RiseUp - လုံခြုံတဲ့ အီးမေးလ် ဝန်ဆောင်မှု

Updated 11 August 2014

ဤလမ်းညွှန်အား အချိန်နှင့်တပြေးညီ ပြင်ဆင်မှု မရှိတော့ပါ။

:Introduction

RiseUpဟာ နိုင်ငံရေးနဲ့ လူမှုရေးဆိုင်ရာ တရားမျှတမှုအတွက် လှုပ်ရှားနေကြတဲ့ လူတစ်ဦးတစ်ယောက်ချင်း (သို့) အဖွဲ့အစည်းတွေအတွက် သီးသန့်ဖြစ်ပြီး လုံခြုံမှု ရှိတဲ့ အီးမေးလ်နဲ့ hosting ဝန်ဆောင်မှုတွေကို ပံ့ပိုးပေးတဲ့ အဖွဲ့အစည်း တစ်ခု ဖြစ်ပါတယ်။

ပင်မ စာမျက်နှာ

https://riseup.net/

ကွန်ပျူတာ လိုအပ်ချက်များ

  • အင်တာနက် အဆက်အသွယ် ရှိရမယ်
  • RiseUp ကို Firefox browser နဲ့ အသုံးပြုဖို့ အကောင်းဆုံး ဖြစ်ပါတယ်။

လိုင်စင် ခွင့်ပြုချက်

  • အခမဲ့ ဆော့ဗ်ဝဲ

ဖတ်ရှုရမဲ့ အကြောင်းအရာများ -

အဆင့် - ၁။ လက်သင်၊ ၂။ ပျမ်းမျှ၊ ၃။ အလယ်အလတ်၊ ၄။ အတွေ့အကြုံရှိသော၊ ၅။ အဆင့်မြင့်

ဒီဆော့ဗ်ဝဲကို စတင် သုံးစွဲဖို့ လိုအပ်တဲ့ အချိန် - ၂၀ မိနစ်

ပြန်လည်ရရှိမည့် အကျိုးကျေးဇူး -

  • လူထုအခြေခံတဲ့ ကြော်ငြာမပါတဲ့ အခမဲ့ အီးမေးလ် အကောင့်တစ်ခု ရရှိမှာ ဖြစ်တယ်
  • အီးမေးလ်ကို အင်တာနက်ကနေ ဖြစ်ဖြစ်၊ အီးမေးလ် ပရိုဂရမ်တစ်ခုနဲ့ ဖြစ်ဖြစ် သုံးစွဲနိုင်ပြီး၊ စာဝှက်ထားတဲ့ ဆက်သွယ်ရေးလိုင်း ကတဆင့် သီးသန့် အီးမေးလ် ဆက်သွယ်ရေးတွေကို ဆောင်ရွက်နိုင်တယ်
  • အီးမေးလ်လိပ်စာကို ပြောင်းလဲနိုင်တယ်၊ သင့်ရဲ့ အီးမေးလ် စာပုံး အရွယ်အစားကို သတ်မှတ်နိုင်တယ်၊ တခြားသူတွေကို RiseUp အသုံးပြုဖို့ ဖိတ်ခေါ်နိုင်ပါတယ်။

တခြား ရွေးချယ်နိုင်တဲ့ အီးမေးလ် ဝန်ဆောင်မှုများ

Rise Up ဟာ လုံခြုံမှု ရှိတဲ့ အီးမေးလ် ဝန်ဆောင်မှုတစ်ခု ဖြစ်ပြီး ယုံကြည်စိတ်ချရတဲ့ အင်တာနက် privacy နဲ့ လုံခြုံရေး ထောက်ခံလှုပ်ရှားသူတွေက စီမံထိန်းသိမ်းထားပေမဲ့၊ ပုံမှန်မဟုတ်တဲ့ အီးမေးလ် ဝန်ဆောင်မှုတစ်ခုခု ဖြစ်နေတာကြောင့် မလိုလားအပ်တဲ့ အာရုံစိုက်မှုကို ဖြစ်ပေါ်စေနိုင်တယ်။ တချို့ အခြေအနေတွေမှာ သင့်နိုင်ငံမှာ ရှိတဲ့ ရေပမ်းစားတဲ့ အီးမေးလ် ဝန်ဆောင်မှု တစ်ခုခုကို အသုံးပြုပြီး လိုက်လျှောညီထွေ ရှိအောင် ဆောင်ရွက်လို့ ရတယ်။ ပန်းတိုင်ကတော့ သင့်ရဲ့ လုံခြုံရေးဆိုင်ရာ အနိမ့်ဆုံး လိုအပ်ချက်တွေကို အန္တရာယ် မကျရောက်စေပဲ ဒီဆုံးဖြတ်ချက်ကို ချမှတ်နိုင်ဖို့ ဖြစ်တယ်။ အီးမေးလ် ဝန်ဆောင်မှု တစ်ခုကို ရွေးချယ်တဲ့ နေရာမှာ ထည့်သွင်းစဉ်းစားရမဲ့ အချက်တွေကို အောက်မှာ ဖေါ်ပြထားပါတယ်။

၁။ သတင်း အချက်အလက် အားလုံးကို (login-in အချက်အလက်တွေနဲ့၊ အီးမေးလ်တွေ အပါအဝင်) ရွှေ့ပြောင်းရာမှာ စာဝှက်ထားတဲ့ ဆက်သွယ်ရေး လမ်းကြောင်းတွေ (https နဲ့ IMAPs, POP3s, SMTPs တို့လို တခြား SSL စာဝှက်ထားတဲ့ ဗားရှင်းများ) ကို ခွင့်ပြုပေးမလား။ စာဝှက်စနစ်နဲ့ ပါတ်သက်တဲ့ ပြဿနာတွေ (ဥပမာ အားဖြင့်၊ စာဝှက်စနစ် လက်မှတ်တွေနဲ့ ဆိုင်ရာ ပြဿနာတွေ) ရှိသလား။

၂။ အီးမေးလ်ဆာဗာတွေဟာ လုံလုံခြုံခြုံနဲ့ အလုပ်လုပ်ကြသလား။ သတင်း အချက်အလက်တွေကို ကာကွယ်ပေးဖို့ အကောင်းဆုံး လေ့ကျင့်မှုတွေ ပြုလုပ်ထားတဲ့ ကျွမ်းကျင်သူတွေက အီးမေးလ်ဝန်ဆောင်မှုကို စီမံခန့်ခွဲနေကြသလား။ သူတို့က သင့်ရဲ့ သတင်း အချက်အလက်တွေကို (စီးပွားရေး၊ နိုင်ငံရေး၊ ဘာသာရေး စသဖြင့်) အကြောင်း တစ်ခုခုကြောင့် တခြား ကြားလူတစ်ယောက်ယောက်ဆီ လက်ဆင့်မကမ်းဘူးလို့ သင် စိတ်ချယုံကြည်သလား။

