သင့် ဝင်းဒိုးကွန်ပျူတာအား ကာကွယ်ပါ

နောက်ဆုံးပြင်ဆင်ထားသော 18 June 2024

မာတိကာ

...မာတိကာ စတင်နေသည်...

မိုက်ခရိုဆော့ ဝင်းဒိုးသည် ကမ္ဘာပေါ်တွင် အသုံးအများဆုံး operating system ဖြစ်သော်လည်း သူခိုးဆော့ဖ်ဝဲ အတွက် အသုံးအများဆုံး ပစ်မှတ်လည်း ဖြစ်သည်။ သင့် ဝင်းဒိုးစက်ပစ္စည်းကို လုံခြုံစေရန်အတွက် ဤစာရင်းကို လိုက်နာပါ။

သင့်စက်ပစ္စည်း လည်ပတ်မှုစနစ် (OS) ၏ နောက်ဆုံးဗားရှင်းကို အသုံးပြုပါ

ဆော့ဖ်ဝဲကို update လုပ်သည့်အခါ၊ အင်တာနက်ကဖေး သို့မဟုတ် ကော်ဖီဆိုင်တွင်မဟုတ်ဘဲ သင့်အိမ် သို့မဟုတ် ရုံးခန်းကဲ့သို့ ယုံကြည်ရသော တည်နေရာတွင် အင်တာနက်ချိတ်ဆက်မှု ပြုလုပ်ပါ။
နောက်ဆုံးပေါ် လည်ပတ်ရေးစနစ်( OS ) သို့ အဆင့်မြှင့်တင်ခြင်းသည် ဆော့ဖ်ဝဲကို ဒေါင်းလုဒ်လုပ်ပြီး အကြိမ်ပေါင်းများစွာ ပြန်လည်စတင်ရန် လိုအပ်ပေမည်။ သင့်စက်ပစ္စည်းနှင့် အလုပ်မလုပ်မည့်အချိန်ကို ချိန်ပြီး OS အဆင်မြင့်တင်ခြင်းကိုပြုလုပ်ပါ။
အဆင့်မြှင့်တင်ခြင်း ပြီးဆုံးသည့်အခါ တခြားထပ်တိုးအဆင့်မြှင့်တင်စရာအသစ်များ မကျန်တော့သည့်အထိ ရရှိထားသည့် အဆင့်မြှင့်တင်မှုများအားလုံးကို မြှင့်တငပြီးမပြီး ထပ်မံစစ်ဆေးပါ။
သင့်ကွန်ပျူတာတွင် ဝင်းဒိုး၏ မည်သည့်ဗားရှင်းက လည်ပတ်နေသည်ကို စစ်ဆေးပါ။
သင်အသုံးပြုနေသော ဝင်းဒိုးအဆင့်သည် ဆက်လက်ထောက်ပံ့နေသေးခြင်းရှိမရှိကို မိုက်ကရိုဆော့ဖ်ထုတ်ကုန်များ နှင့် ဝန်ဆောင်မှုများ၏ သက်တမ်းဆိုင်ရာအချက်အလက်တွင် ရှာဖွေစစ်ဆေးပါ။ အကယ်၍ သင်အသုံးပြုနေသော အဆင့်သည် ဆက်လက်ထောက်ပံ့နေခြင်းမရှိပါက သင်၏ ကွန်ပျူတာကို နောက်ဆုံးထွက်ထားသော အဆင့်သို့ မြှင့်တင်သင့်သည်။
```
  - တခြားနည်းလမ်းအားဖြင့် သင်အသုံးပြုနေသော ဝင်းဒိုးအဆင့်သည်
    ဆက်လက်ထောက်ပံ့နေခြင်းရှိမရှိကို [ဝင်းဒိုး၏ endoflife.date
    စာမျက်နှာ](https://endoflife.date/windows)တွင် စစ်ဆေးနိုင်ပါသည်။
```
ရရှိနိုင်သော အဆင့်မြှင့်ထားသည့် ဗားရှင်းများကို ကြည့်ပါ။(https://en.wikipedia.org/wiki/List_of_Microsoft_Windows_versions)။
- Windows 11 သည် နောက်ဆုံးဗားရှင်းဖြစ်သည်။ သင့်ကွန်ပျူတာနှင့် လိုက်ဖက်မှုရှိမရှိ စစ်ဆေးရန် သို့မဟုတ် Start > Settings > Update & Security > Windows Update > check for updates ကိုရွေးချယ်ပါ။ Windows 11 ကို ဒေါင်းလုဒ်လုပ်ပြီး ထည့်သွင်းရန် အချိန်သည် သင်၏ အင်တာနက် ချိတ်ဆက်မှုနှင့် ကွန်ပျူတာ အမြန်နှုန်းပေါ်တွင် မူတည်ကြောင်း သတိပြုပါ။ အဆင့်မြှင့်တင်ခြင်းလုပ်ငန်းစဉ်သည် သင့်ကွန်ပျူတာတွင် disk နေရာအလုံအလောက်ရှိရန် လိုအပ်သည်။
- Windows 10 သို့မဟုတ် 11 သည် အဆင့်မြှင့်တင်မှုများကို အလိုအလျောက် ထည့်သွင်းရန် သတ်မှတ်ထားသင့်သည်၊ သို့သော် သင်သည် ကိုယ်တိုင် အဆင့်မြှင့်တင်ခြင်းပြုလုပ်ရန်လမ်းညွှန် ဝင်းဒိုးအဆင့်မြှင့်တင်နည်း နှင့် အမေးအဖြေများကို လိုက်ပါလုပ်ဆောင်နိုင်သည်။
သင့်လည်ပတ်မှုစနစ်(OS)ကို အဆင့်မြှင့်တင်ပါ။
ဝင်းဒိုး ၏ နောက်ဆုံးဗားရှင်းသည် သင့်စက်ပစ္စည်းတွင် အလုပ်လုပ်မည်မဟုတ်ပါက စက်ပစ္စည်းအသစ်ဝယ်ရန် စဉ်းစားပါ။ သို့မဟုတ် ဝင်းဒိုးအား စက်ပစ္စည်းအဟောင်းများကို ဆက်လက်ထောက်ပံ့ပေးသော Lubuntu ကဲ့သို့သော Linux ၏ ဗားရှင်းတစ်ခုဖြင့် အစားထိုးအသုံးပြုခြင်းက အကောင်းဆုံးဖြစ်ပါသည်။
အဆင့်မြှင့်တင်ခြင်းကို အပြည့်အဝထည့်သွင်းခြင်းသေချာစေရန် အဆင့်မြှင့်တင်ခြင်းလုပ်ငန်းစဉ်ပြီးဆုံးချိန် ပေါ်လာသော ပါဝင်အပိတ်အဖွင့်လုပ်ခြင်းကို အမြဲလုပ်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

သင့်စက်များနှင့် အက်ပ် များကို လုပ်ဆောင်သည့်ကုဒ်များတွင် အားနည်းချက်အသစ်များကို နေ့စဉ် တွေ့ရှိနေပါသည်။ ကုဒ်သည် အလွန်ရှုပ်ထွေးသောကြောင့် ထိုကုဒ်ကိုရေးသော developer များအနေဖြင့် မည်သည့်နေရာတွင် တွေ့မည်ကို ခန့်မှန်း၍မရပါ။ မလိုလားအပ်သော တိုက်ခိုက်သူများသည် သင့်စက်များအတွင်းသို့ ဝင်ရောက်ရန် ဤအားနည်းချက်များကို အသုံးချနိုင်သည်။

သို့သော် software developer များက ၎င်းအားနည်းချက်များကို ပြုပြင်ပေးမည့် code များကို ပုံမှန်ထုတ်လေ့ရှိပါသည်။ ထို့ကြောင့် update များကို ထည့်သွင်းရန်နှင့် သင်အသုံးပြုသည့် စက်တစ်ခုစီအတွက် လည်ပတ်မှုစနစ်၏ နောက်ဆုံးဗားရှင်းကို အသုံးပြုရန် အလွန်အရေးကြီးပါသည်။ သင့်စက်ပစ္စည်းကို အလိုအလျောက် update လုပ်ဖို့ သတ်မှတ်ပေးခြင်းဖြင့် သင့်တွင်သတိတရလုပ်ဆောင်ရမည့်တာဝန်တစ်ခုလျော့သွားမည်ဖြစ်သည်။

ထည့်သွင်းထားသော အက်ပလီကေးရှင်းများအားလုံးကို ပုံမှန် အဆင့်မြှင့်တင်ပါ

သင်ထည့်သွင်းထားသော အက်ပလီကေးရှင်းများအား မိုက်ခရိုဆော့ Store မှ အလိုအလျောက်အဆင့်မြှင်ခြင်းခြင်းအား သေချာစေပါ။

