CCleaner - ယာယီ ဖိုင် ဖယ်ရှားရေး ကိရိယာ

Updated 9 August 2014

ဤလမ်းညွှန်အား အချိန်နှင့်တပြေးညီ ပြင်ဆင်မှု မရှိတော့ပါ။

:Introduction

ပင်မ စာမျက်နှာ

www.ccleaner.com

ကွန်ပျူတာ လိုအပ်ချက်များ

  • ဝင်းဒိုးဗားရှင်း အားလုံး

ဒီလမ်းညွှန်ထဲမှာ အသုံးပြုတဲ့ ဗားရှင်းများ

  • ၃.၀၄

လိုင်စင် ခွင့်ပြုချက်

  • အခမဲ့ ဆော့ဗ်ဝဲ

ဖတ်ရှုရမဲ့ အကြောင်းအရာများ -

အဆင့် - ၁။ လက်သင်၊ ၂။ ပျမ်းမျှ၊ ၃။ အလယ်အလတ်၊ ၄။ အတွေ့အကြုံရှိသော၊ ၅။ အဆင့်မြင့်

ဒီပရိုဂရမ်ကို စတင် အသုံးပြုနိုင်ဖို့ လိုအပ်သော အချိန် - ၁၅ မိနစ်

ပြန်လည်ရရှိမဲ့ အကျိုးကျေးဇူးများ -

  • ကွန်ပျူတာထဲမှာ သိမ်းဆည်းထားတဲ့ လုပ်ဆောင်ချက်တွေ၊ ယာယီဖိုင်တွေရဲ့ သဲလွန်စတွေကို အမြဲတမ်း ပယ်ဖျက်ပေးနိုင်တယ်။
  • ကွန်ပျူတာနဲ့ ဆက်သွယ်ထားတဲ့ disks တွေထဲက နေရာလွတ်တွေကို ရှင်းလင်းပေးနိုင်တယ်။
  • Windows Registry ကို ရှင်းလင်းပေးနိုင်တယ်။
  • ကွန်ပျူတာကို စဖွင့်တဲ့အချိန်မှာ အသုံးပြုမဲ့ ပရိုဂရမ်တွေကို ထိန်းပေးနိုင်ပါတယ်။

GNU Linux, Mac OS နဲ့ တခြား Microsoft Windows နဲ့ လိုက်ဖက်တဲ့ ပရိုဂရမ်များ -

GNU Linux နဲ့၊ Microsoft Windows တို့နဲ့ လိုက်ဖက်ကိုက်ညီပြီး အလွန်ကောင်းမွန်တဲ့ ယာယီဖိုင် ဖယ်ရှားရေး ကိရိယာ တစ်ခု ကတော့ BleachBit ဖြစ်တယ်။ BleachBit ဟာ လူသုံးအများဆုံး လုပ်ငန်းသုံး ကိရိယာပေါင်း ၇ဝ မှာ ရှိတဲ့ OS ရဲ့ ယာယီဖိုင်တွေနဲ့ hard disk နေရာလွတ်တွေကို ရှင်းလင်းပေးတယ်။ အိတ်ဆောင် ဗားရှင်း ပါတဲ့ ပွင့်လင်းတဲ့ အရင်းအမြစ် ပရိုဂရမ် တစ်ခု ဖြစ်တဲ့ BleachBit ပရိုဂရမ်ကို ဘာသာစကားပေါင်း ၃၂ မျိုးနဲ့ ရရှိနိုင်တယ်။ Ubuntu Linux သုံးစွဲသူတွေ အနေနဲ့ ကွန်ပျူတာကို ရှင်းလင်းတဲ့ အကြောင်းနဲ့ ပါတ်သက်ပြီး မလိုအပ်တဲ့ Junk ဖိုင်များကို ရှင်းလင်းခြင်း… လမ်းညွှန်ချက်ကို ကိုးကား ကြည့်ရှုနိုင်ပါတယ်။

Mac OS သုံးစွဲသူတွေကတော့ လုပ်ငန်း သဲလွန်စတွေကို ရှင်းလင်းဖို့ အခမဲ့ ကိရိယာတွေ ဖြစ်ကြတဲ့ Titanium's Software မှ OnyX နဲ့ Maintenance ကို သဘောကျ နှစ်သက်ကြလိမ့်မယ်။ Trash ကို လုံလုံခြုံခြုံ ရှင်းလင်းဖို့ Finder menu ကို ဖွင့်ပြီး Finder > Secure Empty Trash.. ကို ရွေးချယ်ပါ။ Trash ကို အမြဲတမ်း လုံလုံခြုံခြုံ ရှင်းလင်းဖို့ Finder > Preferences ကို ရွေးပြီး Advanced tab ကို နှိပ်ပါ။ ဆက်ပြီး Empty Trash securely ကို check လုပ်လိုက်ပါ။ Disk အထဲက နေရာလွတ်ကို ရှင်းလင်းဖို့ system application တစ်ခုဖြစ်တဲ့ 'Disk Utility' ကို ဖွင့်ပါ။ 'disk partation' ကို ရွေးလိုက်ပါ၊ အဲဒီနောက် Erase tab ကို ရွေးပြီး၊ Erase Free Space.. ခလုတ်ကို နှိပ်လိုက်ပါ။

:Installation instructions

၁.၁ ဒီပရိုဂရမ်ကို စတင် အသုံးမပြုခင် သင် သိထားသင့်တဲ့အချက်များ

ကွန်ပျူတာ system မှာ ရှိတဲ့ default settings နဲ့ အင်တာနက် browser က အလိုအလျောက် ဖန်တီးထားတဲ့ ဒေတာ အကြွင်းအကျန်တွေကို ရန်လိုပြီး အန္တရာယ်ရှိတဲ့ အဖွဲ့တွေက ခြေရာခံနိုင်တယ်။ အင်တာနက် browser (သို့) စာစီစာရိုက် ကိရိယာ၊ (သို့) ပရိုဂရမ် တစ်ခုခုကို အသုံးပြုတဲ့အခါ၊ ယာယီ ဒေတာဖိုင်တွေကို ဖန်တီးပြီး ကွန်ပျူတာ system ထဲမှာ သိမ်းဆည်းထားတယ်။ လတ်တလော ကြည့်ရှုနေတဲ့ စာရွတ်စာတမ်းတွေ (သို့) ကွန်ရက် စာမျက်နှာတွေကိုလည်း တွေ့ရှိနိုင်တယ်။ ဥပမာအားဖြင့်၊ အင်တာနက် browser မှာ ကွန်ရက် စာမျက်နှာ လိပ်စာတစ်ခုခုကို ရေးထည့်တဲ့အခါ ရိုက်ထည့်လိုက်တဲ့ လိပ်စာရဲ့ အစပိုင်း အက္ခရာစာလုံးနဲ့ စတင်တဲ့ လိပ်စာ အတော်များများကို အောက်ပါက ပုံစံအတိုင်း မြင်တွေ့ရမှာ ဖြစ်ပါတယ် -

ပုံ ၁ - URL အမျိုးမျိုးကို ပြသနေတဲ့ အင်တာနက် browser ရဲ့ လိပ်စာတန်းတစ်ခု ပြပုံ

Browser မှတ်တမ်း (history) တွေ ရှိနေတာဟာ အဆင်ပြေပေမဲ့၊ အဲဒါကို အခြေခံပြီး တခြား တစ်ဦးတစ်ယောက်က သင် ကြည့်ရှုခဲ့တဲ့ ကွန်ရက် စာမျက်နှာတွေကို ဖေါ်ထုတ် သိရှိသွားနိုင်တယ်။ ဒါ့အပြင် လတ်တလော လုပ်ဆောင်ချက်တွေဖြစ်တဲ့ ကွန်ရက် စာမျက်နှာတွေပေါ်က ရုပ်ပုံတွေကနေ စုဆောင်းထားတဲ့ ယာယီ ဒေတာတွေ၊ အီးမေးလ် ပေးစာတွေ (သို့) အင်တာနက်ပေါ်က ဖြည့်စွက်ပုံစံတွေမှာ ရေးထည့်ထားတဲ့ သတင်း အချက်အလက်တွေကို ဖေါ်ထုတ်သွားနိုင်ပါတယ်။