၃။ ဆာဗာတွေ တည်ရှိတဲ့ နေရာဒေသကို သိရှိသလား၊ ဘယ်က နယ်မြေပိုင်နက်ထဲမှာ ရှိနေသလဲ၊ ကုမ္ပဏီကို ဘယ်နေရာမှာ မှတ်ပုံတင်ထားသလဲ။ ဒီသတင်း အချက်အလက်တွေဟာ အီးမေးလ် လှုပ်ရှားမှုနဲ့ အချက်အလက်တွေရဲ့ privacy နဲ့၊ လုံခြုံရေးတို့နဲ့ ဘယ်လောက် ဆက်စပ်မှု ရှိနေတယ် ဆိုတာကို သင် သတိထားမိသလား။

ကမ္ဘာကြီးရဲ့ တချို့နေရာတွေမှာ Google Mail ဟာ Rise Up အစား ကောင်းမွန်တဲ့ ရွေးချယ်စရာ ဖြစ်နေတယ်။ လုံခြုံရေးနဲ့ ပါတ်သက်လို့ သိပ်ပြီး အန္တရာယ်မရှိသလို၊ သက်ရောက်မှုလည်း ပိုကောင်းပါတယ်။

###၁.၁ ဒီပရိုဂရမ်ကို စတင် အသုံးမပြုခင် သိထားသင့်တဲ့အချက်များ###

RiseUp ဟာ နိုင်ငံရေးနဲ့ လူမှုရေးဆိုင်ရာ တရားမျှတမှုအတွက် လှုပ်ရှားနေကြတဲ့ လူတစ်ဦးတစ်ယောက်ချင်း (သို့) အဖွဲ့အစည်းတွေအတွက် သီးသန့်ဖြစ်ပြီး လုံခြုံမှု ရှိတဲ့ အီးမေးလ်နဲ့ hosting ဝန်ဆောင်မှုတွေကို ပံ့ပိုးပေးတဲ့ အဖွဲ့အစည်း တစ်ခု ဖြစ်တယ်။ ၎င်းရဲ့ ဝန်ဆောင်မှုဟာ အခမဲ့ဖြစ်တဲ့အတွက် တခြား ကြော်ငြာထည့်ပြီး လုံခြုံမှု မရှိတဲ့ ဝန်ဆောင်မှုတွေထက် ပိုပြီး သေးငယ်တယ်။ အကောင့်အသစ် တစ်ခုကို ဖွင့်မယ် ဆိုရင် အကောင့် ရှိထားပြီး အဖွဲ့ဝင်တွေဆီက ကုဒ်နံပါတ်တစ်ခုကို သင်ရရှိထားရမယ် (သို့) ဒစ်ဂျစ်တယ် လုံခြုံရေး စီမံကိန်းမှာ ပါဝင်တဲ့ သူ ဖြစ်ဖို့ လိုတယ်။

Rise Up ဟာ Secure Sockets Layer (SSL) ပေါ်ကနေ သီးသန့် အလုပ်လုပ်ပြီး၊ ကွန်ပျူတာနဲ့ ဆာဗာအကြားမှာ လုံခြုံတဲ့ ဆက်သွယ်မှုလိုင်းတစ်ခုကို တည်ဆောက်ပေးပါတယ်။ လုံခြုံမှုရှိတဲ့ POP, IMAP နဲ့ SMTP ဆက်သွယ်မှုလိုင်းတွေကို အသုံးပြုပြီး အီးမေးလ် ဂလိုင်းတစ်ခုထဲကနေ အီးမေးလ်ကို ဖတ်ရှုတဲ့အခါ ဒီလုံခြုံရေးကို တည်ဆောက်ပေးပါတယ်။

RiseUP ဟာ Mozilla Thunderbird နဲ့ လိုက်ဖက်တယ်။ Mozilla Thunderbird ကနေ သင့်ရဲ့ RiseUP အီးမေးလ် အကောင့်ကို အသုံးပြုတဲ့ နည်းကို လေ့လာဖို့ Thunderbird အခန်းကို ဖတ်ရှုပါ။

RiseUp အကောင့်တစ်ခု ဖန်တီးနည်း

ဒီစာမျက်နှာမှာ ပါဝင်တဲ့ အပိုင်းများ -

၂.ဝ RiseUp အကောင့် တစ်ခု မှတ်ပုံတင်နည်း အမျိုးမျိုး

RiseUp အီးမေးလ် အကောင့် တစ်ခုကို နည်းလမ်း သုံးမျိုးနဲ့ ဖွင့်လို့ ရတယ်။ နည်းလမ်းတစ်မျိုးစီကို အသုံးပြုတဲ့ နေရာမှာ မတူညီတဲ့ အားထုတ်မှုနဲ့ အချိန် ပေးဆပ်ဖို့ လိုအပ်ပါတယ်။

၁။ လူတစ်ဦးတစ်ယောက်ချင်း (သို့) အဖွဲ့အစည်းတွေကို လက်ရှိ RiseUp အကောင့် ရှိထားသူ နှစ်ဦးက ဖိတ်ကြားရမှာ ဖြစ်တယ်။ ဒီနည်းလမ်းမှာ အဲဒီ ပုဂ္ဂိုလ် နှစ်ဦးက ဖိတ်ကြားတဲ့ ကုဒ် တခုစီကို ပေးပို့ကြရမှာ ဖြစ်တယ်။ အဲဒီလို ကုဒ်တွေကို ထုတ်လုပ်တဲ့နည်း သိချင်ရင် အခန်း ၄.၃ ဖိတ်ကြားခြင်း စာမျက်နှာ မှာ ဖတ်ရှုပါ။

၂။ RiseUp အဖွဲ့ဆီ အကောင့်တစ်ခုကို ကိုယ်တိုင် တိုက်ရိုက် တောင်းခံနိုင်တယ်။ RiseUp ဟာ ယေဘုယျအနေနဲ့ အလှူရှင်တွေ၊ စိတ်ဝင်စားတဲ့ သူတွေ၊ စေတနာနဲ့ ကူညီသူတွေကို အမှီပြုပြီး တည်ဆောက်ထားတဲ့ အတွက် ဒီနည်းလမ်းကို အသုံးပြုရင် စိတ်ရှည်သည်းခံဖို့ လိုအပ်တာကို သိထားပါ။