ယုံျကည္ရသည့္အရင္းျမစ္မှ ပရိုဂရမ္မ်ားနှင့္အက်ပ်မ်ားကိုအသုံးျပုပါ။

သင်၏ ကွန်ပျူတာအတွင်းတွင် မည်သည့်အက်ပလီကေးရှင်းများ ထည့်သွင်းထားသည်ကို စစ်ဆေးပါ။
သင်ထည့်သွင်းထားသော App များသည် တရားဝင်ဖြစ်မဖြစ် တိုင်းတာရန် မိုက်ခရိုဆော့Storeတွင်ရှာဖွေပါ။
သင်၏ Microsoft ဆော့ဖ်ဝဲသည် တရားဝင်ဖြစ်မဖြစ် ဆုံးဖြတ်ပါ။
သင့်အနေဖြင့် ဆော့ဖ်ဝဲလ်များကို ယုံကြည်နိုင်သလားဆိုသည်ကို ရှာဖွေသည့်အခါ Microsoft က တခြားပလက်ဖောင်းများကဲ့သို့ အသုံးပြုသူများကို အကာအကွယ်အများကြီးမပေးထားဆိုသည်ကို သတိပြုပါ။ ပေးထားသော ပရိုဂရမ် သို့မဟုတ် အက်ပ်ကို ထည့်သွင်းရန် အန္တရာယ်ရှိမရှိ ဂရုတစိုက် အကဲဖြတ်ပါ။
- အက်ပလီကေးရှင်း တစ်ခုခုအား အသုံးပြုသင့်မသင့်ကို ဆုံးဖြတ်နည်းကို လေ့လာရန် Security in a Boxမှ အသုံးပြုရန် အကြံပြုသည့် ကိရိယာများ နှင့် ဝန်ဆောင်မှုများအား မည်ကဲ့သို့ ရွေးချယ်သည်ကို ကြည့်ပါ။
- အကယ်၍ သင့်အနေဖြင့် မသေချာပါက အက်ပလီကေးရှင်းတစ်ခုခုအား ထည့်သွင်းခြင်းမပြုမီ ပညာရှင်တစ်ဦးအား မေးမြန်းပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

မိုက်ခရိုဆော့ store မှ သို့မဟုတ် ဆော့ဖ်ဝဲရေးသားသူများကိုယ်တိုင်၏ ဝဘ်ဆိုဒ်များမှ အက်ပ်များကိုသာ ထည့်သွင်းပါ။ "Mirror" ဟုခေါ်သည့် ဒေါင်းလုဒ်ဝဘ်ဆိုက်များ၏ဝန်ဆောင်မှုပံ့ပိုးပေးသူများကို သင်သိပြီး ယုံကြည်ခြင်းမရှိပါက၊ ၎င်းဆိုဒ်များသည် ယုံကြည်ရဖွယ်မရှိနိုင်ပါ။ App တစ်ခု၏အကျိုးခံစားခွင့်သည် ၎င်းအားအသုံးပြု၍ဖြစ်ပေါ်လာနိုင်သည့်အန္တရာယ်ထက် ပိုများသည်ဟု သင်ဆုံးဖြတ်ပါက၊ အရေးကြီးသို့မဟုတ် ကိုယ်ရေးကိုယ်တာအချက်အလက်များကို ထိုစက်ပစ္စည်းတွင် မသိမ်းဆည်းထားရန် စီစဉ်ခြင်းကဲ့သို့သော သင့်ကိုယ်သင်ကာကွယ်မည့်ခြေလှမ်းများကို လုပ်ဆောင်ပါ။.

သင်အသုံးမပြုသည် နှင့် မလိုအပ်သည့် အက်ပလီကေးရှင်းများကို ဖယ်ရှားပါ

အက်ပလီကေးရှင်းများနှင့် ပရိုဂရမ်များကို ဖယ်ရှားနည်းအား လေ့လာပါ(https://support.microsoft.com/en-us/windows/uninstall-or-remove-apps-and-programs-in-windows-10-4b55f974-2cc6-2d2b-d092-5905080eaf98)။
အကယ်၍ သင်သည် အက်ပလီကေးရှင်း သို့မဟုတ် ဝန်ဆောင်မှုတစ်ခုအား စက်အတွင်းမှ မဖယ်ရှားနိုင်ပါက ပိတ်ထားရန် ကြိုးစားနိုင်ပါသည်။
- Windows 11 တွင် အက်ပလီကေးရှင်းများအား ပိတ်နည်း ကို လေ့လာပါ။
- Windows 10 တွင် ကွန်ပျူတာဖွင့်ချိန်တွင် ပွင့်သော ဝန်ဆောင်မှုများအား ပိတ်ပင်နည်းအား လေ့လာပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

သင်အသုံးမပြုသောအက်ပ်များကို ဖယ်ရှားခြင်းသည် အားနည်းချက်ဖြစ်နိုင်ခြေရှိသည့် အက်ပ်အရေအတွက်ကို ကန့်သတ်ပေးသည်။ သင်အသုံးမပြုသောApp များသည် သင့်တည်နေရာကဲ့သို့ အခြားသူများနှင့် မမျှဝေလိုသည့် သင့်အကြောင်းအချက်အလက်များကိုလည်း ပေးပို့နိုင်ပါသည်။ အက်ပ်များကို သင်မဖယ်ရှားနိုင်ပါက ၎င်းတို့ကို အနည်းဆုံး သင် ပိတ်ရန် ကြိုးစားနိုင်မည်ဖြစ်သည်။

ကိုယ်ရေးကိုယ်တာအချက်အလက်များအပေါ် ကျင့်ဝတ်ကောင်းများဖြင့် ကိုင်တွယ်သော အက်ပလီကေးရှင်းများကို အသုံးပြုပါ

Firefoxကို အသုံးပြု၍ အင်တာနက်တွင် ရှာဖွေမှုများကို ပြုလုပ်နိုင်ပါသည်။
သင့်အီးမေးလ်များကို Thunderbirdကို အသုံးပြု၍ ဖတ်ရှုနိုင်ပါသည်။
[ဝင်းဒိုးတွင် အသုံးပြုရန် လိုအပ်သော အရာအားလုံးအတွက် အခမဲ့ ပွင့်လင်း ရင်းမြစ် ဆော့ဖ်ဝဲများ] ကို အသုံးပြုနိုင်ပါသည်။ ဆော့ဖ်ဝဲတစ်ခုကို အသုံးပြုသင့်မသင့်ကို ဆုံးဖြတ်နိုင်ရန် Security in a Box အနေနဲ့ အကြံပြုသည့် ကိရိယာများ နှင့် ဝန်ဆောင်မှုများကို မည်ကဲ့သို့ရွေးချယ်သနည်း တွင် လေ့လာနိုင်ပါသည်။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

ကိုယ်ရေးကိုယ်တာအချက်အလက်ကာကွယ်ရေး နှင့်လုံခြုံရေး ကိစ္စများ ရှိဖူးသော Microsoft Edge နှင့် Microsoft Office ကဲ့သို့ ဆော့ဖ်ဝဲများသည် သင်၏ ဝင်းဒိုးကွန်ပျူတာတွင် နဂိုပါဝင်တတ်ပါသည်။ထိုဆော့ဖ်ဝဲများအစား ကိုယ်ရေးကိုယ်တာအချက်အလက်ကာကွယ်ရေးကို ပိုမိုအလေးထားသော အက်ပလီကေးရှင်းများဖြင့်သာ အင်တာနက်တွင်ရှာဖွေမှုများပြုလုပ်ခြင်း၊ အီးမေးလ်များဖတ်ရှုခြင်းများအတွက် အသုံးပြုသင့်သည်။

ကိုယ်ရေးကိုယ်တာအချက်အလက်များအပေါ် ကျင့်ဝတ်ကောင်းများဖြင့် ကိုင်တွယ်သော အက်ပလီကေးရှင်းများကို ထည့်သွင်းပြီးသွားပါက နဂိုပါဝင်သော အက်ပလီကေးရှင်းများ နှင့် သင်အသုံးပြုရန် အစီအစဉ်မရှိသော အက်ပလီကေးရှင်းများကို [စက်ပစ္စည်းအတွင်းမှ ဖယ်ရှားခြင်း သို့မဟုတ် ပိတ်ပင်ခြင်း] (#remove-apps-that-you-do-not-need-and-do-not-use) ကို လုပ်နိုင်ပါသေးသည်။