ပရိုဂရမ်တစ်ခုခုကို အသုံးပြုတဲ့ အချိန်တိုင်းမှာ ယာယီဒေတာဖိုင်တွေကို ဖယ်ရှားဖို့၊ အဲဒီ ပရိုဂရမ် တခုစီရဲ့ directory ကို ဖွင့်ပြီး အထဲမှာ ရှိတဲ့ ယာယီ ပရိုဂရမ်တွေကို ကိုယ်တိုင် ပယ်ဖျက်ပေးရမှာ ဖြစ်တယ်။ CCleaner က ပရိုဂရမ်တွေရဲ့ စာရင်းတစ်ခုကို ဖေါ်ပြပေးပြီး ပယ်ဖျက်လိုတဲ့ ပရိုဂရမ်ရဲ့ ယာယီဖိုင်တွေ အားလုံးကို ရွေးချယ်ပေးနိုင်ပါတယ်။

အရေးကြီးချက် - CCleaner ဟာ ကွန်ပျူတာပေါ်မှာ သိမ်းဆည်းထားတဲ့ တကယ့် စာရွက်စာတမ်းတွေကို ပယ်ဖျက်တာ မဟုတ်ပဲ၊ ယာယီ ဖိုင်တွေကိုသာ ပယ်ဖျက်ပေးတာ ဖြစ်တယ်။ ဒါကြောင့် စာရွက်စာတမ်းတွေရဲ့ နောက်ဆုံး back up တစ်ခုခုကို သိမ်းဆည်းထားဖို့ လိုအပ်တယ်။ (backup တစ်ခု ပြုလုပ်နည်းနဲ့ ပါတ်သက်ပြီး ပိုမို အချက်အလက်ကို သုံးစွဲနည်း စာအုပ်ငယ် အခန်း ၅။ ဆုံးရှုံးသွားတဲ့ သတင်း အချက်အလက်များကို ပြန်ဆယ်နည်းထံမှာ ကြည့်ရှုပါ။

CCleaner ကို အသုံးပြုတဲ့အခါ browser နဲ့ လောလောဆယ် အသုံးပြုနေတဲ့ မှတ်တမ်းမှတ်ရာတွေရဲ့ မှတ်တမ်းတွေ၊ save လုပ်ထားတဲ့ စကားဝှက်တွေ အားလုံးကို ဆုံးရှုံးသွားနိုင်တယ်။ ဒါပေမယ့် ဒီပရိုဂရမ်ရဲ့ အဓိက ရပ်တည်ချက်ကတော့ ကွန်ပျူတာ system ကို တိုက်ခိုက်လာနိုင်တဲ့ (သို့) စောင့်ကြည့်လာနိုင်တဲ့ နည်းလမ်း အမျိုးမျိုးကို လျှော့နည်းသွားစေဖို့ပဲ ဖြစ်ပါတယ်။

CCleaner ကို Install လုပ်ပြီးConfigure လုပ်နည်း

ဒီစာမျက်နှာမှာ ပါဝင်တဲ့ အပိုင်းများ -

၂.ဝ CCleaner ကို Install လုပ်နည်း

CCleaner ကို Install လုပ်တာဟာ လွယ်ကူပြီး လျင်မြန်တဲ့ လုပ်ငန်းစဉ် တစ်ခု ဖြစ်တယ်။ CCleaner ကို စတင် install လုပ်ဖို့ အောက်ပါအဆင့်တွေကို ဆောင်ရွက်ပါ -

အဆင့် ၁ - Installation လုပ်ငန်းစဉ်ကို စတင်ဖို့ ကို နှစ်ချက် နှိပ်ပါ။ Open File - Security Warning dialog box ပေါ်လာလိမ့်မယ်။ အဲဒီနောက် အောက်က မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၁ - Installer ထဲက ဘာသာစကား ရွေးချယ်မှုပြ dialog box ပုံ

အဆင့် ၂ - 'Welcome to the CCleaner v 2.33 Setup Wizard' မျက်နှာပြင်ကို သက်ဝင်စေဖို့ ကို နှိပ်ပါ။

အဆင့် ၃ - CCleaner License Agreement မျက်နှာပြင်ကို သက်ဝင်စေဖို့ ကို နှိပ်ပါ။ ကျန်တဲ့ Installation လုပ်ငန်းစဉ်ကို ဆက်လက် မလုပ်ဆောင်ခင် License Agreement ကို ဖတ်ပါ။

အဆင့် ၄ - 'Install Options' မျက်နှာပြင်ကို သက်ဝင်စေဖို့ ကို နှိပ်ပါ။

အဆင့် ၅ - 'default settings' ကို လက်ခံဖို့ ကို နှိပ်ပြီး၊ CCleaner ကို စတင် install လုပ်ပါ။ တိုးတက်မှု အနေအထားပြ ဘားကို ပြတဲ့ installing မျက်နှာပြင် သက်ဝင်လာလိမ့်မယ်။

အဆင့် ၆ - CCleaner ကို အပြီးသတ် install လုပ်ဖို့ ကို နှိပ်ပြီး Piriform CCleaner သုံးစွဲသူ မျက်နှာပြင်ကို သက်ဝင်စေပါ။

ပုံ ၂ - Piriform CCleaner console ပြပုံ

CCleaner ကို အောင်အောင်မြင်မြင် install လုပ်ပြီးတဲ့အခါ၊ အောက်ပါ pop-up စာတမ်း ပေါ်လာပါလိမ့်မယ်။

ပုံ ၃ - CCleaner Intelligent Cookie Scan pop-up စာတမ်း ပြပုံ

အဆင့် ၇ - Cookies တွေကို ကွန်ပျူတာထဲမှာ အမြဲတမ်း သိမ်းဆည်းမထားအောင် ကို နှိပ်ပါ။

၂.၁ CCleaner ကို စတင် Configure မလုပ်ခင် သိထားရမဲ့ အချက်များ

သုံးစွဲနည်း စာအုပ်ငယ် အခန်း ၆။ အထိအခိုက်မခံတဲ့ သတင်း အချက်အလက်များကို ဖျက်ဆီးနည်းထဲမှာ အသေးစိတ် ဖော်ပြထားသလို၊ Microsoft Windows ရဲ့ စံထားချက် ဖိုင် ပယ်ဖျက်ရေး နည်းလမ်းတွေက disk ထဲက (recycle bin ကို ဗလာခါလိုက်တဲ့ အခါမှာလည်း) ဒေတာတွေကို တကယ်တမ်း ပယ်ဖျက် မပေးဘူး။ ယာယီဖိုင်တွေလည်း အလားတူ ဖြစ်တယ်။ hard disk ထဲကနေ အမြဲတမ်း ပယ်ဖျက်ပစ်ဖို့၊ အဲဒီ ဖိုင်တွေကို ကျပန်းစနစ်နဲ့ overwrite လုပ်ရမှာ ဖြစ်တယ်။ ပယ်ဖျက်လိုက်တဲ့ ဖိုင်တွေကို overwrite လုပ်ပြီး လုံလုံခြုံခြုံ ပယ်ဖျက်ပေးဖို့ CCleaner ကို configure လုပ်လိုက်ပါ။ အဲဒါကို default mode အရ configure လုပ်ထားမှာ မဟုတ်ဘူး။ CCleaner ဟာ disk ပေါ်က နေရာလွတ်တွေကို ရှင်းလင်းပေးခြင်းဖြင့် သတင်း အချက်အလက်ဟောင်းတွေကို လုံလုံခြုံခြုံ ပယ်ဖျက်သွားမှာ ဖြစ်တယ် (အခန်း ၅.၃ - CCleaner အသုံးပြုပြီး disk နေရာလွတ်ကို ရှင်းလင်းနည်းမှာ သွားရောက် လေ့လာပါ)။

CCleaner ကို အသုံးမပြုခင်၊ ယာယီဖိုင်အားလုံးကို လုံလုံခြုံခြုံ ပယ်ဖျက်ဖို့ configure လုပ်ပါ။