၃။ ကျွန်ုပ်တို့ရဲ့ သင်တန်းတွေမှာ တက်ရောက်လာကြတဲ့ သူတွေဟာ သီးခြား ဖိတ်ကြားတဲ့ ကုဒ်တွေ၊ လုံခြုံရေး-သေတ္တာ ကိရိယာတွေ ပါတဲ့ ထုတ်ဝေချက်ကို CD ၊ DVD ၊ စာအုပ်တွေနဲ့ ရရှိကြမှာ ဖြစ်တယ်။

ဖိတ်ကြားတဲ့ ကုဒ်ကို သင် ရရှိတဲ့အခါ၊ အခမဲ့ RiseUp အကောင့်ကို ဖွင့်ဖို့ အောက်ပါ အဆင့်တွေကို လုပ်ဆောင်ပါ -

အဆင့် ၁ - အောက်ပါအတိုင်း RiseUp စာမျက်နှာကို ဖွင့်ဖို့၊ ကွန်ရက် browser ပေါ်မှာ https://mail.riseup.net ကို ရေးထည့်ပါ -

ပုံ ၁ - https://mail.riseup.net/ စာမျက်နှာပြပုံ

မှတ်ချက် - https:// မှာ တွေ့ရတဲ့ s စာလုံးက သင်ဟာ အခုချိန်မှာ Secure Socket Layer (SSL) ကို ဆက်သွယ်နေတဲ့ အကြောင်း ညွှန်ပြနေပြီး၊ login နေရာရဲ့ အပေါ်မှာ စာတမ်း ပေါ်လာလိမ့်မယ်။

ဒီအကြောင်းနဲ့ ပါတ်သက်ပြီး ပိုမို သိရှိလိုရင် သုံးစွဲနည်း စာအုပ်ငယ် အခန်း ၇။ အင်တာနက် ဆက်သွယ်မှု လမ်းကြောင်းကို လျှို့ဝှက်ထားနည်း ကို ဖြစ်ဖြစ် ဒါမှမဟုတ် https://help.riseup.net/security ကိုဖြစ်ဖြစ် သွားရောက် ကြည့်ရှုနိုင်ပါတယ်။

အဆင့် ၂ - Request Account စာမျက်နှာကို အောက်ပါ အတိုင်း သက်ဝင်စေဖို့ ကို နှိပ်ပါ -

ပုံ ၂ - RiseUp အီးမေးလ် အကောင့် တစ်ခုကို တောင်းဆိုတဲ့ စာမျက်နှာ ပြပုံ

အဆင့် ၃ - RiseUp ရဲ့ Request an email account - About our email service စာမျက်နှာကို ဖေါ်ပြဖို့ ကို နှိပ်ပါ။

အရေးကြီးချက် - RiseUp အကောင့်ကို ဆက်လက် ဖန်တီးနိုင်ဖို့ အောက်က options တွေကို enable လုပ်ထားရမှာ ဖြစ်တယ်။

အဆင့် ၄ - RiseUp ရဲ့ မူဝါဒ အမျိုးမျိုးကို ဖတ်ပြီးတဲ့အခါ၊ I accept riseup.net's social contract. option ၊ I accept riseup.net's privacy policy. option နဲ့ I accept riseup.net's terms of service option တွေကို enable လုပ်ဖို့ check boxes တွေကို နှိပ်ပါ။

အဆင့် ၅ - အောက်ပါ အွန်လိုင်း ဖြည့်စွက် ပုံစံတွေ ဖြစ်ကြတဲ့ Account information, Password, Mutual aid နဲ့ Activation တို့ကို ဖြည့်စွက်ပြီး၊ Rise Up အကောင့်ကို စဖွင့်ဖို့ ကို နှိပ်ပါ။

၂.၁ အကောင့် အချက်အလက် ဖြည့်စွက်ပုံစံ

အဆင့် ၆ - အကောင့်မှာ အသုံးပြုချင်တဲ့ သုံးစွဲသူ အမည်တစ်ခုကို ရေးထည့်ပါ။ ဒါဟာ သင့်ရဲ့ login နဲ့ အီးမေးလ် လိပ်စာ ဖြစ်လာလိမ့်မယ်။ (ဒီနည်းပြ သင်ခန်းစာမှာ၊ ssayyed@riseup.net ဆိုတဲ့ အီးမေးလ် အကောင့် တစ်ခုကို ထုတ်လုပ်ဖို့ 'ssayyed' ဆိုတဲ့ အမည်ကို ဥပမာ အနေနဲ့ သုံးထားပါတယ်။

အရေးကြီးချက် - သုံးစွဲသူ (user name) နေရာမှာ ကော်မာ (,) တွေ၊ full stops (.) တွေနဲ့ spaces တွေကို အသုံးမပြုပါနဲ့။

ပုံ ၃ - အကောင့် အချက်အလက်တွေကို ပြည့်ပြည့်စုံစုံ ဖြည့်စွတ်ထားတဲ့ ဖြည့်စွက်ပုံစံ ဥပမာ တစ်ခု

အဆင့် ၇ - သီးခြား user name တစ်ခုကို ရွေးချယ် ပြီးတဲ့အခါ ကို နှိပ်ပြီး၊ password ဖြည့်စွက်ပုံစံကို ဆက်ဖြည့်ပါ။

မှတ်ချက် - နာမည်တူတဲ့ user name တစ်ခု ရှိနေပြီ ဆိုရင်၊ တခြား နာမည်ကို ရွေးဖို့ အချက်ပြလာလိမ့်မယ်။