သင့် အက်ပ် ၏ သဘောတူညီချက်ကို စစ်ဆေးပါ

သင်အသုံးပြုသည့်အက်ပ်များကိုသာ လုပ်ပိုင်ခွင့်များပေးထားခြင်းသေချာစေရန် အက်ပလီကေးရှင်းတစ်ခုချင်းစီ၏ လုပ်ပိုင်ခွင့်များကို စစ်ဆေးပါ။ သင် အသုံးမပြုသော အက်ပ်များတွင် သင် မသိသောအက်ပ်များကို အသုံးပြုသည့်အခါ သံသယဖြစ်ဖွယ်အဖြစ် ယူဆပြီး အောက်ပါခွင့်ပြုချက်များကို ပိတ်သင့်သည်:

တည်နေရာ
အဆက်အသွယ်များ
စာပို့ခြင်း
မိုက်ခရိုဖုန်း
အသံ သို့မဟုတ် စကား မှတ်သားမှု
(ဝက်ဘ်) ကင်မရာ
မျက်နှာပြင် (စခရင်) မှတ်တမ်းယူခြင်း
ဖုန်းခေါ်ဆိုမှုများ သို့မဟုတ် ဖုန်းခေါ်ဆိုမှုမှတ်တမ်းများ
ဖုန်း
ပြက္ခဒိန်
အီးမေးလ်
ဓာတ်ပုံပြတိုက်
ရုပ်ရှင်များ သို့မဟုတ် ဗီဒီယိုများနှင့် ၎င်းတို့၏ စာကြည့်တိုက်များ
လက်ဗွေရာဖတ်စက်
အီလက်ထရောနစ် စက်ပစ္စည်းများ တစ်ခုနှင့် တစ်ခု ကြား အနီးအနား ဆက်သွယ်မှု (NFC)
Bluetooth
ဝိုင်ဖိုင်
ကြိုးဖြင့်ချိတ်ဆက်မှုများ
၎င်းတွင် "disk အသုံးပြုခွင့်" "ဖိုင်များ" "ဖိုင်တွဲများ" သို့မဟုတ် "စနစ်" ပါသည့် မည်သည့်ဆက်တင်မျိုးမဆို
၎င်းတွင် "install" ပါသောမည်သည့် setting ကိုမဆို
မျက်နှာမှတ်သားမှု
အခြား App များကို ဒေါင်းလုပ်လုပ်ရန် ခွင့်ပြုသည်။

မိုက်ခရိုဆော့မိုက်ခရိုဆော့၏ အက်ပလီကေးရှင်းလုပ်ပိုင်ခွင့်များလမ်းညွှန်တွင် သင့်အက်ပလီကေးရှင်း၏ ချိန်ညှိမှုများ နှင့် အက်ပလီကေးရှင်းအားပေထားသော လုပ်ပိုင်ခွင့်တစ်ခုချင်းစီအကြောင်းကို လေ့လာပါ။

သင်အသုံးပြုသော အက်ပလီကေးရှင်းများသာ အောက်ပါ လုပ်ပိုင်ခွင့်များကို အသုံးပြုခွင့်ရှိခြင်းအား သေချာစေပါ :
အကောင့်အချက်အလက်
လှုပ်ရှားမှု
ရေဒီယိုများ
တာဝန်များ

အထက်ဖော်ပြပါ ခွင့်ပြုချက်များကို စစ်ဆေးခြင်းအပြင် ၎င်းခွင့်ပြုချက်များကို သင်တွေ့ပါက အောက်ပါတို့အတွက် ခွင့်ပြုချက်များကို ပိတ်ပါ။

elevation ကို ခွင့်ပြုပါ။
အထူးပြုထားသော အက်ပ်
ထုပ်ပိုးထားသောဝန်ဆောင်မှုများ
ပက်ကေ့ချ်တွင် သက်ဆိုင်ရာကဏ္ဏကို ရေးသားဖော်ပြထားပါသည်
ရုပ်ဝတ္ထု အရင်းအမြစ်များ

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

သင့်တည်နေရာ၊ မိုက်ခရိုဖုန်း၊ ကင်မရာ သို့မဟုတ် စက်ချိန်ညှိမှုများကဲ့သို့သော အရေးကြီးသော ဒစ်ဂျစ်တယ်အသေးစိတ်အချက်အလက်များ သို့မဟုတ် ဝန်ဆောင်မှုများကို အသုံးပြုသည့်အက်ပ်များသည်လည်း အချက်အလက်များ ပေါက်ကြားနိုင်သည် သို့မဟုတ် တိုက်ခိုက်သူများ အသုံးချခံရနိုင်သည်။ ထို့ကြောင့် ဝန်ဆောင်မှုတစ်ခုအား အသုံးပြုရန် အက်ပ်တစ်ခုမလိုအပ်ပါက၊ အဆိုပါခွင့်ပြုချက်ကို ပိတ်ပါ။

တည်နေရာကိုပိတ်ပြီးမှတ်တမ်းကိုဖျက်ပါ။

သင့်စက်တစ်ခုလုံးနှင့် အက်ပ်တစ်ခုချင်းအတွက်ပါ ၎င်းတို့ကို အသုံးမပြုသည့်အခါတွင် တည်နေရာဝန်ဆောင်မှုများကို အလုံးစုံပိတ်သည့်အလေ့အကျင့်ကို ရယူပါ။
သင့်တည်နေရာကို ဖွင့်ထားပါက တည်နေရာမှတ်တမ်းကို ပုံမှန်စစ်ဆေးပြီး ရှင်းလင်းပါ။
တည်နေရာပြဝန်ဆောင်မှုများမည်ကဲ့သို့ အလုပ်လုပ်သည် နှင့် မည်ကဲ့သို့ ပိတ်ထားရမည်အား လေ့လာပါ။
အကယ်၍ Google Map ကို အသုံးပြုပါက တည်နေရာမှတ်တမ်းများကို ပုံမှန်စစ်ဆေးပြီး ရှင်းလင်းပါ။ ယခင်တည်နေရာမှတ်တမ်းကို ဖျက်ပြီး ၎င်းကို သတ်မှတ်ဖို့အတွက် Google Maps မှ သင့်တည်နေရာလုပ်ဆောင်ချက်ကို မသိမ်းဆည်းနိုင်စေရန်၊ ညွှန်ကြားချက်များကို လိုက်နာပါ (https://support.google.com/accounts/answer/3118687?#delete) နှင့်(https://support.google.com/maps/answer/3137804)။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

ကျွန်ုပ်တို့၏စက်ပစ္စည်းအများအပြားသည် ကျွန်ုပ်တို့အသုံးပြုနေသည့်နေရာ၊ ဂြိုလ်တုတည်နေရာသတ်မှတ်ရေးစနစ်၊ ဆဲလ်ဖုန်းတာဝါတိုင်များ သို့မဟုတ် ချိတ်ဆက်နေသည့် Wi-Fi တို့ကို အမြဲမပြတ်ခြေရာခံတတ်ပါသည်။ သင့်စက်ပစ္စည်းသည် သင်၏ရုပ်ပိုင်းဆိုင်ရာတည်နေရာကို မှတ်တမ်းတင်ထားပါက၊ တစ်စုံတစ်ဦးသည် သင့်အား ရှာဖွေတွေ့ရှိနိုင်စေရန် သို့မဟုတ် ထိမှတ်တမ်းကို အသုံးပြုပြီး သင်နေရာတစ်ခုအားရောက်ရှိနေခဲ့သည်ဆိုသည်ကို သက်သေပြခြင်းမျိုး လုပ်ဆောင်နိုင်ပါသည်။ သို့မဟုတ် သင်နှင့် တစ်ချိန်တစ်နေရာတည်း အတူတူရှိနေသည့်သူများ နှင့် သင်နှင့် ပတ်သက်ဆက်နွယ်ခြင်းကိုပြသရန် အဆိုပါမှတ်တမ်းကို အသုံးပြုနိုင်သည်။

