وینډوز کمپیوټر مو خوندي کړئ

Updated18 June 2024

سره له دې،چې مایکروسافټ وینډوز د نړۍ تر ټولو زیات کارېدونکی عملیاتي سیستم دی، خو د زیان رسوونکي سافټویر (مالویر) لپاره تر ټولو عام هدف هم دی. د وینډوز وسیلې د خوندي کولو لپاره لاندې لیست تعقیب کړئ.

د خپلې وسیلې د عملیاتي سیسټم (آپېرېټېنګ سیستم) وروستۍ نسخه وکاروئ

• کله چې سافټویر ابډېټ کوئ، د خپل کور او دفتر په څېر باوري ځای او انټرنیټي اړیکه وکاروئ؛ نه هغه انټرنېټ په وسیله چې له انټرنېټ کافې یا کافي شاپ لخوا درکړل کیږي.
• وروستۍ نسخې ته د عملیاتي سیسټم ابډېټ کېدل ممکن څو ځلې سافټویر ډاونلوډ او د کمپیوټر بیا چالانول درنه وغواړي. له همدې کبله، خپل کمپیوټر په داسې وخت کې اپډيټ کړئ چې د کاراخیستلو اړتیا مو ورته نه وي.
• له ابډېټ وروسته بیا وګورئ، چې آیا نورې برخې ابډېټ ته اړتیا لري که نه.
• وګورئ چې په کمپیوټر کې مو د وینډوز کومه نسخه کارول کیږي.
• ډاډ ترلاسه کړئ، چې لا مو هم د مایکروسافټ له لوري د وینډوز نسخې ملاتړ کېږي که نه. د دې چارې لپاره د مایکروسافت تولیداتو او خدمتونو د لایف سایکل اړوند مالوماتي پاڼه ته مراجعه وکړئ. که مو نسخه ملاتړ نه‌لري؛ نو باید خپل کمپیوټر وروستۍ نسخې ته ابډېټ کړئ.

    - د بدیل په توګه، کولای شئ د وینډوز د نسخې پای ته رسېدو نېټه په
      [endoflife.date page for Windows](https://endoflife.date/windows) پاڼه
      کې وګورئ.

• د وروستۍ نسخو بېلګې دلته کتلی شئ.
  • وینډوز 11 وروستۍ ورژن دی. وګورئ چې ایا کمپیوټر مو ورسره سازګار دی که نه. یا په منوال توګه یې داسې چک کړئ: select Start > Settings > Update & Security > Windows Update > Check for updates. په یاد مو وي، چې ابډېټ کول د انټرنیټ له سرعت (چټکتیا) او د کمپیوټر د فعالیت پر اساس توپیر کولی شي. همدارنګه تاسو باید د کمپیوټر په ډېسک کې کافي ځای ولرئ تر څو د آپډېټ پروسه بشپړه شي.
  • وینډوز 10 او 11 باید په اتومات ډول د اپډېټ نصبولو لپاره تنظیم شوي وي، خو د لاس په واسطه د ابډېټ چک کولو لپاره د Windows update FAQ برخې ته مراجعه وکړئ.
• خپل آپرېټېنګ سیسټم (Operating System) آپډېټ کړئ.
• که مو وسیله د وینډوز د وروستۍ ورژن منلی نشي؛ نو نوی کمپیوټر واخلئ، یا په بدیل ډول د وینډوز پر ځای د Lubuntu په څېر د Linux داسې نسخه وکاروئ، چې پخوانی هارډویر یې ملاتړ کوي.
• د دې لپاره، چې ډاډمن شئ، چې اپډېټ په بشپړ ډول ترسره شوی وي، ټول اړوند ګامونه بشپړ کړئ-لکه د اپډېټ کېدو څخه وروسته له تاسو غوښتل کیږي چې خپل کمپیوټر ري-سټارټ (له سره بلول) کړئ.