၂.၂ စကားဝှက် ဖြည့်စွက်ပုံစံ

Password ဖြည့်စွက်ပုံစံထဲမှာ၊ လုံခြုံရေး မေးခွန်း တစ်ပုဒ်နဲ့ အဖြေတစ်ပုဒ်ကို နှစ်ခုစလုံးအပြင်၊ သင့်ရဲ့ အကောင့်ကို ကာကွယ်ပေးဖို့ ကြံ့ခိုင်မှု ရှိတဲ့ စကားဝှက်တစ်ခုကို ဖန်တီးရမှာ ဖြစ်တယ်။ ဒါမှမဟုတ်ရင်၊ တခြား အကောင့် ဖွင့်တဲ့ လုပ်ငန်းစဉ်တွေကို ဆက်ပြီး လုပ်ခွင့်ပြုမှာ မဟုတ်ဘူး။ အဲဒါတွေကို လုပ်ရတဲ့ အကြောင်းကတော့ သင့်ရဲ့ စကားဝှက်ကို မေ့သွားတဲ့အခါမျိုးမှာ စကားဝှက်ကို ပြန်ဖေါ်နိုင်အောင် RiseUp က လုပ်ဆောင်ဖို့ တိုက်တွန်းထားတာ ဖြစ်တယ်။ သို့ပေမဲ့၊ ရည်ရွယ်ချက် ကောင်းကောင်းနဲ့ ပြုလုပ်ထားပေမဲ့ လုံခြုံရေး အန္တရာယ်ကိုလည် ဖြစ်ပေါ်စေနိုင်ပါတယ်။

ဥပမာအားဖြင့်၊ သင့်ရဲ့ ရန်သူက အဖြေကိုပဲ မှန်မှန် ခန့်မှန်းနိုင်တယ် (သို့) သင့်ဆီ ပေးပို့လိုက်တဲ့ စကားဝှက်ကို ကြားဖြတ် ရယူသွားနိုင်တယ်။ တခြားသူတွေက သင့်ရဲ့ လျှို့ဝှက် မေးခွန်းကို ခန့်မှန်းနိုင်တဲ့ အန္တရာယ်မျိုးကို ရှောင်ရှားနိုင်ဖို့၊ သင့် မေးခွန်းရဲ့ အဖြေကို ဖျက်ဆီးဖို့ အထူး အကြံပေးလိုတယ်။ ဒီလိုလုပ်ဖို့ အောက်က ဥပမာမှာ ပြထားတဲ့ အတိုင်း ကွက်လပ် နှစ်ခုကို ဖျက်ဆီးရမှာ ဖြစ်ပါတယ် -

ပုံ ၄ - မေးခွန်း တစ်ပုဒ်နဲ့ စကားဝှက် ဖြည့်စွက်ပုံစံထဲမှာ ဖျက်ဆီးထားတဲ့ အကြောင်းပြန်ကြားချက် ဥပမာ ပြပုံ

သတိပေးချက် - ဒီလို လုပ်ဆောင်ခြင်းဟာ သင့်ရဲ့ စကားဝှက်ကို အပေါ်ယံအားဖြင့် ပြန်ပြင် (reset) လို့ မဖြစ်နိုင်တော့တာကို ဆိုလိုတယ်။ စကားဝှက်ကို သင်မှတ်မိနေရမယ်။ ဒါဟာ လုံခြုံမှု အရှိဆုံး option ဖြစ်တယ်။

RiseUp အကောင့်မှာ အသုံးပြုတဲ့ စကားဝှက်ဟာ သင့်ရဲ့ အကောင့် လုံခြုံရေးအတွက် အရေးအကြီးဆုံး အချက် ဖြစ်တယ်။ ကြံ့ခိုင်မှု ရှိတဲ့ စကားဝှက် တစ်ခု ဖန်တီး လေ့လာလိုရင် သုံးစွဲနည်း စာအုပ်ငယ်ရဲ့ အခန်း ၃။ လုံခြုံမှုရှိတဲ့ စကားဝှက်များကို ဖန်တီးပြီး ထိန်းသိမ်းနည်း နဲ့ KeePass လက်စွဲကို သွားရောက် ဖတ်ရှုပါ။

ပုံ ၅ - စကားဝှက် ဖြည့်စွက်ပုံစံထဲက ပြည့်ပြည့်စုံစုံ ဖြည့်စွက်ထားတဲ့ စကားဝှက် အပိုင်း

အဆင့် ၈ - mutual aid ဖြည့်စွက်ပုံစံကို ဖြည့်စွက်ဖို့ ကို နှိပ်ပါ။

၂.၃ Mutual aid ဖြည့်စွက်ပုံစံ

RiseUp ဟာ အလှူရှင်တွေ၊ စေတနာ့ဝန်ထမ်းတွေရဲ့ ရက်ရောမှုနဲ့ ကူညီမှုတို့ အပေါ်မှာ လုံးဝ အမှီသဟဲ ပြုနေရတယ်။ ငွေကြေး ထောက်ပံ့မှုတွေ လိုအပ်နေတဲ့အတွက်၊ RiseUp ဟာ သုံးစွဲသူတွေ အနေနဲ့ သူတို့ရဲ့ ငွေကြေးတွေကို ဒေသတွင်း လူမှု တရားမျှတရေး စီမံကိန်းတွေမှာ ရင်းနှီးထည့်ဝင်ကြဖို့ တိုက်တွန်းထားတယ်။ ဒီနေရာမှာ လှူဒါန်းဖို့၊ မလှူဒါန်းဖို့ ဆိုတာ သင် (သို့) သင့် အဖွဲ့အစည်း အပေါ်မှာပဲ လုံးဝ မူတည်ပါတယ်။

မှတ်ချက် - သင့်ရဲ့ ဆုံးဖြတ်ချက်ကြောင့် အကောင့်ဖွင့်တဲ့ လုပ်ငန်းစဉ်ကို တစ်နည်းတစ်ဖုံ ထိခိုက်စေမှာ မဟုတ်ဘူး။ အခမဲ့ RiseUp အကောင့်ကို ဆက်ပြီး ဖွင့်နိုင်ပါတယ်။

ပုံ ၆ - Mutual Aid ဖြည့်စွက် ပုံစံ

အဆင့် ၉- Activation ဖြည့်စွက်ပုံစံကို ဖြည့်စွက်ဖို့ ကို နှိပ်ပါ။

၂.၄ Activation ဖြည့်စွက်ပုံစံ

ဖိတ်ကြားထားတဲ့ ကုဒ်တွေကို Activation ဖြည့်စွက်ပုံစံမှာ ရေးထည့်ဖို့ လိုတယ်။

အဆင့် ၁ဝ - ဖိတ်ကြားထားတဲ့ ကုဒ်တွေကို သူတို့နဲ့ သက်ဆိုင်တဲ့ နေရာမှာ ရေးထည့်ပါ။

ပုံ ၇ - Activation ဖြည့်စွက်ပုံစံကို ပြည့်ပြည့်စုံစုံ ဖြည့်စွက်ထားတဲ့ ဥပမာ ပြပုံ

အဆင့် ၁၁ - RiseUp အကောင့်ကို အောက်မှာ ပြထားတဲ့အတိုင်း အပြီးသတ် ဖန်တီးဖို့ ကို နှိပ်ပါ -