သင့်စက်များတွင် သီးခြားအသုံးပြုသည့်အကောင့်များ ဖန်တီးပါ။

သင့်ဝင်းဒိုးကွန်ပျူတာအား အသုံးပြုနေစဉ်အတွင်း မိုက်ခရိုဆော့အား မျှဝေရသော အချက်အလက်များ၏ ပမာဏကို လျှော့ချရန် မိုက်ခရိုဆော့အကောင့်ကိုသုံးမည့်အစား စက်အတွင်းအသုံးပြုသူအကောင့်ကိုအသုံးပြုရန် ကျွန်ုပ်တို့ အကြံပြုပါသည်(https://support.microsoft.com/en-us/windows/manage-user-accounts-in-windows-104dc19f-6430-4b49-6a2b-e4dbd1dcdf32) (သင့်ကွန်ပျူတာတွင်ပါဝင်သောအကောင့်)။ထိုသို့လုပ်ဆောင်ပါက သင်သည် စက်ပစ္စည်းများအချင်းချင်း ဒေတာမျှဝေနိုင်မည်မဟုတ်ကြောင်း သတိပြုပါ။
- ကွန်ပျူတာအကောင့်တစ်ခု ဖန်တီးရန်အတွက် Settings > Accounts > Other Users သို့သွား၍ နှိပ်၍ အကောင့်တစ်ခု ထပ်ထည့်ပါ။ ထို့နောက် "I don't have this person's sign-in information" ကို နှိပ်ပါ။ နောက်ဆုံးတွင် "Add a user without a Microsoft account" ကို ရွေးချယ်ပါ။
စီမံခန့်ခွဲမှုအခွင့်ရရှိသည့်အသုံးပြုသူနှင့် စီမံခန့်ခွဲမှုအခွင့်မရရှိသည်အခြားတစ်ဉီးထားရှိခြင်းဖြင့် သင့်စက်ပစ္စည်းပေါ်တွင် အသုံးပြုသူတစ်ဦးထက်ပိုသော အကောင့်များကို ဖန်တီးပါ။
- သင်တစ်ဦးတည်းသာစီမံခန့်ခွဲသည့်အကောင့်ဝင်ခွင့်ရှိရမည်ဖြစ်သည်။
- ပုံမှန်အကောင့်များကို သင့်စက်ပစ္စည်းပေါ်ရှိ အက်ပ်၊ ဖိုင် သို့မဟုတ် ဆက်တင်တိုင်းကို ဝင်ရောက်ခွင့်မပြုသင့်ပါ။
သင်၏နေ့စဉ်အလုပ်အတွက် ပုံမှန်အကောင့်တစ်ခုကို အသုံးပြုရန် စဉ်းစားပါ
- ဆော့ဖ်ဝဲလ်ထည့်သွင်းခြင်းကဲ့သို့ သင့်စက်ပစ္စည်းလုံခြုံရေးကို ထိခိုက်စေသည့် အပြောင်းအလဲများပြုလုပ်ရန် လိုအပ်မှသာ စီမံခန့်ခွဲသူအကောင့်ကို အသုံးပြုပါ။
- ပုံမှန်အကောင့်ကို နေ့စဉ်အသုံးပြုခြင်းဖြင့် သင့်စက်ပစ္စည်းသည် သူခိုးဆော့ဖ်ဝဲ၏ လုံခြုံရေးခြိမ်းခြောက်မှုများနှင့် ထိတွေ့နေရခြင်းကို တားဆီးနိုင်သည်။
- နယ်စပ်ဖြတ်ကျော်သည့်အခါ "ခရီးသွားလျှင်အသုံးပြုသည့်" အကောင့်ဖွင့်ထားခြင်းဖြင့် သင်၏ပိုမိုထိခိုက်လွယ်သောဖိုင်များကို ဝှက်ထားနိုင်မည်ဖြစ်သည်။ ဤနယ်ခြားအာဏာပိုင်များသည် သင့်စက်ပစ္စည်းကို စေ့စေ့စပ်စပ်ရှာဖွေရန် သိမ်းယူမည်လား သို့မဟုတ် သင့်အား ဖိအားပေး၍ အကောင့်များဝင်ခိုင်းကာ စစ်ဆေးမှုများပြုလုပ်မည်လား ဆိုသည်ကို သင်ကိုယ်တိုင်အကဲခတ်ပြီး အသုံးပြုပါ။ စစ်ဆေးသူတို့သည် သင့်စက်ပစ္စည်းအတွင်းသို့ နက်ရှိုင်းစွာကြည့်ရှုမည်မဟုတ်ဟု မျှော်လင့်ပါက၊ အထိခိုက်မခံသောအလုပ်အတွက် ပုံမှန်အကောင့်ကိုအသုံးပြုခြင်းသည် သင့်အနေဖြင့် ငြင်းဆိုနိုင်မှုအချို့ကို ပေးဆောင်နိုင်သည်။
ဝင်းဒိုးတွင် user account များကို စီမံခန့်ခွဲနည်းကို လေ့လာပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

ထိလွယ်ရှလွယ် အလုပ်အတွက် သင်အသုံးပြုသည့် စက်များကို အခြားမည်သူနှင့်မျှ မျှဝေခြင်းမပြုရန် ကျွန်ုပ်တို့ အလေးအနက် အကြံပြုအပ်ပါသည်။ သို့သော်၊ သင်သည် သင်၏စက်ပစ္စည်းများ နှင့် အရေးကြီးသော အချက်အလက်များကို လုပ်ဖော်ကိုင်ဖက် သို့မဟုတ် မိသားစုနှင့် မျှဝေရမည်ဆိုပါက သင်၏ အရေးကြီးသောဖိုင်များ နှင့် လုပ်ပိုင်ခွင့်များကို အခြားသူများမရရှိအောင်ကာကွယ်ထားနိုင်ရန် သီးခြားအကောင့်များကို သင့်စက်ပစ္စည်းပေါ်တွင် ထားရှိခြင်းဖြင့် အရေးကြီးသော အချက်အလက်များကို ပိုမိုကောင်းမွန်စွာ ကာကွယ်နိုင်ပါသည်။

သင့်စက်နှင့်ဆက်နွယ်နေသည့်မလိုအပ်သောအကောင့်များကိုဖျက်ပါ

အသုံးပြုသူအကောင့်များအား မည်ကဲ့သို့ ဖယ်ရှားရမည်အား ဝင်းဒိုးတွင် အသုံးပြုသူအကောင့်များအား စီမံခန့်ခွဲနည်းလမ်းညွှန် ၏"Remove a user account" အပိုင်းတွင် လေ့လာပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

အကယ်၍ သင်သည် သင့်စက်ကို အခြားသူတစ်ဦးမှ ဝင်ရောက်မကြည့်ရှုစေလိုပါက၊ ထပ်တိုး "တံခါး" ကို သင့်စက်ပေါ်တွင် ဖွင့်၍မထားခဲ့ခြင်းက ပိုကောင်းပါသည် (၎င်းကို "သင်၏တိုက်ခိုက်မှုမျက်နှာပြင်ကို လျှော့ချခြင်း" ဟုခေါ်သည်)။ ထို့အပြင် သင့်စက်ပစ္စည်းနှင့်ဆက်စပ်နေသည့်အကောင့်များကို စစ်ဆေးခြင်းသည် သင့်မသိဘဲ သင့်စက်ထဲသို့ ထည့်သွင်းထားသော အကောင့်များကို ဖော်ပြနိုင်သည်။

သင့်စက်နှင့်ချိတ်ဆက်ထားသော အကောင့်များကို လုံခြုံအောင်ထားပါ။

သင့်စက်နှင့်ချိတ်ဆက်ထားသည့် မိုက်ကရိုဆော့အကောင့်များကို မည်ကဲ့သို့လုံခြုံအောင်လုပ်မည်ကို ကြည့်ပါ။
သံသယဖြစ်ဖွယ်ရာကောင်းသည်များမရှိခြင်းအား သေချာစေရန် သင့်အကောင့်၏ မကြာသေးခင်အချိန်က လှုပ်ရှားမှုများကို ကြည့်ပါ။
သင့်စက်ပစ္စည်း နှင့် ချိတ်ဆက်မှုရှိနေသာ တခြားအကောင့်များအား စစ်ဆေးရန် ဆိုရှယ်မီဒီယာအကောင့်အပိုင်းကိုလည်းကြည့်ပါ။
သင်စွန့်ပစ်ထားသော၊ ထိန်းချုပ်မထားသော သို့မဟုတ် သင်မမှတ်မိသော စက်ပစ္စည်းများတွင် သံသယဖြစ်ဖွယ်တစ်စုံတစ်ရာတွေ့ပါက ၎င်းအကောင့်လုပ်ဆောင်ချက်ကို screenshot ရိုက်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

စက်အများစုတွင် ဝင်းဒိုးကွန်ပျူတာများနှင့် မိုက်ခရိုဆော့ အကောင့်များရှိသလို ၎င်းတို့နှင့် ဆက်စပ်နေသော အကောင့်များလည်း ရှိတတ်သည်။ တစ်ကြိမ်တွင် စက်တစ်ခုထက်ပို၍ အကောင့်ဝင်နိုင်သည် (သင့်ဖုန်း၊ လက်ပ်တော့၊ နှင့် သင့် ဂိမ်းစက် စသည်ဖြင့်)။ အကယ်၍ သင့်အကောင့်ကို မဝင်ရောက်သင့်သည့်အခြားသူတစ်ဦးမှ ဝင်ရောက်သုံးစွဲခြင်းရှိလျှင် ဤနေရာသည် သင်မြင်နိုင်ပြီး ၎င်းကို ရပ်တန့်နိုင်သည့်နေရာဖြစ်သည်။