၂.၂ CCleaner ကို Configure လုပ်နည်း

CCleaner ကို configure လုပ်ဖို့၊ အောက်ပါ အဆင့်တွေကို လုပ်ဆောင်ပါ -

အဆင့် ၁ - Piriform CCleaner ပင်မမျက်နှာစာကို သက်ဝင်စေဖို့ ကို နှိပ်ပါ (သို့)၊ Start > Programs > CCleaner ကို select လုပ်ပါ။

အဆင့် ၂ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၄ - Default About pane ကို ပြသနေတဲ့ Options ဝင်းဒိုး ပြပုံ

အဆင့် ၃ - 'Settings' pane ကို သက်ဝင်စေဖို့ ကို နှိပ်ပါ။ Settings pane ထဲကနေ သင်နဲ့ အဆင် အပြေဆုံး ဖြစ်မဲ့ ဘာသာစကားကို ရွေးချယ်နိုင်တယ်။ CCleaner ကို အသုံးပြုပြီး ယာယီဖိုင်တွေနဲ့ drives တွေကို ရှင်းလင်းမဲ့ ပုံစံကို ဆုံးဖြတ်နိုင်ပါတယ်။

မှတ်ချက် - Secure Deletion အခန်းဟာ ဖွင့်ထားတဲ့ 'Normal file deletion' option နဲ့အတူ ပေါ်လာလိမ့်မယ်။

အဆင့် ၄။ drop-down စာရင်းကို ဖွင့်ဖို့ Secure file deletion (ပိုနှေးတယ်) option ကို နှိပ်ပါ။

အဆင့် ၅ - Drop-down list ကို Expand လုပ်ပြီး အောက်က ပုံနဲ့ တူအောင် Secure file deletion (ပိုနှေးတယ်) option ထဲက DOD 5220.22 M ကို select လုပ်ပါ -

ပုံ ၅ - 'Secure Deletion' options တွေကို ပြသနေတဲ့ 'Settings' pane ပြပုံ

ဒီ option ကို သတ်မှတ်ပြီးတဲ့အခါ၊ ပယ်ဖျက်ဖို့ ရွေးချယ်ထားတဲ့ ဖိုင်တွေနဲ့ ဖိုင်တွဲတွေကို hard disk ထဲကနေ ကျပန်းစနစ်နဲ့ ထိထိရောက်ရောက် ရှင်းလင်းပစ်ဖို့ Ccleaner က overwrite လုပ်ပေးသွားလိမ့်မယ်။ Secure deletion drop-down စာရင်းထဲက 'passes' တွေ ဆိုတာ ဒေတာတွေကို ကျပန်း စနစ်နဲ့ overwrite လုပ်မဲ့ အကြိမ် အရေအတွက် ဖြစ်တယ်။ Pass အရေအတွက် များလေလေ၊ မှတ်တမ်း၊ ဖိုင်နဲ့ ဖိုင်တွဲကို ကျပန်းစနစ်နဲ့ overwrite လုပ်မဲ့ အကြိမ် အရေအတွက် များလာလေပဲ ဖြစ်တယ်။ ဒီနည်းနဲ့ မှတ်တမ်းမှတ်ရာ၊ ဖိုင် (သို့) ဖိုင်တွဲတွေကို ပြန်ပြီး ဆယ်တင်နိုင်တဲ့ အနေအထား လျော့နည်းစေမှာ ဖြစ်ပြီး၊ ရှင်းလင်းတဲ့ (wiping) လုပ်ငန်းစဉ်ကို အချိန် ပိုကြာစေမှာ ဖြစ်ပါတယ်။

CCleaner ထဲက ယာယီဖိုင်များကို ပယ်ဖျက်နည်း

ဒီအခန်းမှာ၊ Microsoft Windows နဲ့ ကွန်ပျူတာထဲမှာ အများဆုံး အသုံးပြုတဲ့ applications တွေက ဖန်တီးလိုက်တဲ့ ယာယီဖိုင် အားလုံးကို ပယ်ဖျက်နည်း လေ့လာသွားကြမှာ ဖြစ်တယ်။

အဆင့် ၁ - CCleaner console ကို သက်ဝင်စေဖို့ ကို နှိပ်ပါ (သို့) Start > Programs > CCleaner ကို select လုပ်ပါ။

အဆင့် ၂ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ - CCleaner Pane ကို ပြသနေတဲ့ CCleaner console ပြပုံ

CCleaner ဝင်းဒိုးကို နှစ်ခြမ်း ခွဲခြားထားတယ်။ ဘယ်ဘက်ခြမ်းတွင် Windows နဲ့ Applications တွေရဲ့ tabs တွေ ဖော်ပြထားပြီး ညာဘက်ခြမ်းမှာ သတင်း အချက်အလက်တွေ (သို့) ရှင်းလင်းတဲ့ လုပ်ငန်း ရလဒ်တွေကို ဖော်ပြမဲ့ နေရာလွတ် တစ်ခု ရှိတယ်။ Analyze နဲ့ Run Cleaner ခလုတ်တွေဟာ အဲဒီ နေရာရဲ့ အောက်မှာ တည်ရှိပါတယ်။

ပုံ ၂ - Options အားလုံးကို checked လုပ်ထားတဲ့ ဝင်းဒိုးနဲ့ Applications tabs ပြပုံ

မှတ်ချက် - ဖော်ပြပါ အဆင့်တွေကို အသုံးပြုပြီး၊ Windows နဲ့ Applications tabs တို့မှာ checked လုပ်ထားခဲ့တဲ့ အချက်တွေရဲ့ ယာယီဖိုင် အားလုံးကို ပယ်ဖျက်သွားလိမ့်မယ်။ သုံးစွဲသူ အမျိုးမျိုးဟာ သူတို့ရဲ့ ကွန်ပျူတာထဲမှာ ပရိုဂရမ် အမျိုးမျိုးကို install လုပ်ထားကြမှာ ဖြစ်တဲ့အတွက်၊ သင့်ဆီမှာ ရှိတဲ့ Applications စာရင်းဟာ အပေါ်က ပုံ ၂ မှာ ပြထားတဲ့ ဥပမာနဲ့ အနည်းငယ် ကွဲလွဲနိုင်ပါတယ်။

အဆင့် ၃ - Windows နဲ့ Applications tabs တွေကို အောက်ဖက် Scroll ဆွဲချပြီး Advanced အပိုင်းမှာ ရှိတဲ့ options အားလုံးကိုလည်း check လုပ်လိုက်ပါ။ options တချို့ကို check လုပ်တဲ့အချိန်မှာ၊ သတိပေးချက် အတည်ပြု dialog box တစ်ခု ပေါ်လာပြီး၊ အဲဒီ option တစ်ခုစီရဲ့ အကျိုးသက်ရောက်မှုကို ရှင်းပြသွားလိမ့်မယ် -

ပုံ ၃ - သတိပေးချက် အတည်ပြု dialog box ဥပမာ တစ်ခု ပြပုံ

မှတ်ချက် - ယာယီဖိုင် အားလုံးကို နှံ့နှံ့စပ်စပ်နဲ့ အပြည့်အစုံ ရှင်းလင်းနိုင်ဖို့ Windows နဲ့ Applications tabs တွေမှာ ရှိတဲ့ options တွေအားလုံးကို check လုပ်လိုက်ပါ။ ဒါပေမဲ့၊ ပယ်ဖျက်နေတဲ့ Configurations နဲ့ Settings အမျိုးအစားတွေကို နားလည်ထားဖို့ လိုအပ်ပါတယ်။

သတိပေးချက် - Wipe Free Space option ကို check လုပ်လိုက်ခြင်းဖြင့်၊ ရှင်းလင်း လုပ်ဆောင်တဲ့ နေရာမှာ လိုအပ်တဲ့ အချိန်ပမာဏကို သိသိသာသာ တိုးချဲ့ပေးလို့ရတယ်။ ဒီအတွက် အချိန် တစ်နာရီထက် မက လိုအပ်ပါတယ်။