ပုံ ၈ - အကောင့် တစ်ခုကို အောင်အောင်မြင်မြင် ဖွင့်လိုက်ပြီး ဖြစ်ကြောင်း အတည်ပြုချက် ပေးတဲ့ ဥပမာ ပြပုံ

အဆင့် ၁၂ - ပုံ ၂ ကို ပြန်သွားဖို့ ကို နှိပ်ပါ။

'ဂုဏ်ယူပါတယ်'၊ သင်ဟာ RiseUp အီးမေးလ် အကောင့်ကို အောင်အောင်မြင်မြင် ဖွင့်လိုက်ပါပြီ။ အထက်က ပုံ ၂ ကို ပြန်သွားပါ။

RiseUp အကောင့်ထဲ ဝင်ရောက်နည်း

ဒီစာမျက်နှာမှာ ပါဝင်တဲ့ အပိုင်းများ -

၃.ဝ RiseUp အကောင့်ထဲ ဝင်ရောက်နည်း

RiseUp အကောင့်ထဲ ဝင်ရောက်ဖို့၊ အောက်ပါ အဆင့်တွေ လုပ်ဆောင်ပါ။

အဆင့် ၁ - SSL mode ဖြစ်တဲ့ https://mail.riseup.net/ ကတဆင့် RiseUp ပင်မစာမျက်နှာကို ဖွင့်ပါ။

ပုံ ၁ - RiseUp မေးလ်ထဲ ဝင်ရောက်တဲ့ စာမျက်နှာ ပြပုံ

RiseUp မေးလ်ထဲ ဝင်ရောက်တဲ့ စာမျက်နှာကို ဘယ်ဖက်မှာ log in လုပ်တဲ့အပိုင်းနဲ့၊ ညာဖက်မှာ သတင်းကို ဖေါ်ပြတဲ့အပိုင်း စသဖြင့် ခွဲခြားထားပါတယ်။

မှတ်ချက် - webmail စနစ် နှစ်မျိုးထဲက တစ်ခုခုကို အသုံးပြုနိုင်တယ်။ IMP Webmail ကိုတော့ အင်္ဂလိပ် ဘာသာစကားကို အသုံးမပြုတဲ့ မျက်နှာပြင်တွေအတွက် ပိုပြီး သင့်တော်ပါတယ်။

အဆင့် ၂ - Squirrel Webmail ဒါမှမဟုတ် IMP Webmail မှာ တွေ့ရတဲ့ User: နဲ့ Password: text fields တွေမှာ အချက်အလက်တွေကို ထည့်သွင်းပါ။ ဒါပေမဲ့ User နေရာလပ်မှာ လိပ်စာရဲ့ အစိတ်အပိုင်း ဖြစ်တဲ့ '@riseup.net ကို ထည့်သွင်းစရာ မလိုပါဘူး။

ရွေးချယ်နိုင်တဲ့ အဆင့် - လိုအပ်ရင် IMP Webmail ရဲ့ ဘာသာစကား drop-down စာရင်းထဲမှာ အသုံးပြုလိုတဲ့ ဘာသာစကား ကို Select လုပ်ပါ။

အဆင့် ၃ - သင့်ရဲ့ အကောင့်ကို အောက်ပါအတိုင်း ဖော်ပြဖို့ ကို နှိပ်ပါ -

ပုံ ၂ - RiseUp Squirrel Webmail အကောင့် ဥပမာ ပြပုံ

ရွေးချယ်နိုင်တဲ့ အဆင့် - အကယ်လို့ လက်တင်-အက္ခရာ မဟုတ်တဲ့ စာလုံးကို အဓိက အသုံးပြုပြီး အီမေးလ် ပေးပို့တာတို့၊ လက်ခံတာတို့ ပြုလုပ်တယ် ဆိုရင်၊ Webmail အကောင့်အတွက် သတ်မှတ်ပေးဖို့ လိုလိမ့်မယ်။ ထိပ်ပိုင်းက menu ကနေ ကို Select လုပ်လိုက်ပါ။ Squirrel Webmail ရဲ့ options ဝင်းဒိုးဟာ အောက်ပါအတိုင်း ပေါ်လာပါလိမ့်မယ် -

ပုံ ၃ - SquirrelMail Options အကန့် ပြပုံ

အဆင့် ၄- Options - Display Preferences အကန့်ကို အောက်ပါအတိုင်း သက်ဝင်စေဖို့ ကို Select လုပ်ပါ -

ပုံ ၄ - SquirrelMail Options - Display Preference အကန့် ပြပုံ

အဆင့် ၅ - အပေါ်က ပုံ ၄ မှာ ပြထားတဲ့အတိုင်း၊ Language drop-down menu ကို နေရာချပါ။ အဲဒီနောက် အီးမေးလ် ရေးသားရာမှာ အသုံးပြုမဲ့ သင့်တော်တဲ့ character set ကို Select လုပ်ပါ။

ဒီ option က သင် ပေးပို့လိုက်တဲ့ အီးမေးလ်နဲ့ လက်ခံတဲ့ အီးမေးလ်တွေနဲ့ ကိုက်ညီတဲ့ encoding အမှန်ကို ရွေးချယ်ပေးမှာ ဖြစ်ပါတယ်။

၃.၁ Virtual Keyboard အသုံးပြုနည်း

လူအများ အသုံးပြုတဲ့ (ဥပမာ - အင်တာနက်ကဖေး၊ လူထု စင်တာ (သို့) စာကြည့်တိုက် စတဲ့) နေရာတွေမှာ ကွန်ပျူတာ အသုံးပြုတယ် ဆိုရင်၊ သင့်ရဲ့ စကားဝှက်ကို virtual keyboard အသုံးပြုပြီး ရေးထည့်နိုင်တယ်။ ဒီနည်းနဲ့ key-logger လို ပရိုဂရမ်တွေရဲ့ ရန်ကနေ ကာကွယ်ပေးတယ်။ Key-logger ပရိုဂရမ် ဆိုတာ သုံးစွဲသူက ကီးဘုတ်ရဲ့ ခလုတ်တွေကတဆင့် ရေးထည့်လိုက်တဲ့ စကားဝှက်တွေ၊ သုံးစွဲသူ အမည်နဲ့ တခြား အရေးပါတဲ့ အချက်အလက်တွေကို စောင့်ကြည့်ဖို့ စီစဉ်ဖန်တီးထားတဲ့ ပရိုဂရမ် ဖြစ်တယ်။ Virtual Keyboard ဟာ ဒီလို လုံခြုံရေးဆိုင်ရာ အားနည်းချက်တွေကနေ သုံးစွဲသူတွေကို ကြွတ်ခလုတ်ကတစ်ဆင့် စကားဝှက်တွေကို ရေးထည့်ခြင်းဖြင့် လွဲရှောင် အကာအကွယ်ပေးပါတယ်။