သင်၏ အသုံးပြုသူအကောင့် နှင့် ကွန်ပျူတာအား ခိုင်မာအားကောင်းသော စကားဝှက်နှင့် ကာကွယ်ပါ

စကားဝှက်တို သို့မဟုတ် နံပါတ် မဟုတ်ဘဲ ရှည်လျားသော စကားဝှက်တစ်ခု(အနည်းဆုံး အက္ခရာ 10 လုံး) ကို အသုံးပြုပါ။
သင့်စကားဝှက်ကို ပြောင်းလဲရန်နည်းလမ်းကို လေ့လာရန် ဝင်းဒိုး၏ အကောင့်ဝင်ရန် ရွေးချယ်စရာများနှင့် ကာကွယ်ရေးလမ်းညွှန် ကို ကြည့်ပါ။
Windows Hello ကို ပိတ်ထားကြောင်း သေချာစေပါ။
သင့်လက်ဗွေ၊ မျက်နှာ၊ မျက်လုံး သို့မဟုတ် အသံကို သင့်ကွန်ပျူတာ ( ဉပမာ Windows Hello ဖြင့် ) လော့ခ်ဖွင့်သည့်စနစ်ပြုလုပ်ထားခြင်းသည် သင့်အား အင်အားသုံး၍ ဖွင့်ခိုင်းနိုင်သည်။ သင့်တွင် စာရိုက်ရန်အဆင်မပြေလောက်သည့် မသန်စွမ်းခြင်းမရှိပါက ဤရွေးချယ်စရာများကို မသုံးပါနှင့်။
- လက်ဗွေရာ၊ မျက်နှာသွင်ပြင် နှင့် မျက်ကြည်လွှာများကို သင့်စက်အတွင်းသို့ ထည့်သွင်းပြီးသားဖြစ်ပါက ဖယ်ရှားပါ။ Window Hello ကို ပိတ်၍ သင့်၏ဇီဝဆိုင်ရာအချက်အလက်များအား မည်ကဲ့သို့ ဖယ်ရှားရမည်ဆိုသည်ကို "Windows Hello" ဝင်းဒိုးအား အကောင့်ဝင်ရန် ရွေးချယ်စရာများအတွက် "Windows Hello" ၏ လမ်းညွှန်အပိုင်းတွင် လေ့လာပါ။
Windows 10 တွင် "Require sign-in" ကိုဖွင့်ပြီး လော့ခ်ချချိန်ကို သတ်မှတ်ပါ။
Windows 11 တွင် "If you've been away, when should Windows require you to sign in again?" ဘေးမှ "When PC wakes up from sleep" ကို ရွေးချယ်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

နည်းပညာဆိုင်ရာ တိုက်ခိုက်မှုများသည် သင့်အတွက် အကြီးမားဆုံး စိုးရိမ်စရာဖြစ်တတ်သော်လည်း သင့်စက်ပစ္စည်းကို သိမ်းဆည်းခံရခြင်း သို့မဟုတ် ခိုးယူခံရပြီး တစ်စုံတစ်ဦးမှ ဖောက်ထွင်းခံရခြင်းက ဖြစ်နိုင်ခြေပိုများပါသည်။ ထို့ကြောင့် သင်၏ အသုံးပြုသူအကောင့်ကို ခိုင်မာအားကောင်းသော စကားဝှက်ဖြင့်ကာကွယ်ထားခြင်းသည် အဆင်ပြေပါသည်။ ထိုသို့ကာကွယ်ထားခြင်းဖြင့် သင့်စက်ပစ္စည်းအား ဖွင့်ပြီး စကားဝှက်အတိုတစ်ခုလောက် ခန့်မှန်းလိုက်ရုံနဲ့ ဝင်လို့မရနိုင်အောင် ကာကွယ်ပေးပါသည်။

စကားဝှက်များမှလွဲ၍ အခြား စခရင်လော့ခ်ချရွေးချယ်မှုများကို ကျွန်ုပ်တို့ မအကြံပြုပါ။ ဖမ်းဆီးခြင်း၊ ထိန်းသိမ်းခြင်း သို့မဟုတ် ရှာဖွေခံရပါက သင်၏မျက်နှာ၊ အသံ၊ မျက်လုံး သို့မဟုတ် လက်ဗွေဖြင့် သင့်စက်ပစ္စည်းကို အလွယ်တကူ လော့ခ်ဖွင့်ရန် ခိုင်းစေနိုင်သည်။ သင့်စက်ကို ၎င်းတို့ဘက်ရှိလူတစ်ဦးဦးက စကားဝှက်တိုများ သို့မဟုတ် ပင်နံပါတ်များကို ခန့်မှန်းရန် ဆော့ဖ်ဝဲကို အသုံးပြုနိုင်သည်။ အကယ်၍ သင်သည် လက်ဗွေသော့ခတ်ခြင်းကို ပြုလုပ်ထားပါက စကရင်ပေါ်တွင်အမှုန့်များဖြူးကာ သင့်လက်ဗွေရာအားရယူပြီး သင့်စက်ပစ္စည်းကို လော့ခ်ဖွင့်ရန် သင့်လက်ချောင်းအတုဗားရှင်းကို ပြုလုပ်နိုင်မည်ဖြစ်သည်။ အလားတူ ဟက်ခ်ခြင်းများဖြစ်သည့် မျက်နှာဖြင့် လော့ခ်ဖွင့်ခြင်းကို သရုပ်ဖော်ပြထားသည်။

ထို့ကြောင့် ရှည်လျားသော စကားဝှက်ထားခြင်းသည် သင်၏ အသုံးပြုသူအကောင့် နှင့် ကွန်ပျူတာကို ကာကွယ်ရန် စိတ်အချရဆုံးနည်းလမ်းဖြစ်သည်။

သင့်ဖုန်းမျက်နှာပြင်အား ပိတ်ပြီး လော့ခ်ချထားပါ

သင်အသုံးမပြုတော့သည့် အချိန်ခဏအကြာတွင် သင့်စက်ပစ္စည်း၏ စကရင်ကို ပိတ်အောင် ပြုလုပ်ထားပါ(၅ မိနစ်က ကောင်းပါသည်)။
သင့်စက်မှထွက်ခွာသွားသောအခါတွင် သင့်စခရင်ကို ပိတ်ရန် Windows Logo Key + L ကိုနှိပ်သည့်အလေ့အကျင့်ကို ကျင့်သုံးပါ။

သင့်စက်လော့ခ်ချထားချိန်တွင် မြင်နိုင်သောအရာများကို ထိန်းချုပ်ပါ။

သင့်စက်ပစ္စည်းလော့ခ်ချထားသောအခါတွင် အကြောင်းကြားချက်များ ပေါ်လာခြင်းကို ပိတ်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

ခိုင်မာသော မျက်နှာပြင်လော့ခ်သည် သင့်စက်ပစ္စည်းအား ခိုးယူခံရပါက သို့မဟုတ် သိမ်းဆည်းခံရပါက အကာအကွယ်အချို့ကို ပေးပါလိမ့်မည်။ သို့သော် သင့်လော့ခ်မျက်နှာပြင်တွင် ပေါ်လာသည့် အကြောင်းကြားချက်များကို မပိတ်ပါက သင့်အဆက်အသွယ်များက စာတိုများပေးပို့သည့်အခါနှင့် အီးမေးလ်အသစ်များသင်လက်ခံသည့်အခါတွင် အချက်အလက်များပေါက်ကြားနိုင်ပြီး သင့်စက်ပစ္စည်းအား လက်ဝယ်ရရှိနေသည့် မည်သူမဆို မြင်တွေ့နိုင်မည်ဖြစ်သည်

အသံဖြင့် ထိန်းချုပ်ခြင်းလုပ်ဆောင်မှုကို ဖွင့်ထားမိခြင်းမရှိရန် သေချာစေပါ

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

Voice Access သို့မဟုတ် Copilot ကဲ့သို့ အသံဖြင့် စက်ပစ္စည်းကို ထိန်းချုပ်စေခိုင်းနိုင်သော လုပ်ဆောင်မှုကို သင့်စက်အတွင်းတွင် အသုံးပြုပါက ထိုလုပ်ဆောင်မှုစနစ်ကို ဖွင့်ထားချိန်တလျောက်တွင် သင့်အား ဆက်တိုက်နားထောင်နေပါလိမ့်မည်။ ထိုအရာသည် တစ်စုံတစ်ဦးမှ သင့်စက်ပစ္စည်းအတွင်းသို့ ကုဒ်များ ထည့်သွင်းကာ စက်ပစ္စည်းက ကြားရသည်များကို ဖမ်းယူနားထောင်ခြင်းမျိုး ဖြစ်စေနိုင်ပါသည်။

