រូវបានធ្វើតេស្តយ៉ាងហ្មត់ចត់។ បណ្តាញ Tor ត្រូវបានប្រើដោយមនុស្សរាប់សែននាក់នៅទូទាំងពិភពលោក។ ការកែលម្អជាបន្តបន្ទាប់ បានធ្វើឱ្យវាកាន់តែមានសុវត្ថិភាពនិងស្ថេរភាព។ ថ្វីបើសេចក្តីពន្យល់នៅក្នុងជំពូកនេះអាចមើលទៅហាក់ដូចជាស្មុគស្មាញក៏ដោយ នៅក្នុងករណីជាច្រើន លោកអ្នកនឹងមិនចាំបាច់ត្រូវអាន ផ្នែក ៣.១.១ របៀបភ្ជាប់ទៅបណ្តាញ Tor - សិទ្ធិចូលប្រើដោយផ្ទាល់ ដើម្បីធ្វើឱ្យកម្មវិធី Tor Browser ដំណើរការបានត្រឹមត្រូវឡើយ។

    សំណួរ ៖ ហេតុអ្វីបានជាខ្ញុំគួរតែប្រើកម្មវិធី Tor Browser?

    ចម្លើយ ៖ នេះជាសំណួរល្អ។ Tor Browser គឺជាកម្មវិធីដ៏អស្ចារ្យមួយ ប្រសិនបើលោកអ្នកត្រូវការគេចវាងពីការត្រួតពិនិត្យ អ៊ីនធើរណែត ដើម្បីចូលប្រើគេហទំព័រជាក់លាក់មួយចំនួន។ វាមានប្រយោជន៍ផងដែរ ប្រសិនបើលោកអ្នកមិនចង់ឱ្យក្រុមហ៊ុនផ្តល់សេវាអ៊ីនធើរណែត (ISP) ដឹងថា តើគេហទំព័រណាខ្លះដែលលោកអ្នកកំពុងបើកមើល ឬប្រសិនបើលោកអ្នកមិនចង់ឱ្យគេហទំព័រទាំងនោះស្គាល់ទីតាំងឬទីប្រភពដើមរបស់លោកអ្នក។

    សំណួរ ៖ នៅពេលខ្ញុំដំណើរការកម្មវិធី Tor Browser តើកម្មវិធីទាំងអស់ផ្សេងទៀតរបស់ខ្ញុំធ្វើការទាក់ទងជាលក្ខណៈអនាមិកតាមរយៈបណ្តាញ Tor ដែរឬទេ?

    ចម្លើយ ៖ ទេ។ គឺជាការសំខាន់ណាស់ដែលលោកអ្នកត្រូវចងចាំថា លោកអ្នកអាចចូលប្រើ បណ្តាញ Tor បានតែតាមរយៈកម្មវិធី Tor Browser តែប៉ុណ្ណោះ។ កម្មវិធីទាំងអស់ផ្សេងទៀតរបស់លោកអ្នក គឺធ្វើការទាក់ទងដោយផ្ទាល់ជាមួយប្រព័ន្ធកុំព្យូទ័របម្រើនៅក្នុងអ៊ីនធើរណែត។ ដើម្បីប្រាកដទាំងស្រុងថា លោកអ្នកកំពុងធ្វើការទាក់ទងនៅលើបណ្តាញ Tor លោកអ្នកអាចពិនិត្យមើលវានៅក្នុងគេហទំព័រ https://check.torproject.orgបានគ្រប់ពេល។ Tor ពឹងផ្អែកផងដែរ ទៅលើការអនុវត្តការប្រុងប្រយ័ត្ន សុភនិច្ឆ័យ និងសុភវិនិច្ឆ័យរបស់លោកអ្នក នៅពេលបើកមើលគេហទំព័រថ្មីឬគេហទំព័រដែលស្គាល់មិនច្បាស់។

    សំណួរ ៖ តើ Tor កំពុងការពារទំនាក់ទំនងទាំងអស់ ឬណាមួយ នៅពេលប្រើកម្មវិធី Tor Browser ដែរឬទេ?

    ចម្លើយTor នឹងបម្លែងជាទម្រង់សម្ងាត់ នូវគ្រប់ទំនាក់ទំនងទាំងអស់ ដែលមានរវាងលោកអ្នកនិងក្របខ័ណ្ឌបណ្តាញ Tor។ ប៉ុន្តែ ត្រូវចងចាំថា Tor មិនអាចបម្លែងជាទម្រង់សម្ងាត់ នូវចរាចរណ៍ទិន្នន័យរបស់លោកអ្នក ដែលស្ថិតនៅចន្លោះរវាងបណ្តាញ Tor និងគេហទំព័រគោលដៅដែលលោកអ្នកធ្វើការទាក់ទងជាមួយបានទេ។ សម្រាប់កិច្ចការនេះ លោកអ្នកត្រូវតែប្រើពិធីការ HTTPS ឬវិធីបម្លែងជាទម្រង់សម្ងាត់ស្រដៀងគ្នានេះផ្សេងទៀត – ជាពិសេស ប្រសិនបើលោកអ្នកឱ្យតម្លៃដល់ភាពឯកជន និងសុវត្ថិភាពនៃព័ត៌មានរបស់លោកអ្នក!

    ៥.១ ធនធានបន្ថែម