RiseUp ရဲ့ Virtual Keyboard ကို အသုံးပြုဖို့၊ အောက်ပါ အဆင့်တွေကို လုပ်ဆောင်ပါ -

အဆင့် ၁ - https://mail.riseup.net/ ကို SSL mode အသုံးပြုပြီး RiseUp ရဲ့ ပင်မစာမျက်နှာကို ဖွင့်ပါ။

အဆင့် ၂ - RiseUp ရဲ့ login စာမျက်နှာကို အောက်ပါအတိုင်း သက်ဝင်စေဖို့ ကို နှိပ်ပါ -

ပုံ ၅ - RiseUp ရဲ့ log in စာမျက်နှာ ပြပုံ

အဆင့် ၃ - Virtual Keyboard ကို အောက်ပါအတိုင်း သက်ဝင်စေဖို့ ကို နှိပ်ပါ။

ပုုံ ၆ - Virtual Keyboard ပြပုံ

အဆင့် ၄ - သင့်ရဲ့ စကားဝှက်တွေကို ရွေးချယ်ဖို့ (အပေါ်မှာ ပြထားတဲ့ အက္ခရာ တစ်ခုခုအပေါ်မှာ ၂ စက္ကန့်လောက် ထောက်ထားပါ၊ ဒါမှမဟုတ်) ကီးခလုတ် အမျိုးမျိုးကို နှိပ်ပါ။

အဆင့် ၅ - RiseUp အကောင့်ထဲ ဝင်ရောက်ဖို့ ကို နှိပ်ပါ။

Account Settings ကို ပြောင်းလဲနည်း

ဒီစာမျက်နှာမှာ ပါဝင်တဲ့ အပိုင်းများ -

၄.ဝ အကောင့် Settings ကို ပြောင်းလဲနည်း

RiseUp မှာ ရှိတဲ့ အကောင့် settings ကို အမျိုးမျိုး ပြင်ဆင်လို့ ရတယ်။ email box ရဲ့ အရွယ်အစားကို သတ်မှတ်နိုင်တယ်၊ အကောင့် နာမည်နဲ့ လိပ်စာတွေကို ပြောင်းနိုင်တယ်၊ အမည်ပြောင်တွေ (aliases) ကို ထည့်သွင်းနိုင်တယ်။ မိတ်ဆွေတွေ၊ လုပ်ဖော်ဆောင်ဖက်တွေက သူတို့ကိုယ်ပိုင် RiseUp အကောင့်တွေ ဖွင့်နိုင်အောင် ဖိတ်ကြားတဲ့ ကုဒ်တွေကိုလည်း သင် ဖန်တီးပေးနိုင်ပါတယ်။

အဆင့် ၁ - https://user.riseup.net/ ကို သွားပြီး အောက်ပါအတိုင်း RiseUp ရဲ့ Account Settings စာမျက်နှာကို ဖွင့်ပါ။

ပုံ ၁ - user.riseup.net စာမျက်နှာ ပြပုံ

အဆင့် ၂ - user name နဲ့ password ကို သူတို့ရဲ့ text fields နေရာ အသီးသီးမှာ ရေးထည့်ပါ။

အဆင့် ၃ - အောက်ပါ မျက်နှာပြင်ကို သက်ဝင်စေဖို့ နှိပ်ပါ -

ပုံ ၂ - riseup.net သုံးစွဲသူ ထိန်းချုပ်ရေး စာမျက်နှာ ပြပုံ

၄.၁ My Settings စာမျက်နှာ

My Settings စာမျက်နှာမှာ အစတုန်းက အခန်း ၂.၁ Account သတင်းအချက်အလက် ဖြည့်စွက်ပုံစံ မှာ သင် ရေးထည့်ခဲ့တဲ့ အချက်အလက်တွေ အားလုံးကို ဖော်ပြပေးတယ်။

အဆင့် ၁ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၃ - Settings စာမျက်နှာ ပြပုံ

ဒီမျက်နှာပြင်မှာ သင့်ရဲ့ user name ကို ပြောင်းလဲနိုင်တယ်။ အဲဒါက သင့်ရဲ့ အီးမေးလ် လိပ်စာကိုပါ ပြောင်းလဲစေမှာ ဖြစ်တယ်။ user name အသစ်ဟာ ထူးခြားနေရမှာ ဖြစ်တယ်။ ဒီနေရာမှာ alternative email တို့်၊ password နဲ့ တခြား အကောင့် အသေးစိတ် အချက်အလက်တွေကို ပြောင်းလဲနိုင်ပါတယ်။

အဆင့် ၂ - အချက်အလက် အသစ်ကို ရေးထည့်ပါ၊ အဲဒီနောက် ဒီအသိပေးချက် စာတမ်းကို ဖေါ်ပြဖို့ ကို နှိပ်ပါ -

ပုံ ၄ - ပြင်ဆင်ချက်တွေကို အောင်အောင်မြင်မြင် မွမ်းမံလိုက်ပြီ ဖြစ်ကြောင်း ဖေါ်ပြတဲ့ပုံ

၄.၂ Email Settings စာမျက်နှာ

  • Email settings* စာမျက်နှာမှာ အီးမေးလ် သိုလှောင်ခန်းနဲ့ ပါတ်သက်တဲ့ အချက်အလက်တွေကို ပြင်ဆင်နိုင်တယ်၊ ကြည့်ရှုနိုင်တယ်။ RiseUp ဆာဗာ တစ်ခုပေါ်မှာ သင့်ရဲ့ အီးမေးလ် အကောင့်အတွက် သတ်မှတ်ထားတဲ့ နေရာပမာဏ (သို့) ခွဲတမ်း (quota) ကိုပါ သတ်မှတ်ပေးနိုင်ပါတယ်။

အဆင့် ၁ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၅ - Email settings စာမျက်နှာ ပြပုံ