အသံတုခြင်းမှ ဖြစ်နိုင်ချေရှိသည့် အန္တရာယ်ကိုလည်း ထည့်သွင်းစဉ်းစားရန် အရေးကြီးပါသည် : သင့်အား တစ်ဦးဦးမှ အသံသွင်းကာ သင့်ကွန်ပျူတာအား သင့်ခွင့်ပြုချက်မရှိပဲ ထိန်းချုပ်ရန် အသုံးပြုနိုင်သည်။

သင့်တွင် စာရိုက်ရန် သို့မဟုတ် အခြားထိန်းချုပ်မှုများကို အသုံးပြုရန် ခက်ခဲစေသော မသန်စွမ်းမှုတစ်ခုရှိပါက၊ လိုအပ်သော အသံဖြင့်ထိန်းချုပ်မှုများကို သင်ရှာဖွေနိုင်ပါသည်။ ၎င်းတို့ကို ပိုမိုလုံခြုံစွာတပ်ဆင်နည်းအတွက် လမ်းညွှန်ချက်များကို ဤအပိုင်းတွင် ရယူနိုင်ပါသည်။ သို့သော်၊ သင်သည် ဤအကြောင်းကြောင့် အသံထိန်းချုပ်မှုများကို အသုံးမပြုပါက၊ ၎င်းတို့ကို ပိတ်ထားခြင်းက ပိုမိုလုံခြုံပါသည်။

သင့်ဖန်သားပြင်ကို အခြားသူများမမြင်နိုင်အောင် တားဆီးပေးသည့် ရုပ်ပိုင်းဆိုင်ရာ ကိုယ်ရေးကိုယ်တာ စစ်ထုတ်မှုကို အသုံးပြုပါ။

ယခုအကြောင်းအရာနှင့်ပတ်သက်၍ ပိုများသော အချက်အလက်များအတွက် ကိုယ်ရေးကိုယ်တာကာကွယ်ရေးအတွက်အသုံးပြုသော ဇကာများအတွက် Security Planner လမ်းညွှန်ကို ကြည့်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

ကျွန်ုပ်တို့၏ ဒစ်ဂျစ်တယ်လုံခြုံရေးတိုက်ခိုက်ခံရခြင်းများကို အဆင့်မြင့်နည်းပညာပိုင်းအနေဖြင့် ထင်မြင်နေသော်လည်း၊ လူ့အခွင့်အရေးကာကွယ်သူအချို့သည် ၎င်းတို့၏ အချက်အလက်များ ခိုးယူခံရခြင်း သို့မဟုတ် တစ်စုံတစ်ယောက်သည် ၎င်းတို့၏စခရင်ကို အပေါ်မှချောင်းကြည့်ပြီး သို့မဟုတ် လုံခြုံရေးကင်မရာကို အသုံးပြုကြည့်ရှုပြီး ၎င်းတို့၏အကောင့်များကို အခိုးခံရကြောင်း လေ့လာသိရှိရသည်မှာ အံ့အားသင့်စရာဖြစ်နိုင်ပါသည်။ကိုယ်ရေးကိုယ်တာကာကွယ်သည့်မှန်တစ်ခုက နောက်ကစောင့်ကြည့်ရန်လုပ်ဆောင်နေသူတို့ကို အောင်မြင်နိုင်ခြေနည်းစေသည်။ ၎င်းတို့ကို စက်နှင့်ဆက်စပ်သည့်ပစ္စည်းများရှိသည့်နေရာတိုင်းတွင် ရှာကြည့်နိုင်သည်။

ကင်မရာအကာ ကို အသုံးပြုပါ

ပထမဆုံးအနေနှင့် သင့်စက်တွင် ကင်မရာများ မည်သည့်နေရာတွင်ရှိ၊ မရှိကို ရှာဖွေပါ။ သင့်စက်တွင်တပ်ဆင်ထားသည့်ကင်မရာအပြင် သင့်စက်တွင်ထည့်သွင်းထားသည့် ကင်မရာတစ်လုံးကိုပါ အသုံးပြုပါက သင့်ကွန်ပျူတာတွင် ကင်မရာတစ်ခုထက်ပို၍ ရှိနိုင်ပါသည်။
နည်းပညာနိမ့် ကင်မရာအဖုံး - သင့်ကင်မရာအပေါ်တွင် ကပ်ခွာပတ်တီးငယ်ကို အသုံးပြုကာ ပိတ်ထားပြီး ကင်မရာကို အသုံးပြုရန် လိုအပ်သည့်အခါ ၎င်းကို ရွှေ့၍ အသုံးပြုနိုင်ပါသည်။ အလယ်အပိုင်းသည် ကော်မပါသောကြောင့် ကင်မရာမှန်မျက်နှာပြင်ကို စေးကပ်ခြင်းမရှိသည့်အတွက် ပတ်တီးသည် စတစ်ကာထက် ပိုကောင်းပါသည်။
တခြားနည်းလမ်းအနေဖြင့် သင့်စက်ပစ္စည်းအတွက် အသင့်တော်ဆုံးသောကင်မရာဘေးဆွဲအကာကို ရှာဖွေရန် သင့်ကွန်ပျူတာ၏ အမျိုးအစား နှင့် ကွန်ပျူတာကင်မရာအကာပါး အတွက် အကြိုက်တွေ့သော ဆိုင်ကိုလည်း ရှာဖွေနိုင်ပါတယ်။
အကယ်၍ သင့်တွင် စီမံခန့်ခွဲသူလုပ်ပိုင်ခွင့်ရှိပါက သင်၏ ကင်မရာများအား ပိတ်ထားခြင်းကို ထည့်သွင်းစဉ်းစားနိုင်ပါသည်။
- Windows 11 တွင် သင့်ကင်မရာအား မည်ကဲ့သို့ ပိတ်ပင်ရမည်အား လေ့လာပါ။
- Windows 10 တွင် သင်၏ ကင်မရာအား မည်သို့ပိတ်ထားရမည်ကို ကင်မရာအားအသုံးပြုနည်းလမ်းညွှန်၏ "Turn off the camera" အပိုင်းတွင် လေ့လာပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

သင့်အား၊ သင့်ပတ်ဝန်းကျင်ရှိလူများ၊ သို့မဟုတ် သင်ရှိနေသောနေရာကို စူးစမ်းရန် အန္တရာယ်ရှိသောဆော့ဖ်ဝဲများသည် သင်မသိဘဲ သင့်စက်တွင်ရှိသော ကင်မရာကိုဖွင့်ပါလိမ့်မည်။

သင်အသုံးမပြုပါက လိုင်းချိတ်ဆက်မှုကိုပိတ်ထားပါ။

ညဘက်တွင်သင့်စက်များကို လုံးဝပိတ်ထားပါ။
Wi=Fi ၊ ဘလူးတုရှ်နှင့် ကွန်ရက်မျှဝေခြင်းကို အသုံးမပြုပါက ပိတ်သည့်အလေ့အကျင့်ကိုပြုလုပ်ပါ။
Airplane mode သည် သင့်ကွန်ပျူတာ၏ ချိန်ဆက်မှုကို အမြန်ပိတ်နိုင်သည့် နည်းလမ်းတစ်ခုဖြစ်ပါသည်။ ဝိုင်ဖိုင်၊ ဆယ်လူလာ၊ ဘလူးတုရှ် နှင့် Near Field Communication (NFC)ကဲ့သို့ ကြိုးမဲ့ချိတ်ဆက်မှုများအားလုံးအား ပိတ်နိုင်ရန် Airplane mode ကို မည်သို့ဖွင့်မည်ကို မိုက်ခရိုဆော့မှ ထောက်ပံ့ထားသည့် Airplane mode ဖွင့်နည်း နှင့် ပိတ်နည်းလမ်းညွှန်တွင်လေ့လာပါ။
သင်ယုံကြည်သည့်နေရာရှိ (သင့်အိမ် သို့မဟုတ် ရုံး) ကွန်ရက်တစ်ခုသို့ ချိတ်ဆက်သည့်အခါ [၎င်းကို "ပုဂ္ဂလိကပိုင်" ဟု သတ်မှတ်ပြီး အများသူငှာ ကွန်ရက်များ (ကော်ဖီဆိုင်များ၊ အလုပ်ခွင်များ စသည်) တို့ကို "အများပြည်သူသုံး" အဖြစ် သတ်မှတ်ပါ (https://support.microsoft .com/windows/make-a-wi-fi-network-public-or-private-in-windows-10-0460117d-8d3e-a7ac-f003-7a0da607448d)။
ဘလူးတုရှ်အား ပိတ်ထားကြောင်းသေချာပါစေ။
သင့်စက်ပစ္စည်းသည် အခြားသူတစ်ဦးအား အင်တာနက်ချိတ်ဆက်မှု မပေးနေကြောင်း သေချာပါစေ။ သင်၏ ဝင်းဒိုးကွန်ပျူတာအား မိုဘိုင်းဟော့စပေါ့တစ်ခုအဖြစ်အသုံးပြုခြင်းလမ်းညွှန်အားဖတ်ရှုပြီး ယခုချိန်ညှိမှုအား မည်သို့ပိတ်ရမည်ကို လေ့လာပါ။
Wi-Fi ကို ပိတ်ရန်:
- Windows 11 တွင် Settings > Network & internet သို့သွား၍ wifi ခလုတ်ကို ပိတ်ပါ။
- Windows 10 တွင် Settings > Network & internet > WiFi သို့သွား၍ Wi-Fi ခလုတ်ကို ပိတ်ထားပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