အဆင့် ၄ - ပယ်ဖျက်မဲ့ ယာယီဖိုင် အမျိုးမျိုးတွေ ပါဝင်တဲ့ စာရင်း တစ်ခုကို ထုတ်ယူ ကြည့်ရှုဖို့ ကို နှိပ်ပါ။

သိကောင်းစရာ - ရှင်းလင်းတဲ့ လုပ်ငန်းကို မစတင်မီ တခြား ပရိုဂရမ်အားလုံးကို ပိတ်ထားပါ။ အကယ်လို့ ဖွင့်ထားမိတယ် ဆိုရင်၊ အဲဒီ ပရိုဂရမ်တွေနဲ့ သက်ဆိုင်တဲ့ ယာယီဖိုင်တွေကို CCleaner က ဖယ်ရှားပေးမှာ မဟုတ်ပဲ၊ အောက်က ပုံ ၄ မှာ ဖော်ပြထားတဲ့ သတိပေးချက် pop-up တွေ ပေါ်လာပါလိမ့်မယ်။

ပုံ ၄ - Firefox/Mozilla ကို ပိတ်ဖို့ သတိပေးတဲ့ ဥပမာ တစ်ခု ပြပုံ

အဆင့် ၅ - ပယ်ဖျက်မဲ့ ဖိုင်တွေကို စီဖို့ ကို နှိပ်ပါ။

ပုံ ၅ - ပယ်ဖျက်မဲ့ ယာယီဖိုင်တွေရဲ့ စာရင်းတစ်ခု ဥပမာ ပြပုံ

မှတ်ချက် - CCleaner ဟာ အသုံးပြုနေတဲ့ application တစ်ခုခုကနေ ထုတ်လုပ်တဲ့ ယာယီဖိုင်တွေကိုပဲ ပယ်ဖျက်ပေးတယ်။ Application ကိုယ်တိုင်ကိုတော့ သွားမထိ*ဘူး။ ဥပမာ ပြထားတဲ့ *ပုံ ၅ ထဲမှာ Applications တွေ ပါတဲ့ – Office 2003 ပရိုဂရမ် အစုံကို ကွန်ပျူတာထဲမှာ install လုပ်ထားတယ်။ ဒါပေမဲ့ သူ့ရဲ့ ယာယီဖိုင်တွေကိုပဲ ပယ်ဖျက်ပေးတယ်။ CCleaner ကို အသုံးပြုပြီး ပရိုဂရမ် တစ်ခုကို uninstall လုပ်မယ် ဆိုရင်၊ အဆင့်မြင့် Optons များ၊ မကြာခဏ မေးလေ့ရှိတဲ့ မေးခွန်းများနဲ့ သုံးသပ်ချက်များထဲက အခန်း ၅.၁ CCleaner အသုံးပြုပြီး ပရိုဂရမ်များကို uninstall ပြုလုပ်နည်းကို သွားရောက် လေ့လာပါ။

အဆင့် ၆ - ယာယီဖိုင်တွေကို ပယ်ဖျက်ဖို့ ကို နှိပ်ပြီး အောက်ပါ မျက်နှာပြင်ကို သက်ဝင်စေပါ -

ပုံ ၆ - အတည်ပြုချက် dialog box ပြပုံ

အဆင့် ၇ - အောက်ပါ အတိုင်း ယာယီဖိုင်တွေကို ပယ်ဖျက်ဖို့ ကို နှိပ်ပါ။ ပြီးရင်၊ ရလဒ်တွေကို အောက်မှာ ဖော်ပြတဲ့အတိုင်း ဖော်ပြလာလိမ့်မယ် -

ပုံ ၇ - ဖိုင် ပယ်ဖျက်တဲ့ ရလဒ်များ ပြပုံ

အခုချိန်မှာ CCleaner ကို အသုံးပြုပြီး Windows နဲ့ Applications tabs တွေထဲက ယာယီဖိုင်တွေကို အောင်အောင် မြင်မြင် ပယ်ဖျက်ပြီးသွားပါပြီ။

CCleaner သုံးပြီး Windows Registry ကို ရှင်းလင်းနည်း

ဒီစာမျက်နှာမှာ ပါဝင်တဲ့ အပိုင်းများ -

၄.ဝ စတင် အသုံးမပြုမီ သိထားရမဲ့ အချက်များ

CCleaner ကို အသုံးပြုပြီး ကွန်ပျူတာထဲမှာ ရှိတဲ့ hardware နဲ့ ဆော့ဗ်ဝဲ settings တွေ စတဲ့ configuration အချက်အလက်တွေကို သိမ်းထားတဲ့ ဒေတာဘေ့စ်တစ်ခု ဖြစ်တဲ့ Windows Registry ကိုလည်း ရှင်းလင်းပေးတယ်။ ဆော့ဖ်ဝဲတွေကို install လုပ်တာ၊ တခြား ပုံမှန် လုပ်ငန်းတွေကို ဆောင်ရွက်တာတွေကြောင့် ပြောင်းလဲသွားတဲ့ အခြေခံ ကွန်ပျူတာ စနစ် configuration အချက်အလက်တွေဟာ Windows Registry မှာ ထင်ဟပ်လာပြီး အဲဒီနေရာမှာပဲ သိမ်းထားပါတယ်။

ဒါပေမဲ့၊ အချိန်ကြာလာတဲ့ အခါ အသုံးမပြုတော့တဲ့ ပရိုဂရမ်တွေရဲ့ သဲလွန်စတွေ ပါဝင်တဲ့ ရက်လွန်နေတဲ့ Configuration အချက်အလက်တွေနဲ့ Settings တွေဟာ Windows Registry မှာ လာပြီး စုပုံနေကြတယ်။ အဲဒီလို အချက်အလက်တွေကို CCleaner မှာ ရှိတဲ့ Registry option က စကင်ဖတ် စစ်ဆေးပြီး ဖယ်ရှားပေးလိုက်တဲ့အတွက် ကွန်ပျူတာ စနစ် လုပ်ငန်း လည်ပတ်မှု ကောင်းမွန်လာပြီး ပိုမြန်လာတဲ့အပြင်၊ ဒစ်ဂျစ်တယ် privacy နဲ့ လုံခြုံရေးကို အကာအကွယ် ပေးပါတယ်။

သိကောင်းစရာ - Windows Registry ကို လစဉ် ပုံမှန် စကင်ဖတ် စစ်ဆေးပေးပါ။

၄.၁ CCleaner ကို သုံးပြီး Windows Registry ကို ရှင်းလင်းနည်း

အဆင့် ၁ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၁ - CCleaner ရဲ့ သုံးစွဲသူ မျက်နှာပြင်ကို Registry mode နဲ့ မြင်တွေ့ရပုံ

CCleaner Registry ဝင်းဒိုးကို Registry Cleaner စာရင်းကို ဖေါ်ပြတဲ့ အကန့်နဲ့၊ တွေ့ရှိလာတဲ့ ပြဿနာ တစ်ခုခုနဲ့ ပါတ်သက်တဲ့ အချက်အလက်တွေကို ဖေါ်ပြတဲ့ အကန့် (Pane) ဆိုပြီး ပိုင်းခြားထားပါတယ်။

အဆင့် ၂ - Registry Cleaner စာရင်းထဲမှာ ရှိတဲ့ item တွေအားလုံးကို Check လုပ်ပြီး၊ registry နဲ့ ပါတ်သက်တဲ့ ပြဿနာတွေကို ပြုပြင်ဖို့ ကို နှိပ်ပါ။ ခဏအကြာမှာ ရလဒ်တွေကို အောက်ပါအတိုင်း မြင်တွေ့ရမယ် -

ပုံ ၂ - ပြုပြင်ဖို့ လိုအပ်တဲ့ ပြဿနာတွေကို ဖေါ်ပြတဲ့ ရလဒ် စာမျက်နှာပုံ

Windows Registry ကို ပြုပြင်တာတွေ မလုပ်ခင် ကြိုတင်ကာကွယ်တဲ့ အနေနဲ့၊ သင်ရဲ့ registry ကို backup လုပ်ထားဖို့ အချက်လာလိမ့်မယ်။ Windows Registry ကို ရှင်းလင်းပြီးတဲ့အခါ ပြဿနာ တစ်ခုခု ပေါ်လာတယ် ဆိုရင်၊ backup လုပ်ထားတဲ့ ဖိုင်ကို Windows Registry ထဲမှာ သူ့ရဲ့ မူလ အခြေအနေအတိုင်း ပြန်ထားပေးနိုင်ပါတယ်။