ټول نصب شوي اپلیکیشنونه په منظم ډول ابډېټ کړئ

• - ډاډ ترلاسه کړئ چې مایکروسافټ سټور ټول نصب شوي اپلیکیشنونه په اوتومات ډول ابډېټ کوي..

پروګرامونه او اپلیکیشنونه له باوري سرچینو څخه وکاروئ

• وګورئ چې په کمپیوټر کې مو کوم اپلیکیشنونه نصب شوي دي.
• د دې لپاره،چې وګورئ اپلیکیشنونه قانوني دي که نه په Microsoft Store کې پلټنه وکړئ.
• ډاډ ترلاسه کړئ چې مایکروسافټ سافټویر مو لایسنس شوی دی (اجازه لري).
• په یاد مو وي، چې کله د سافټویر د باوري‌توب خبره کېږي، مایکروسافټ د نورو پلټفاورمونو په پرتله کاروونکو ته لږ خوندیتوبونه وړاندې کوي. مخکې له دې چې کوم پروګرام یا اپلېکېشن انسټال کړئ، لومړۍ یې دقیقه ارزونه وکړئ.
  • د دې لپاره، چې د یو اپلیکېشن د کارولو طریقه زده‌ کړئ، لاندې برخې ته مراجعه وکړئ: څنګه د ډیجیټلي خوندیتوب صندوق هغه ابزار او خدمتونه انتخابوي چې موږ یې وړاندیز کوو .
  • که ډاډه نه یاست، له نصبولو مخکې له یو کارپوه سره مشوره وکړئ.

هغه اپلیکیشنونه لرې کړئ چې اړتیا ورته نه لرئ او نه یې کاروئ

• څنګه اپلیکیشنونه او پروګرامونه حذفولی شو.
• که یو اپلیکیشن یا خدمت نه شئ حذفولی؛ نو هڅه وکړئ په لاندې ډول یې غیر فعال کړئ.
  • Windows 11 کې د اپلېکېشنونو غیرفعالول.
  • Windows 10 کې د سټارټ آپ خدمتونو غیرفعالول.

هغه اپلیکیشنونه وکاروئ چې د محرمو مالوماتو ساټلو لپاره آسانتیاوې لري

• د ویب د لټون لپاره Firefox وکاروئ.
• خپل ایمیل د Thunderbird په مرسته ولولئ.
• د وینډوز لپاره وړیا او د آزادې سرچینې سافټویر وکاروئ. دې لپاره چې یو اپلېکېشن وکاروئ او که نه، لاندې برخه ولولئ: څنګه د ډېجېټلي خوندیتوب صندوق هغه ابزار او خدمتونه غوره کوي چې مونږ یې وړاندیز کوو.

د اپلیکیشن اجازه‌لیکونه دقیق ولولئ

ټول اجازه‌لیکونه یو-یو ولولئ؛ ترڅو ډاډ ترلاسه کړئ، چې یوازې د کارېدونکو اپلیکیشنونو لپاره فعال وي. لاندې اجازه‌لیکونه باید د هغو اپلیکیشنونو لپاره بند شي چې نه یې کاروئ یا هغه اپلیکیشنونه، چې تاسو یې نه پېژنئ:

• ځای (Location)
• اړیکې (Contacts)
• د پیغامونو لیږل
• مایکروفون (Microphone)
• غږیز پېژندنه (Voice or speech recognition)
• کېمره (Webcamera)
• د سکرین ثبتول (Screen recording)
• د زنګونو نېټه (Call logs or call history)
• ایمیل (Email)
• د انځورونو البوم (Pictures library)
• ایمیل
• د انځورونو البوم (Pictures library)
• فلمونه یا ویډیوګانې او د هغوی زېرمه
• فینګر پرېنټ ريډر (د ګوتې د نښان پېژندونکی آپشن)
• نږدې ساحوي اړیکه (NFC)
• بلوتوث (Bluetooth)
• وای‌فای (WiFi)
• د لین له لارې انټرنېټ Wired Connections
• هر هغه سېټنګ چې ځان سره د "disk access," "files," "folders," او "system" لري
• هر هغه سېټېنګ چې ځان سره "install" لري
• د مخ پېژندنې سافټوییر (بایومیټریک)
• هغه آپشن ولري چې نورو اپلېکېشنونو ته د ډاونلوډ ته هم اجازه ورکوي