Wi-Fi၊ NFC နှင့် ဘလူးတုရှ်ကဲ့သို့ ကြိုးမဲ့ဆက်သွယ်မှုများအားလုံးသည် ကွန်ရက်များ၏ အားနည်းချက်များကို ရှာဖွေဖောက်ထွင်းကာ ထိရှလွယ်သော အချက်အလက်များ နှင့် ကျွန်ုပ်တို့ စက်ပစ္စည်းများကို ရရှိအောင် ကြိုးစားနိုင်သည့် ကျွန်ုပ်တို့အနီးက တိုက်ခိုက်သူများ၏ တိုက်ခိုက်မှုကို ခံရနိုင်သည်။

သင့်စက်၏ ဘလူးတုရှ်သို့မဟုတ် Wi-Fi ချိတ်ဆက်မှုကို ဖွင့်လိုက်သောအခါ သင့်စက်ပစ္စည်းသည် သင် ယခင်က ချိတ်ဆက်ထားခဲ့သော မည်သည့် wifi ကွန်ရက်ကိုမဆို ရှာဖွေရန် ကြိုးစားပါသည်။ အခြေခံအားဖြင့်၊ ၎င်းသည် ၎င်းနှင့်ချိတ်ဆက်ရန်ရနိုင်ခြင်းရှိမရှိကြည့်ရှုရန် ၎င်း၏စာရင်းရှိကွန်ရက်တိုင်း၏အမည်များကို သိရှိရန်ကြိုးစားပါသည်။ အနီးနားတွင်ရှိသော စောင့်ကြည့်နေသူတစ်ဦးသည် သင့်စက်ပစ္စည်းကို ကို သိရှိရန် ဤရှာဖွေမှုကို သုံးနိုင်သည်။ အကြောင်းမှာ သင့်စက်ပစ္စည်း သို့မဟုတ် ကွန်ရက်စာရင်းသည် အများအားဖြင့် တခြားအရာများနှင့် မတူပဲ ကွဲပြားမှု ရှိပါသည်။ ဤလက်ဗွေနှင့်တူသော သင်မှန်းသိသာစေသောအရာများသည် သင့်ဧရိယာအတွင်ရှိ စောင့်ကြည့်နေသူတစ်ဦးအတွက် သင့်စက်ပစ္စည်းကို ပစ်မှတ်ထားရန် သို့မဟုတ် သင်ရောက်ရှိခဲ့သည့်နေရာကို ဖော်ထုတ်ရန် လွယ်ကူစေသည်။

ထို့ကြောင့် အထူးသဖြင့် wifi နှင့် Bluetooth တို့ကိုအသုံးမပြုသည့်အခါ ဤချိတ်ဆက်မှုများကို ပိတ်ခြင်းသည် အကြံကောင်းဖြစ်ပါသည်။ ၎င်းသည် တိုက်ခိုက်သူက သင့်စက်ပစ္စည်းပေါ်တွင် ထူးဆန်းစွာဖြစ်ပျက်နေသည်ကို သင်သတိမထားမိစေဘဲ သင်၏အဖိုးတန်ပစ္စည်းများကို ဝင်ရောက်ရန်လုပ်ဆောင်နိုင်သည့်အချိန်ကို တားမြစ်သည်။

သင်သိမ်းဆည်းထားသော wifi ကွန်ရက်များကို ရှင်းလင်းပါ

သင့်စက်၏ကွန်ရက်များစာရင်းတွင်မှတ်ထားမည့်အစား ကွန်ရက်အမည်များနှင့် စကားဝှက်များကို သင့် စကားဝှက်မန်နေဂျာတွင် သိမ်းဆည်းပါ။
အကယ်၍ သင်သာ ကွန်ရက်အမည်များ နှင့် စကားဝှက်များကို သိမ်းထားသော Wi-Fi ကွန်ရက်များစာရင်းအတွင်းတွင် သိမ်းထားပါက သေချာဖို့လိုသည်မှာ :
- သင်သိမ်းဆည်းထားသော ကွန်ရက်များအား အလိုအလျောက်ချိတ်ဆက်ခြင်းမရှိစေရန် : Taskbar ရှိ Wi-Fi ကို နှိပ်ရာတွင် မြင်ရသည့် ကွန်ရက်များစာရင်းထဲတွင် သင်ချိတ်ဆက်ဖူးသော ကွန်ရက်ကို ညာခလုတ်နှိပ်၍ "Connect automatically" ကို အမှန်ခြစ်ဖြုတ်ပါ။
- ဆက်လက်အသုံးပြုခြင်းမရှိတော့သော သိမ်းထားဖူးသည့် Wi-Fi ကွန်ရက်များအား ပုံမှန်ဖြုတ်သည့် အလေ့အထကို မွေးမြူပါ။ သိမ်းထားဖူးသည့် Wi-Fi ကွန်ရက်များအား မည်ကဲ့သို့ ဖျက်ရမည်ကို လေ့လာပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

Wi-Fi ချိတ်ဆက်မှုကို ဖွင့်လိုက်သောအခါ၊ သင်စက်ပစ္စည်းသည် သင် ယခင်က ချိတ်ဆက်ထားခဲ့သော မည်သည့် Wi-Fiကွန်ရက်ကိုမဆို ရှာဖွေရန် ကြိုးစားသည်။ အခြေခံအားဖြင့်၊ ၎င်းသည် ၎င်းနှင့်ချိတ်ဆက်ရန်ရနိုင်ခြင်းရှိမရှိကြည့်ရှုရန် ၎င်း၏စာရင်းရှိကွန်ရက်တိုင်း၏အမည်များကို "အော်" သည်။ အနီးနားတွင် လျှိုလျှိုနေသူတစ်ဦးသည် သင့်စက်ပစ္စည်းကို ခွဲခြားသတ်မှတ်ရန် ဤ "ကြွေးကြော်သံ" ကို သုံးနိုင်သည်၊ အကြောင်းမှာ သင့်စာရင်းသည် အများအားဖြင့် ထူးခြားသည်- သင့်တွင် အနည်းဆုံး သင့်အိမ်ကွန်ရက်နှင့် သင့်ရုံးကွန်ရက်သို့ ချိတ်ဆက်ထားပြီး ဖြစ်နိုင်သည်၊ သူငယ်ချင်းများ၏အိမ်များ၊ အကြိုက်ဆုံး ကော်ဖီဆိုင်များ၊ စသည်ဖြင့် ကွန်ရက်များကို ဖော်ပြခြင်းမပြုပါနှင့်။ ဤလက်ဗွေနှင့်တူသော အထောက်အထားများသည် သင့်ဧရိယာအတွင်း လျှိုနေသူတစ်ဦးအတွက် သင့်စက်ပစ္စည်းကို ပစ်မှတ်ထားရန် သို့မဟုတ် သင်ရောက်ရှိခဲ့သည့်နေရာကို ဖော်ထုတ်ရန် လွယ်ကူစေသည်။

ဤသက်သေလိုက်နိုင်သည့်အရာမှ သင့်ကိုယ်သင် ကာကွယ်ရန် သင့်စက်မှသိမ်းဆည်းထားသော wifi ကွန်ရက်များကို ဖျက်ပစ်ပြီး ကွန်ရက်များကို အချိန်ပြည့် ရှာဖွေချိတ်ချက်ခြင်းအားမလုပ်အောင် သင့်စက်အား ရပ်တန့်ပါ။ ၎င်းသည် လျင်မြန်စွာ ချိတ်ဆက်ရန် ပိုမိုခက်ခဲစေလိမ့်မည်၊ သို့သော် ထိုအချက်အလက်များကို သင့်စကားဝှက်မန်နေဂျာတွင် သိမ်းဆည်းထားခြင်းသည် သင်လိုအပ်သည့်အခါတွင် ၎င်းကိုရယူနိုင်မည်ဖြစ်သည်။