အဆင့် ၃ - အောက်ပါ အတည်ပြုချက် ပေးတဲ့ dialog box ကို သက်ဝင်စေဖို့ ကို နှိပ်ပါ -

ပုံ ၃ - အတည်ပြုချက် ပေးတဲ့ dialog box ပြပုံ

မှတ်ချက် - backup registry ဖိုင် သိမ်းထားတဲ့ နေရာကို မေ့သွားတယ် ဆိုရင် .reg ဖိုင် extension နဲ့ ရှာလို့ ရတယ်။

အဆင့် ၄ - registry backup တစ်ခုကို ဖန်တီးဖို့ ကို နှိပ်ပြီး၊ အောက်ပါ မျက်နှာပြင်ကို သက်ဝင်စေပါ -

ပုံ ၄ - Save As တည်နေရာပြ browser ပုံ

အဆင့် ၅ - backup ဖိုင်အတွက် တည်နေရာ တစ်ခုကို ရွေးချယ်ပြီးတဲ့အခါ ကို နှိပ်ပါ၊ အောက်ပါ dialog box သက်ဝင်လာလိမ့်မယ် -

ပုံ ၅ - Fix Issue/Fix All Selected Issues dialog ပြပုံ

ကျွမ်းကျင်တဲ့ အဆင့်မြင့် သုံးစွဲသူတွေဟာ သူတို့ရဲ့ လိုအပ်ချက်တွေ အပေါ် မူတည်ပြီး တချို့ ပြဿနာတွေကို ပြုပြင်ပြီး တချို့ကို ချန်ထားနိုင်တယ်။ သာမာန် သုံးစွဲသူတွေနဲ့ စတင် သုံးစွဲသူတွေအနေနဲ့ကတော့ ရွေးချယ်ထားတဲ့ ပြဿနာတွေ အားလုံးကို ဒီအတိုင်း ပြုပြင် (Fix) သွားဖို့ အကြံပြုဖို့လိုပါတယ်။

အဆင့် ၆ - ပြဿနာတစ်ခုစီကို ကြည့်ရှုဖို့ ဒါမှမဟုတ် ကို နှိပ်ပါ။ အဲဒီနောက် လိုချင်တဲ့ ပြဿနာတွေကိုပဲ ပြုပြင်ဖို့ ကို နှိပ်ပါ။

အဆင့် ၇ - ရွေးချယ်ထားတဲ့ ပြဿနာတွေ အားလုံးကို ပြုပြင်ဖို့ ကို နှိပ်ပါ။

Windows Registry ကို အခု အောင်အောင်မြင်မြင် ရှင်းလင်းလိုက်ပါပြီ။

သိကောင်းစရာ - ပြဿနာတွေကို မတွေ့ရတော့တဲ့အထိ အဆင့် ၃ ကနေ အထိ ထပ်ခါတလဲလဲ လုပ်ပါ။

၄.၂ Registry Backup ဖိုင်ကို ပြန်လည်ဆယ်တင်နည်း

Windows Registry ကို ရှင်းလင်းလိုက်တဲ့ အတွက် ကွန်ပျူတာ လည်ပတ်မှု စနစ်ကို ထိခိုက်စေတယ်လို့ သံသယ ရှိနေရင်၊ အခန်း ၄.၁ ထဲက အဆင့် ၃ ကနေ မှာ သင် ဖန်တီးခဲ့တဲ့ Registry Backup ဖိုင်ကို အသုံးပြုပြီး မူရင်း registry ကို ပြန်ထားတယ်။ ဒီနည်းနဲ့ ကွန်ပျူတာ လည်ပတ်မှု စနစ်နဲ့ ပါတ်သက်တဲ့ အနှောင့်အယှက်ကို လျှော့နည်းစေနိုင်ပါတယ်။

မူရင်း Registry ကို ပြန်ထားဖို့၊ အောက်ပါအဆင့်တွေကို လုပ်ဆောင်ပါ -

အဆင့် ၁ - Run အတည်ပြုချက် ပေးတဲ့ dialog box ကို သက်ဝင်စေဖို့ Start > Run ကို select လုပ်ပါ၊ အဲဒီနောက် regedit ကို အောက်ပါအတိုင်း ရိုက်ထည့်ပါ -

ပုံ ၆ - Run အတည်ပြုချက် ပေးတဲ့ dialog box ပုံ

အဆင့် ၂ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၇ - Registry Editor ပြပုံ

အဆင့် ၃ - Import Registry File မျက်နှာပြင်ကို သက်ဝင်စေဖို့ Menu bar ကနေ File > Import ကို select လုပ်ပါ၊ အဲဒီနောက် ကို select လုပ်ပါ။

အဆင့် ၄ - အောက်ပါ အတည်ပြုချက် ပေးတဲ့ dialog box ကို သက်ဝင်စေဖို့ ကို နှိပ်ပါ -

ပုံ ၈ - Registry Backup ဖိုင် ပြန်လည်ထားရှိတာကို အတည်ပြုတဲ့ တခြား Registry Editor dialog box ပြပုံ

အဆင့် ၅ - Registry backup ဖိုင်ကို အပြီးသတ် ပြန်လည်ထားရှိဖို့ ကို နှိပ်ပါ။

အိတ်ဆောင် Ccleaner

##၁.၀ Install လုပ်ရတဲ့ Ccleaner ဗားရှင်းနဲ့ အိတ်ဆောင် ဗားရှင်းတို့ရဲ့ ကွာခြားချက်များ##

အိတ်ဆောင် ကိရိယာတွေကို ကွန်ပျူတာထဲမှာ install လုပ်စရာ မလိုဘူး၊ သူတို့ ဘယ်နေရာမှာ ရှိနေတယ်၊ ဘာတွေအတွက် အသုံးပြုတယ် စတာတွေကို ခြေရာခံလို့ မရဘူး။ ဒါပေမဲ့၊ ပြင်ပ ကိရိယာ (သို့) USB မှတ်ဉာဏ်ချောင်းနဲ့ အိတ်ဆောင် ကိရိယာတွေဟာ သင် အသုံးပြုနေတဲ့ ကွန်ပျူတာ လုံခြုံနေမှ အန္တရာယ် ကင်းရှင်းနိုင်မှာ ဖြစ်ပြီး၊ adware, malware, spyware နဲ့ ဗိုင်းရပ်စ်တို့ရဲ့ တိုက်ခိုက်မှု ခံရနိုင်သေးတယ်။

အိတ်ဆောင် Ccleaner နဲ့ ကွန်ပျူတာထဲမှာ install လုပ်ဖို့ ထုတ်လုပ်ထားတဲ့ ဗားရှင်းတို့မှာ တခြား ကွာခြားချက်တွေ မရှိကြဘူး။

##၂.၀ အိတ်ဆောင် Ccleaner ကို Download လုပ်ပြီး Extract လုပ်နည်း##

အိတ်ဆောင် Ccleaner ကို စတင် Download လုပ်ပြီး Extract လုပ်ဖို့ အောက်ပါ အဆင့်တွေကို လုပ်ဆောင်ပါ -

အဆင့် ၁။ သင့်လျှော်ပြီး download လုပ်နိုင်တဲ့ ကွန်ရက်စာမျက်နှာကို သွားဖို့ http://www.piriform.com/ccleaner/download/portable ကို နှိပ်ပါ။

အဆင့် ၂။ install လုပ်ထားတဲ့ ဖိုင် ကို ကွန်ပျူတာထဲမှာ save လုပ်ဖို့ ကို နှိပ်ပြီး၊ အဲဒီနေရာကို သွားပါ။