အဆင့် ၂ - သင့်တော်တဲ့ နံပါတ်ကို Quota text field ထဲမှာ ရေးထည့်ပါ။

မှတ်ချက် - သင့်ရဲ့ အကောင့် အရွယ်အစားကို အများဆုံး ၄၇ MB အထိ ကန့်သတ်ထားတယ်။ ဒီဟာ အရေးကြီးတဲ့ အီးမေးလ် ဆက်သွယ်ရေး အတွက် လုံလောက်တဲ့ ပမာဏ ဖြစ်တယ်လို့ ယူဆနိုင်တယ်။ ဒါပေမဲ့၊ ပူးတွဲဖိုင်ကြီးတွေ၊ ဂရပ်ဖစ် ရုပ်ပုံတွေကို ပုံမှန် ပေးပို့နေတယ်၊ လက်ခံနေတယ်ဆိုရင်၊ RiseUp ဟာ အကောင်းဆုံး ရွေးချယ်မှုတော့ မဟုတ်ပါဘူး။

ဒီစာမျက်နှာမှာ အကောင့်မှာ သုံးစွဲမဲ့ နာမည်ပြောင် (aliases) တွေကိုလည်း ဖန်တီးနိုင်တယ်။ နာမည်ပြောင် (aliases) ဆိုတာ အကောင့်အတွက် သုံးစွဲတဲ့ nickname နဲ့ တူတယ်။ ပင်မ အကောင့်ဟာ နဂိုအတိုင်း ရှိနေမှာ ဖြစ်ပေမဲ့၊ လူတွေက နာမည်ပြောင် (aliases) လိပ်စာကို သုံးပြီး သင့်ဆီ အီးမေးလ် ပေးပို့ကြမှာ ဖြစ်ပါတယ်။

ပုံ ၆ - Email Settings စာမျက်နှာမှာ ရှိတဲ့ နာမည်ပြောင် (aliases) အပိုင်း ပြပုံ

ဥပမာ - ssayyed@riseup.net အကောင့်မှာ အခုချိန်မှာ နာမည်ပြောင် (aliases) နှစ်ခု ရှိနေတယ်။ safeandsecure@riseup.net ကို ဖြစ်ဖြစ်၊ salsaytest@riseup.net ကို ဖြစ်ဖြစ် ပေးပို့လိုက်တဲ့ အီးမေးလ်ကို ပင်မ အကောင့်ထဲ တစ်ဆင့် ပေးပို့သွားမှာ ဖြစ်တယ်။ ဒီနည်းနဲ့ သင့်ရဲ့ တကယ့် အကောင့် လိပ်စာကို လျှို့ဝှက်ရာမှာ အသုံးဝင်တဲ့ အလေ့အထ ဖြစ်နေမှာ ဖြစ်ပါတယ်။

အဆင့် ၄ - သင့်ရဲ့ နာမည်ပြောင် (aliases) အသစ်ကို save လုပ်ဖို့ ကို နှိပ်ပါ။

၄.၃ Invites စာမျက်နှာ

Invites စာမျက်နှာမှာ သင့်ရဲ့ မိတ်ဆွေတွေနဲ့ လုပ်ဖော်ဆောင်ဖက်တွေကို RiseUp အသုံးပြုဖို့ ဖိတ်ကြားတဲ့ ကုဒ်တွေကို ထုတ်လုပ်နိုင်ပါတယ်။

အရေးကြီးချက် - အကောင့် အသစ် တစ်ခုစီမှာ သီးခြား သုံးစွဲသူ လူနှစ်ဦးဆီက ဖိတ်ကြားတဲ့ ကုဒ် တစ်ခုစီ လိုအပ်တယ်။ ဖိတ်ကြားတဲ့ ကုဒ်တွေကို ဆန္ဒရှိသလောက် ထုတ်လုပ်နိုင်ပါတယ်။

အဆင့် ၁ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၇ - Invites စာမျက်နှာ ပြပုံ

အဆင့် ၂ - invite codes တွေကို အောက်ပါအတိုင်း ထုတ်လုပ်ဖို့ ကို နှိပ်ပါ -

ပုံ ၈ - ထုတ်လုပ်လိုက်တဲ့ ဖိတ်ကြားရေး ကုဒ်တွေရဲ့ ဥပမာ ပြပုံ

မှတ်ချက် - ဖိတ်ကြားတဲ့ ကုဒ်တစ်ခုစီဟာ တစ်လပဲ ခံတယ်။

အဆင့် ၃ - invite codes တွေကို print ထုတ်ဖို့ ကို နှိပ်ပြီး RiseUp အီးမေးလ် အကောင့် ဖွင့်ချင်တဲ့ သူကို ပေးလိုက်ပါ။

အဆင့် ၄ - user panel ကနေ log out လုပ်ဖို့ ကို နှိပ်ပါ။

မကြာခဏ မေးလေ့ရှိတဲ့ မေးခွန်းများနဲ့ သုံးသပ်ချက်များ

၅.ဝ မကြာခဏ မေးလေ့ရှိတဲ့ မေးခွန်းများနဲ့ သုံးသပ်ချက်များ

မူဟင်ဒိုနှင့် ဆယ်လီမာ တို့ဟာ RiseUp ကို အလွယ်တကူ အသုံးပြုလို့ ရတဲ့အတွက် အတော်လေး ကျေနပ်နေကြတယ်။ လူမှုရေးဆိုင်ရာ တန်ဖိုးတွေကို မြှင့်တင်ပေးတဲ့ RiseUp ရဲ့ ပေးဆပ်မှုတွေ အတွက် အထင်ကြီးနေကြတယ်။ ဒါပေမဲ့၊ နောက်ဆက်တွဲအနေနဲ့ မေးမြန်းချင်နေကြတဲ့ မေးခွန်းအချို့ ရှိနေသေးတယ်။ ကံကောင်းတာက၊ သူတို့ရဲ့ အဖေ အာဆင်နီက သူတို့ သိချင်နေကြတဲ့ အဖြေတွေကို ဖြေကြားပေးနိုင်တယ်။

*မေး - ဘယ်လို အခြေအနေမျိုးမှာ Squirrel mail အစား IMP webmail ကို အသုံးပြုသင့်သလဲ။*