သင်အသုံးမပြုပါက မျှဝေခြင်းကိုပိတ်ထားပါ

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

စက်ပစ္စည်းအများအပြားသည် ကျွန်ုပ်တို့အား ကျွန်ုပ်တို့ပတ်ဝန်းကျင်ရှိ အခြားသူများနှင့် ဖိုင်များ သို့မဟုတ် ဝန်ဆောင်မှုများကို အလွယ်တကူမျှဝေရန် ရွေးချယ်ခွင့်ပေးခြင်းသည် အသုံးဝင်သောအင်္ဂါရပ်တစ်ခုဖြစ်သည်။ သို့သော် အသုံးမပြုနေစဉ်အတွင်း ဤလုပ်ဆောင်ချက်ကို ဖွင့်ထားပါက၊ အန္တရာယ်ရှိသောသူများသည် သင့်စက်ပစ္စည်းရှိ ဖိုင်များကို ရယူရန် ၎င်းကို အသုံးချနိုင်သည်။

autoplay ကိုပိတ်ပါ

Windows 10 တွင် Autoplay ချိန်ညှိမှုကို ရှာဖွေကာ ပိတ်ပင်ပါ။
Windows 11 တွင်Settings > Bluetooth & Devices > Autoplay သို့သွား၍ Autoplay ခလုတ်ကို ပိတ်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

ဝင်းဒိုး ရှိ Autoplay လုပ်ဆောင်ချက်သည် သင့်စက်ထဲသို့ သင်ထည့်ထားသော drive တစ်ခုမှ အန္တရာယ်ရှိသောကုဒ်ကို အလိုအလျောက်လည်ပတ်နိုင်သည်။ ၎င်းလုပ်ဆောင်မှုကို ပိတ်ခြင်းသည် သင့်အား ဤကဲ့သို့သော အန္တရာယ်ကျရောက်နိုင်စွမ်းမျိုးမှ ကာကွယ်ပေးပါသည်။

ြကော်ငြာနှင့်အခြား ကိုယ်ရေးကိုယ်တာရွေးချယ်မှုများကိုပိတ်ထားပါ

Settings > Privacy (Windows 10) တွင်ရှိသော ရွေးချယ်စရာများ သို့မဟုတ် Settings > Privacy & security > General (Windows 11) တွင်ရှိသော ရွေးချယ်စရာများကို သုံးသပ်၍ အနည်းဆုံး ရွေးချယ်စရာ (၃) မျိုးကို ပိတ်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

သင့်စက်ပစ္စည်းနှင့်ပတ်သက်သည့် နောက်ထပ်ဒေတာကို မျှဝေခြင်းသည် သင်နှင့်ပတ်သက်သည့် အချက်အလက်များစွာကို အများသူငှာထံသို့ ပျံ့နှံ့နေကြောင်းဖော်ပြနေခြင်းဖြစ်သည်။ ဤမျှဝေမှုကို ကန့်သတ်ခြင်းသည် သင့်ကိုယ်သင် ကာကွယ်ရန် အပိုနည်းလမ်းတစ်ခုဖြစ်သည်။

သင့်စက်ပစ္စည်းအား Windows Security ဖြင့် ကာကွယ်ပါ။

Windows Security သည် ဝင်းဒိုးတွင် မူလဝါဝင်ပြီး Microsoft Defender Antivirus ဟုခေါ်သည့် ဗိုင်းရပ်စ်ကာကွယ်ရေး ပရိုဂရမ်တစ်ခုလည်း ပါဝင်ပါသည်။ တတိယပါတီ ဗိုင်းရပ်စ်ကာကွယ်ရေးများအား အသုံးပြုခြင်းထက် Microsoft Defender ကိုသာ ဖွင့်ပါ။
Windows Security ဖြင့် အမြဲအကာအကွယ်ရယူပါ အား Windows Security မှ ကမ်းလှမ်းသော လုံခြုံရေးလုပ်ဆောင်မှုများနှင့် ရင်းနှီးမှု ရှိစေရန် ဖတ်ရှုပါ။
သင်ဖွင့်ထားလိုသည့် ရွေးချယ်စရာတစ်ခုမှာ ငါးစာချခြင်း သို့မဟုတ် အန္တရာယ်ရှိသော ဝက်ဘ်ဆိုက်များ နှင့် အက်ပလီကေးရှင်းများ နှင့် အန္တရာယ်ဖြစ်နိုင်ချေရှိသော ဖိုင်များအား ဒေါင်းလုတ်ဆွဲမိခြင်းများထံမှ ကာကွယ်ပေးနိုင်သည့် SmartScreen ဖြစ်သည်။
- SmartScreen ကို ဖွင့်ထားကြောင်းသေချာစေရန် Windows Security ကို ဖွင့်၍ App & browser control > Reputation-based protection သို့ သွားပါ။ ထို့နောက် Microsoft Edge အတွက် SmartScreen ခလုတ်ကို ဖွင့်ပါ။

firewall တစ်ခုကိုသုံးပါ

Microsoft Defender Firewall ကို ဖွင့်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

Firewall များသည် သင့်စက်အတွက် မလိုအပ်သော ဆက်သွယ်မှုများကို ရပ်တန့်စေသည့် လုံခြုံရေး ရွေးချယ်မှုတစ်ခုဖြစ်သည်။ မည်သူဝင်ရောက်နိုင်သည်ကို ဆုံးဖြတ်ရန် အဆောက်အအုံ၏ တံခါးဝတွင်ထားသော လုံခြုံရေးအစောင့်တစ်ဦးကဲ့သို့ပင်၊ Firewall သည် သင့်စက်မှ ဆက်သွယ်ရေးအဝင်အထွက်နှင့်ပတ်သက်သည့်အချက်အလက်များကို လက်ခံခြင်း၊စစ်ဆေးခြင်းများပြုလုပ်ပြီး ဆုံးဖြတ်ချက်များချပေးသည်။ အန္တရာယ်ရှိသောကုဒ်အား သင့်စက်ပစ္စည်းသို့ ဝင်ရောက်ရန်ကြိုးစားခြင်းမှ ကာကွယ်ရန် သင့်အား firewall ဖွင့်ရန် အကြံပြုအပ်ပါသည်။ နဂိုပါဝင်သည့် firewall ချိန်ညှိမှုများသည် လူအများစုအတွက် လုံလောက်သော အကာအကွယ်ဖြစ်သည်။

အဆင့်မြင့်- အန္တရာယ်ရှိသောကုဒ် လည်ပတ်ခြင်းကို ရပ်ပါ။

အန္တရာယ်ရှိသောကုဒ်များ မလည်ပတ်စေရန် Hardentools ကို ထည့်သွင်းပြီး ဖွင့်ပါ။

အဆင့်မြင့်: တစ်စုံတစ်ယောက်သည် သင့်ခွင့်ပြုချက်မရှိဘဲ သင့်စက်ပစ္စည်းကို ဝင်ရောက်အသုံးပြုခြင်းရှိမရှိသုံးသပ်ပါ (အခြေခံဒစ်ဂျစ်တယ်ဓာတ်ခွဲခန်းပညာ)။

သုံးသပ်ချက် စတင်ချိန်တွင် ပရိုဂရမ်များမိတ်ဆက်ခြင်း၊ ကွန်ရက်ချိတ်ဆက်မှုများ၊ လည်ပတ်ခြင်းလုပ်ငန်းစဉ်။
အကယ်၍ သင်သည် သင့်စက်ပစ္စည်းအား ထိန်းချုပ်ခံထားရပြီဟု သံသယရှိပါက Digital First Aid Kit troubleshooter ထဲမှလမ်းညွှန်များ ကျွန်ုပ်၏ စက်ပစ္စည်းသည် သံသယရှိဖယ်ကောင်းနေသည် ကို လိုက်ပါလုပ်ဆောင်ပါ။

ကျွန်ုပ်တို့ မည်သည်ကြောင့် ဤအရာကိုအကြံပြုသည်ကို လေ့လာပါ

တစ်စုံတစ်ယောက်သည် သင့်စက်ပစ္စည်းများ၊ ဖိုင်များ သို့မဟုတ် ဆက်သွယ်ရေးများကို ဝင်ရောက်အသုံးပြုသည့်အခါ အမြဲတမ်းသိသာထင်ရှားနိုင်မည်မဟုတ်ပေ။ ဤထပ်တိုးစစ်ဆေးစာရင်းများသည် သင့်စက်ပစ္စည်းများကို ကမောက်ကမဖြစ်စေခြင်းရှိမရှိကို ပိုမိုထိုးထွင်းသိမြင်စေနိုင်ပါသည်။