အဆင့် ၃Windows pop-up menu ကို သက်ဝင်စေဖို့ ကို ညာဖက် နှိပ်ပြီး၊ အောက်က ပုံ ၁ မှာ ပြထားတဲ့အတိုင်း Extract files... ကို select လုပ်ပါ -

ပုံ ၁ - Extract files... item ကို ရွေးချယ်ထားတဲ့ Windows pop-up menu ပြပုံ

အောက်ပါ ဝင်းဒိုးကို သက်ဝင်စေလိမ့်မယ် -

ပုံ ၂ - Extraction path and options navigation ဝင်းဒိုးပြပုံ

အဆင့် ၅။ အပေါ်က ပုံ ၂ မှာ ပြထားတဲ့အတိုင်း ဖြုတ်တပ်လို့ ရတဲ့ drive (သို့) USB မှတ်ဉာဏ်ချောင်းထဲကို သွားပြီး installation ဖိုင်ကို ဖြည်ချမဲ့ ဖိုင်တွဲ အသစ်တစ်ခုကို ဖန်တီးဖို့ ကို နှိပ်ပါ။

အဆင့် ၆။ အောက်က ပုံ ၃ မှာ ပြထားတဲ့အတိုင်း document tree ထဲမှာ ဖိုင်တွဲသစ် တစ်ခုရဲ့ အမည်ကို ရေးထည့်ပါ -

ပုံ ၃ - အရွယ် ပြန်ညှိလိုက်တဲ့ Extraction path and options ဝင်ဒိုး document tree ပြပုံ

နောက်တစ်မျိုးအနေနဲ့၊ တွဲပါလာတဲ့ drop-down စာရင်း ထဲမှာ ဖိုင်တွဲအမည် တစ်ခုကို သင် ရေးထည့်နိုင်တယ် -

မှတ်ချက် - အိတ်ဆောင် CCleaner ဖိုင်တွဲအတွက် တခြား အမည်တစ်ခုကို ရွေးလိုက်ရင် ရွေးလိုက်တဲ့ အမည်အတိုင်းပဲ ရှိနေမှာ ဖြစ်တယ်။

အဆင့် ၇။ သူ့ရဲ့ အကြောင်းအရာတွေကို အသစ် ဖွင့်ထားတဲ့ ဖိုင်တွဲထဲမှာ စတင် ဖြည်ချဖို့ ကို နှိပ်ပါ။

အဆင့် ၈။ အောက်က ပုံ ၄ မှာ ပြထားတဲ့အတိုင်း ဖိုင်ထားတဲ့ ပြင်ပ drive (သို့) USB မှတ်ဉာဏ်ချောင်းထဲကို သွားပြီး၊ အိတ်ဆောင် CCleaner ပရိုဂရမ်ကို အောင်အောင်မြင်မြင် ဖြည်ချလိုက်ပြီး ဖြစ်ကြောင်း အတည်ပြုဖို့ သူ့ကို ဖွင့်ပါ။

ပုံ ၄ - အိတ်ဆောင် CCleaner ပရိုဂရမ်ကို သတ်မှတ်ထားတဲ့ ပြင်ပ hard drive တစ်ခုမှာ ရှိတဲ့ ဖိုင်တွဲထဲမှာ ဖြည်ချထားပုံ

အဆင့် ၉အိတ်ဆောင် CCleaner ကို ဖွင့်ဖို့ ကို နှစ်ချက် နှိပ်ပါ။

CCleaner ကို စတင် configure လုပ်ပြီး အသုံးပြုဖို့ CCleaner အခန်းကို လေ့လာပါ။

အဆင့်မြင့် Options များ၊ မကြာခဏ မေးလေ့ရှိတဲ့ မေးခွန်းများနဲ့ သုံးသပ်ချက်များ

ဒီစာမျက်နှာမှာ ပါဝင်တဲ့ အပိုင်းများ -

၅.၀ အဆင့်မြင့် Options များ

ကွန်ပျူတာ လည်ပတ်မှု စနစ် တစ်ခုလုံးကို တိုးတက်ကောင်းမွန်စေတဲ့ CCleaner ရဲ့ features နှစ်ခု ကတော့ Uninstall နဲ့ Startup တို့ ဖြစ်ကြတယ်။ သတ်မှတ်ထားတဲ့ Drive တစ်ခုမှာ နေရာလွတ် ရရှိဖို့ အမြဲတမ်း ပယ်ဖျက်နည်း (သို့) ရှင်းလင်းနည်းကိုလည်း လေ့လာသွားမှာ ဖြစ်ပါတယ်။

၅.၁ CCleaner သုံးပြီး ပရိုဂရမ်များကို uninstall ပြုလုပ်နည်း

အရေးကြီးချက် - ပယ်ဖျက်မဲ့ (သို့) unistall လုပ်မဲ့ ပရိုဂရမ်ဟာ ကွန်ပျူတာရဲ့ လည်ပတ်မှု စနစ်ကို မထိခိုက်စေတဲ့ ပရိုဂရမ်မျိုး ဖြစ်ဖို့ သေချာ စစ်ဆေးပါ။

CCleaner ကို မသုံးခင်ကို အရင်က install လုပ်ထားပြီး အသုံးမပြုတော့တဲ့ ဆော့ဖ်ဝဲတွေကို ပယ်ဖျက်တဲ့ နေရာမှာ ယာယီဖိုင်တွေနဲ့ ဖိုင်တွဲတွေကိုပါ ဖယ်ရှားနိုင်တယ်။ ဒီလို လုပ်ခြင်းဖြင့် ပယ်ဖျက်မဲ့ ယာယီဖိုင်တွေနဲ့ ဖိုင်တွဲတွေရဲ့ ပမာဏကို လျော့နည်းစေမှာ ဖြစ်ပြီး ရှင်းလင်းတဲ့ လုပ်ငန်းစဉ်ကိုပါ အချိန်ကုန် သက်သာစေမှာ ဖြစ်ပါတယ်။

CCleaner ရဲ့ Uninstall feature ဟာ မိုက်ခရိုဆော့ဗ် ဝင်းဒိုးစ်ရဲ့ Add or Remove Programs feature နဲ့ အတူတူ ဖြစ်တယ်။ ဒီ 'Uninstall' feature က ပရိုဂရမ်တွေကို ပိုပြီး ရှင်းရှင်းလင်းလင်းနဲ့ ခပ်မြန်မြန် ဖော်ပြပေးနိုင်ပါတယ်။

အသုံးမပြုတော့တဲ့ ပရိုဂရမ်တွေကို uninstall လုပ်ဖို့၊ အောက်ပါ အဆင့်တွေကို လုပ်ဆောင်ပါ -

အဆင့် ၁ - Piriform CCleaner console ကို သက်ဝင်စေဖို့ (သို့) select Start > Programs > CCleaner ကို select လုပ်ပါ။

အဆင့် ၂ - ကို နှိပ်ပြီး၊ အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ -

ပုံ ၁ - Uninstall အကန့်ကို ပြသနေတဲ့ 'Tools' option ပြပုံ

အဆင့် ၃ - Programs to Remove စာရင်းထဲက ပရိုဂရမ် တစ်ခုခုကို Select လုပ်ပါ၊ အဲဒီနောက် ရွေးထားတဲ့ ပရိုဂရမ်ကို unistall လုပ်ဖို့ ကို နှိပ်ပါ။

သိကောင်းစရာ - အတွေ့အကြုံရှိတဲ့ အဆင့်မြင့် သုံးစွဲသူတွေအတွက် Rename Entry နဲ့ Delete Entry features တို့ဟာ တခြား ဆော့ဖ်ဝဲတွေရဲ့ တည်နေရာကို လျှို့ဝှက်တဲ့ နေရာမှာ အသုံးဝင်နေတာကို တွေ့ရကြမှာ ဖြစ်တယ်။ ဆိုလိုတာက ဒီပရိုဂရမ် ရှိနေတာကို သင် တစ်ဦးထဲကပဲ သိနေမှာ ဖြစ်ပြီး၊ မိုက်ခရိုဆော့ဗ် ဝင်းဒိုးစ်ရဲ့ Add/Remove Programs (သို့) CCleaner ကို သုံးပြီး အဲဒီ ဆော့ဖ်ဝဲကို ကြည့်ရှုဖို့ ကြိုးစားလာတဲ့ ပြိုင်ဖက်အဖွဲ့အစည်းတွေရဲ့ အန္တရာယ်ကနေ ကာကွယ်နိုင်မှာ ဖြစ်ပါတယ်။