*ဖြေ - ဒါ ကောင့်တဲ့ မေးခွန်းတစ်ပုဒ် ပါပဲ။ အခြေခံအားဖြင့်၊ ခြားနားမှု မရှိပါဘူး။ အကယ်လို့ အကြောင်း တစ်ခုခုကြောင့် အီးမေးလ် ဝန်ဆောင်မှု တစ်ခုကို သုံးလို့ မရ (down) ဖြစ်သွားတယ် ဆိုရင်၊ (သို့) ပုံမှန် ပြုပြင်မှု ဆောင်ရွက်နေတယ် ဆိုရင်၊ တခြား အီးမေးလ် ဝန်ဆောင်မှု တစ်ခုကို သုံးပြီး အနှောင့်အယှက် မရှိပဲ ဆက်လက် လုပ်ဆောင်နိုင်တယ်။ IMP webmail ကို အင်္ဂလိပ်ဘာသာ မဟုတ်တဲ့ တခြား ဘာသာစကားတွေနဲ့ အသုံးပြုနိုင်တယ်။*

*မေး - ကျွန်တော် အကောင့် တစ်ခုကို ဖန်တီးနေခဲ့တဲ့ အချိန်မှာ၊ ကျွန်တော်နဲ့ ပါတ်သက်တဲ့ အချက်အလက်တွေကို ပေးစရာ မလိုတာကို သတိထားမိတယ်။*

*ဖြေ - ဟုတ်ပါတယ်၊ အဲဒီ အချက်အလက်တွေ ပေးစရာ မလိုပါဘူး။ သင့်ရဲ့ စကားဝှက်ကို ၃ လ (သို့) ၆ လ တစ်ကြိမ် ပြောင်းပေးဖို့ မမေ့ပါနဲ့။*

*မေး - မူဟင်ဒိုနဲ့ ကျွန်မ တို့မှာ RiseUp အကောင့် တစ်ခုစီ ရှိကြတယ်။ အာဆင်နီရယ် . . . ရှင့်အတွက် အကောင့်တစ်ခုကို ကျွန်မတို့ ဘယ်လို ဖွင့်ပေးရမလဲ။*

*ဖြေ - ခင်ဗျားတို့ နှစ်ယောက်စလုံးက invite code တစ်ခုစီ ထုတ်ပြီး ကျွန်တော့်ဆီ ပို့ပေးကြပါ။ ကျွန်တော့် RiseUp အကောင့်ကို ဖွင့်တဲ့အခါ ခင်ဗျားတို့ ပို့လိုက်တဲ့ invite code တွေကို အသုံးပြုသွားမှာ ဖြစ်တယ်။*

မှတ်ချက် - RiseUp ဟာ စေတနာ့ ဝန်ထမ်း အတော်များများရဲ့ လှူဒါန်းမှု၊ စေတနာ ထက်သန်မှုနဲ့ ကြိုးစားလုပ်ဆောင်မှုတို့အပေါ် မှီခိုနေရတာ ဖြစ်တဲ့တွက်၊ အခကြေးယူတဲ့ အီးမေးလ် ဝန်ဆောင်မှု ပေးတဲ့ သူတွေနဲ့ ရင်ဆိုင်ရတဲ့ စိန်ခေါ်မှုတွေ ရှိနေတယ်။ ဒါပေမယ့်၊ RiseUp ဟာ Facebook နဲ့ အပြိုင် Crabgrass လို့ ခေါ်တဲ့ အခမဲ့ ဖြစ်ပြီး ပွင့်လင်းတဲ့ အရင်းအမြစ် ဆော့ဗ်ဝဲ တစ်ခုကို အခုချိန်မှာ ထုတ်ပြန်နေပြီ ဖြစ်တယ်။ အဲဒီ ဆော့ဗ်ဝဲမှာ privacy နဲ့ လုံခြုံရေး features တွေကို တိုးမြှင့်ထားပြီး၊ အောက်ခြေ အဖွဲ့အစည်းတွေ အပါအဝင်၊ လူမှုရေးဆိုင်ရာ ဝန်ဆောင်မှုပေးတဲ့ အဖွဲ့အစည်းတွေ (CSO)၊ (သို့) အစိုးရ မဟုတ်တဲ့ အဖွဲ့အစည်းတွေ (NGO) အတွက် ထုတ်လုပ်ထားတာ ဖြစ်တယ်။ ရည်ရွယ်ချက် ပြင်းပြတဲ့၊ ပေးဆပ်မှု ရှိပြီး၊ စိတ်အားထက်သန်တဲ့ RiseUp ဟာ မကြာတော့တဲ့ အနာဂတ်မှာ ယှဉ်ပြိုင်အား ကောင်းပြီး၊ အပြောင်းအလဲဖက်ကို ဦးတည်တဲ့ အောက်ပါ အီးမေးလ် ဝန်ဆောင်မှု အသစ်တွေကို ထုတ်လုပ်ဖို့ အားခဲ မျှော်လင့်နေတယ် -

  • Collaborative Document Editing (etherpad) - ဒီဝန်ဆောင်မှုကို အသုံးပြုပြီး သုံးစွဲသူ လူအများက မှတ်တမ်းမှတ်ရာ တစ်ခုကို တစ်ချိန်ထဲမှာ တည်းဖြတ်လို့ ရတယ်။
  • Encrypted Internet Proxy (openvpn) - ဒီဝန်ဆောင်မှုကို အသုံးပြုပြီး Tor နဲ့ တူတဲ့ စာဝှက်ထားတဲ့ အင်တာနက် proxy တစ်ခု ကနေတဆင့် အင်တာနက်ကို အသုံးပြုနိုင်တယ်။
  • Real-Time Chat (XMPP) - ဒီဝန်ဆောင်မှုကို အသုံးပြုပြီး အချိန်နဲ့ တပြေးညီ chatting စကားပြောလို့ ရတယ်၊ Gmail chat ၊ Microsoft Instant Messaging တို့နဲ့ အတူတူ ဖြစ်ပါတယ်။

၅.၁ ပြန်လှန် မေးခွန်းများ

  • အီးမေးလ်ကို webmail ကတစ်ဆင့် ဖတ်တာနဲ့ အီးမေးလ် ပရိုဂရမ် တစ်ခုခုကနေ ဖတ်တာ ဘာကွာခြားသလဲ။
  • Secure Socket Layer (SSL) ဆိုတာ ဘာလဲ။ ဘယ်လို အလုပ်လုပ်သလဲ။
  • Virtual keyboard ဆိုတာ ဘာလဲ။ ဘယ်လို အလုပ်လုပ်သလဲ။
  • အီးမေးလ် အကောင့်ထဲမှာ အမည်ပြောင် (alias) ကို ဘယ်လို ဖြည့်စွက်မလဲ။
  • အသစ်စက်စက် ထုတ်လုပ်လိုက်တဲ့ Invite Code ဟာ အချိန် ဘယ်လောက် ကြာကြာ ခံသလဲ။