အဆင့် ၄ - အဲဒီ ပရိုဂရမ်ကို အမည်ပြောင်းဖို့ ကို နှိပ်ပါ။ နောက် တစ်မျိုးအနေနဲ့၊ အဲဒီ စာရင်းထဲမှာ ရှိတဲ့ ပရိုဂရမ် တစ်ခုကို ပယ်ဖျက်ဖို့ ကို နှိပ်ပါ၊ ဒါပေမဲ့ ဒါဟာ uninstall လုပ်တာ မဟုတ်ဘူး။

၅.၂ CCleaner သုံးပြီး Auto-Start Programs များကို disable လုပ်နည်း

'Auto-Start' ပရိုဂရမ် ဆိုတာ ကွန်ပျူတာကို ဖွင့်တဲ့ အခါတိုင်း သူ့ဟာသူ အလိုအလျောက် အလုပ်လုပ်လာအောင် configure လုပ်ထားတာကို ဆိုလိုတယ်။ 'Auto-Start' ပရိုဂရမ်ဟာ ကန့်သတ်ထားတဲ့ system ထဲ အရင်းအမြစ်တွေကို စတင် အသုံးပြုနေမှာ ဖြစ်တဲ့အတွက်၊ ကွန်ပျူတာ စတင်နေတဲ့ အချိန် (start-up time) ကို နှေးကွေးသွားစေပါလိမ့်မယ်။

အဆင့် ၂ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ၊ အဲဒီနောက် ကို နှိပ်ပါ -

ပုံ ၂ - 'Start up' အကန့်ကို ဖော်ပြနေတဲ့ 'Tools' option ပြပုံ

အဆင့် ၃ - Start up အကန့်မှာ ဖေါ်ပြထားတဲ့ ပရိုဂရမ်တွေထဲကနေ တစ်ခုကို select လုပ်ပါ၊ အဲဒီနောက် ကွန်ပျူတာ စဖွင့်တဲ့အခါ အလိုအလျောက် အလုပ် မလုပ်နိုင်အောင် အဲဒီ ပရိုဂရမ်ကို disable လုပ်ဖို့ ကို နှိပ်ပါ။

၅.၃ CCleaner သုံးပြီး Disk နေရာလွတ်ကို ရှင်းလင်းနည်း

Windows operating system မှာ ဖိုင်တစ်ဖိုင်ကို ပယ်ဖျက်တယ် ဆိုတာ အဲဒီဖိုင်ရဲ့ အညွှန်းကိုပဲ ပယ်ဖျက်ပေးတာ ဖြစ်ပြီး သူ့ရဲ့ တကယ့် ဒေတာတွေကတော့ ဒီအတိုင်း ရှိနေတယ်။ အချိန်ကြာလာတဲ့အခါ အဲဒီ ဖိုင်ရှိနေတဲ့ Drive နေရာကို ဖိုင်အသစ်တွေက overwrite လုပ်သွားမှာ ဖြစ်ပေမဲ့၊ တတ်ကျွမ်း နားလည်တဲ့ ပုဂ္ဂိုလ် တစ်ယောက်ယောက်က အဲဒီ မူလဖိုင်ရဲ့ တစ်စိတ်တစ်ပိုင်းကို ဖြစ်ဖြစ် (သို့) အားလုံးကို ဖြစ်ဖြစ် ပြန်ရယူနိုင်တယ်။ ဒါပေမဲ့၊ ဒီလို အခြေအနေမျိုး မကြုံရအောင် သင့်ရဲ့ hard disk မှာ ရှိတဲ့ နေရာလွတ်တွေကို ရှင်းလင်းနိုင်တယ်။ CCleaner ကို အသုံးပြုပြီး Master File Table ကိုလည်း ရှင်းလင်းနိုင်ပါတယ်။

Master File Table (MFT) ဆိုတာ ဖိုင်တွေ အားလုံးရဲ့ နာမည်တွေ၊ တည်နေရာတွေနဲ့ တခြား အချက်အလက်တွေကို ဖော်ပြပေးတဲ့ အညွှန်း ဖြစ်တယ်။ မိုက်ခရိုဆော့ဗ် ဝင်းဒိုးစ်က ဖိုင် တစ်ဖိုင်ကို ပယ်ဖျက်တဲ့အခါ အဲဒီ ဖိုင်ရဲ့ အမှတ်အသား အညွှန်းလေးကိုပဲ အဆင်ပြေသလို ပယ်ဖျက်ပေးတာ ဖြစ်တယ်။ အဲဒီ ဖိုင်ရဲ့ MFT entry နဲ့ အကြောင်းအရာတွေကတော့ hard disk ပေါ်မှာ ဆက်လက် ကျန်ရှိနေမှာ ဖြစ်ပါတယ်။

မှတ်ချက် - Hard disk နဲ့ Master File Table တို့ကို ရှင်းလင်းဖို့ အချိန် အများကြီး လိုအပ်တယ်။ လိုအပ်တဲ့ အချိန် အတိုင်းအတာဟာ သတ်မှတ်လိုက်တဲ့ 'Pass' အကြိမ် အရေအတွက် အပေါ် မူတည်ပါတယ်။

Hard disk ထဲမှာ ရှိတဲ့ နေရာလွတ်တွေနဲ့ Master File Table ကို စတင် ရှင်းလင်းမှု မလုပ်ခင်၊ Options > Settings နဲ့ Cleaner အကန့်တွေမှာ တချို့ options တွေကို သတ်မှတ်ဖို့ လိုအပ်ပါတယ်။

ရှင်းလင်းလိုတဲ့ drive ကို ရွေးချယ်သတ်မှတ်ဖို့၊ အောက်ပါ အဆင့်တွေကို လုပ်ဆောင်ပါ -

အဆင့် ၁ - Secure Deletion နဲ့ Secure file deletion (ပိုနှေးတယ်) options နှစ်ခု စလုံးကို check လုပ်ဖို့ စာရင်းကို အောက်ဖက် Scroll လုပ်လိုက်ပါ၊ အကယ်လို့ သင် မရွေးရသေးဘူး ဆိုရင် ကို select လုပ်ပါ။

အဆင့် ၂ - Settings အကန့်ကို သက်ဝင်စေဖို့ ကို နှိပ်ပြီး ကို နှိပ်ပါ။

အဆင့် ၃ - အောက်မှာ ပြထားတဲ့အတိုင်း Wipe Free Space drives နဲ့ Wipe MFT Free Space options တို့ကို check လုပ်ပါ -

ပုံ ၃ - Wipe options နှစ်ခုစလုံးကို check လုပ်ထားတဲ့ 'Settings' အကန့် ပြပုံ

အဆင့် ၄ - Piriform CCleaner ရဲ့ ပင်မ Console ကို သက်ဝင်စေဖို့ ကို နှိပ်ပါ။

မှတ်ချက် - သင့်ရဲ့ ယာယီဖိုင်တွေကို ပုံမှန် ရှင်းလင်းတဲ့အခါ ဒီအပိုင်းကို enable လုပ်ထားတယ် ဆိုရင် နောက်အဆင့်ကို ရွေးလို့ ရသလို၊ မရွေးချင်လည်း ရတယ်။

သိကောင်းစရာ - ရှင်းလင်းတဲ့ လုပ်ငန်းစဉ်ကို မစတင်မီ တခြား ပရိုဂရမ်တွေ အားလုံးကို ပိတ်ထားဖို့ သတိရပါ။ အကယ်လို့ ဖွင့်ထားတယ် ဆိုရင်၊ အဲဒီ ဖွင့်ထားတဲ့ ပရိုဂရမ်တွေနဲ့ သက်ဆိုင်နေတဲ့ ယာယီဖိုင်တွေကို CCleaner က ဖယ်ရှားပေးနိုင်မှာ မဟုတ်ပါဘူး။

အဆင့် ၅ - Windows tab ကို Advanced section ရှိတဲ့အထိ အောက်ဖက်ကို Scroll လုပ်ပါ၊ အဲဒီနောက် အောက်က သတိပေးချက်ကို သက်ဝင်စေဖို့ Wipe Free Space option ကို check လုပ်ပါ -

ပုံ - သတိပေးချက်ကို အတည်ပြုပေးတဲ့ dialog box ပြပုံ

အဆင့် ၆ - အောက်ပါ မျက်နှာပြင်ကို သက်ဝင်စေဖို့ ကို နှိပ်ပါ၊ အဲဒီနောက် ကို နှိပ်ပါ -

ပုံ ၅ - အတည်ပြုချက် ပေးတဲ့ dialog ပြပုံ

အဆင့် ၇ - Hard disk နဲ့ Master File Table ထဲမှာ ရှိတဲ့ နေရာလွတ်တွေကို စတင် ရှင်းလင်းဖို့ ကို နှိပ်ပါ။

၅.၄ မကြာခဏ မေးလေ့ရှိတဲ့ မေးခွန်းများနဲ့ သုံးသပ်ချက်များ

အယ်လီနာနှင့် နီကိုလိုင်တို့ဟာ CCleaner ကို အသုံးပြုရတာ အတော်လေး လွယ်ကူနေမှန်း သိရှိကြတယ်။ ဒါပေမဲ့ အသုံးပြုပုံ အသုံးပြုနည်းနဲ့ ပတ်သက်ပြီး သူတို့ မေးချင်နေတဲ့ မေးခွန်းတချို့ ရှိနေပါတယ်။

*မေး - တကယ်လို့ CCleaner ကို uninstall လုပ်မယ် ဆိုရင်၊ အရင်က ပယ်ဖျက်လိုက်တဲ့ အကြောင်းအရာတွေ ဒီအတိုင်း ကျန်ရစ်ခဲ့ မလား။*

*ဖြေ - ဟုတ်ပါတယ်။ အကယ်လို့ CCleaner ကို စနစ်တကျ configure လုပ်ပြီး အသုံးပြုမယ် ဆိုရင်၊ ပယ်ဖျက်ခဲ့တဲ့ ဖိုင်တွေဟာ အမြဲတမ်း ပယ်ဖျက်ထားပြီးသား ကျန်ခဲ့မှာ ဖြစ်တယ်။*

*မေး - အကယ်လို့ CCleaner ကို USB မှတ်ဉာဏ်ချောင်း တစ်ခုထဲမှာ ကော်ပီ ကူးထားတယ် ဆိုရင် အဲဒီကို အင်တာနက်ကဖေးမှာ ရှိတဲ့ ကွန်ပျူတာမှာ အသုံးပြုပြီး ကျန်ခဲ့တဲ့ သဲလွန်စတွေကို ဖျောက်ဖျက်ဖို့ အသုံးပြုနိုင်သလား။ ဒီနည်းနဲ့ အသုံးပြုလို့ မရနိုင်တဲ့ အကြောင်းရှိသလား။*

*ဖြေ - သုံးနိုင်ပါတယ်။ (CCleaner ရဲ့ အိတ်ဆောင် ဗားရှင်း ရဲ့ CCleaner - Portable အခန်းကို သွားပါ) ကို ဒေါင်းလုဒ် ရယူနိုင်တဲ့ စာမျက်နှာ ရှိပါတယ်။ အကယ်လို့ အင်တာနက်ကဖေးက USB မှတ်ဉာဏ်ချောင်းကို အသုံးပြုခွင့် ပေးတယ် ဆိုရင်၊ ဟုတ်ပါတယ်၊ အဲဒီ ကွန်ပျူတာမှာ ကျန်ခဲ့တဲ့ သဲလွန်စတွေကို ဖျောက်ဖျက်ဖို့ CCleaner ရဲ့ အိတ်ဆောင် ဗားရှင်းကို အသုံးပြုနိုင်ပါတယ်။ ဒါပေမယ့်၊ အင်တာနက်ကဖေးမှာ သင့်ကို စောင့်ကြည့်နေတဲ့ သူရှိနေနိုင်တယ် ဆိုတာကို သတိရပါ။ ဒါ့အပြင် အင်တာနက်ကဖေးမှာ USB မှတ်ဉာဏ်ချောင်းကို အသုံးပြုတဲ့အတွက် အန္တရာယ်တွေ ရှိနိုင်တယ်။*

*မေး - အကယ်လို့ CCleaner မှာ 'Pass' တစ်ခုထဲကိုပဲ အသုံးပြုမယ် ဆိုရင်၊ တစ်ယောက်ယောက်က ကျွန်တော့်ရဲ့ ဒေတာတွေကို ရယူနိုင်မလား။ တကယ်လို့ 'Pass' အကြိမ် ၇ ခုကို ရွေးသုံးမယ် ဆိုရင် ဘာဖြစ်သွားမလဲ။*

*ဖြေ - ဒါဟာ အလွန်ကောင်းတဲ့ မေးခွန်းပါပဲ။ ဒေတာတွေကို ရှင်းလင်းတဲ့ နေရာမှာ 'Pass' များများ သုံးလေလေ၊ အဲဒီ ဒေတာကို တစ်ယောက်ယောက်က ပြန်ပြီး ရယူနိုင်တဲ့ အခွင့်အလမ်း နည်းလေလေ ဖြစ်တယ်။ ဒါပေမယ့် ဒေတာတွေကို ရှင်းလင်းတဲ့ နေရာမှာ 'Pass' များများ အသုံးပြုမယ် ဆိုရင် ရှင်းလင်းတဲ့ လုပ်ငန်းစဉ်မှာလည်း အချိန် အတော်ကြာ ယူနေရမှာ ဖြစ်တယ်။ *

*မေး - Windows Registry ကို ရှင်းလင်းတာဟာ ကွန်ပျူတာထဲမှာ ခဏတဖြုတ် install လုပ်ခဲ့၊ သုံးစွဲခဲ့တဲ့ တချို့ ပရိုဂရမ်တွေရဲ့ အမှတ်အသား အားလုံးကို ဖယ်ရှားဖို့အတွက် လုံလောက်မှု ရှိသလား။*

*ဖြေ - လုံလောက်ပါတယ်။ အကောင်းဆုံးကတော့၊ ယာယီဖိုင် အားလုံးကို ပယ်ဖျက်ပြီး install လုပ်ခဲ့တဲ့ ဆော့ဖ်ဝဲတွေ၊ သင် အလုပ်လုပ်ခဲ့တဲ့ အကြောင်းအရာတွေရဲ့ သဲလွန်စတွေ အားလုံးကို ဖယ်ရှားပစ်ဖို့ Windows Registry ကို ရှင်းလင်းရမှာ ဖြစ်တယ်။ တကယ်လို့ အချိန် အကန့်အသတ်ပဲ ရတယ် ဆိုရင်၊ Windows Registry ကို ရှင်းလင်းတာဟာ သင့်တော်တဲ့ နည်းလမ်း တစ်ခု ဖြစ်တယ်။*

၅.၅ ပြန်လှန် မေးခွန်းများ

  • CCleaner က ဘယ်လိုမျိုး အချက်အလက်တွေကို ကွန်ပျူတာထဲကနေ ဖယ်ရှားပေးသလဲ။
  • ဘယ်လို ပုံစံနဲ့ ဖယ်ရှားသလဲ။
  • ဒေတာကို လုံလုံခြုံခြုံ overwrite လုပ်တဲ့အခါ ရွေးချယ်လိုက်တဲ့ 'Pass' အကြိမ် အရေအတွက်ဟာ ဘယ်လို ခြားနားမှု ရှိသလဲ။
  • Windows Registry ဆိုတာ ဘာလဲ။ ဘာကြောင့် အဲဒါကို ရှင်းလင်းဖို့ အကြံပြုသလဲ။
  • Windows Registry ကို မရှင်းလင်းခင် ဘာတွေ လုပ်သင့်သလဲ။