دا چې څنګه خپل د اپلېکېشن سېټېنګ پیدا کړئ او پوه شئ چې د اپلېکېشن اجازه لیک سره موافقه ښودل، نوموړي اپلېکېشن ته د کومو کړنو ته اجازه ورکوي، د د اپلېکېشن اجازه لیک لپاره د مایکروسافټ لارښوود وګورئ.

• ډاډ ترلاسه کړئ چې یوازې هغه اپلېکېشنونه چې تاسو یې کاروئ لاندې مواردو ته د لاسرسۍ (access) ولري:

• مالوماتو ته لاسرسۍ (Access Info)

• موشن (Motion)

• راډیو

• فعالیت (Tasks)

سربېره پر پوړتنیو مواردو چې باید اجازه (permission) ورته فعال (On) کړی، د لاندو مواردو لپاره بیا اجازه (permission) غیرفعال (Turn off) کړئ:

• اوتومات اډمېن (په دې حالت کې اپلېکېشن پرته له دې چې د الکترونیکي وسیلې کاروونکی خبر وي لکه اډمین عمل کوي.)
• موډيفایبل آپ (په دې حالت کې د الکترونیکي وسېلې کاروونکی په اپلېکېشن کې بدلون راوستلی شي.)
• د خدمتونو بکسه
• Package write redirect compatability shim (په دې حالت کې سیسټم اپلېکېشن ته دا اجازه ورکوي چې په app’s install folder کې فایلونه جوړ، تنظیم یا حذف کړي.)
• Unvirtualized resources (په دې حالت کې اپلېکېشن کولای شي چې هغه فایلونه راجستر کړي چې په uninstall کې پاک شوي نه وي.)

د موقعیت خدمتونه بند او تاریخچه (هېسټوري) یې پاک کړئ

• د موقعیت خدمتونه (لوکشن ښودلو خدمتونه) که د ټولې وسیلې لپاره وي یا یوازې د ځانګړو اپلیکیشنونو لپاره بندول یې عادت وګرځوئ.
• خپل د لوکشن هېسټوري (د ثبت شویو موقعیتونو لست) په منظمه توګه ګورئ او پاکوئ.
• د لوکشن (موقعیت ښودلو) خدمتونه څنګه کار کوي او دا خدمتونه څنګه درول کیږي.
• که ګوګل مپ (نقشه) کاروئ نو په منظم ډول خپل د لوکېشن هېسټوري په کې څارئ. که غواړئ چې د خپلو لوکشنونو (موقعیتونو) پخوانۍ تاریخچه (هېسټوري) پاکه کړئ او همدارنګه د گوگل سېټنګ داسې تنظیم کړئ چې ستاسو لوکشن ثبت نه کړي، د ستاسو د ګوګل نقشه (مپ) ټایم لاین and your Maps activity لارښوونې وګورئ.

په خپلو وسیلو کې د یوزر (کاروونکي) بیل اکاونټونه جوړ کړئ

• د مایکروسافټ اکاونټ پر ځای، مونږ سپارښتنه کوو چې لوکل اکاونټ (هغه اکاونټ چې یوازې ستاسو په الکترونیکي وسیله کې موجود وي) وکاروئ تر څو د وېنډوز کمپیوټر د کارولو په وخت کې، مایکروسافټ سره د شریکېدونکو مالوماتو کچه ټیټه وي. په یاد مو وي، چې په دې حالت کې به د وسیلو تر منځ معلومات نه شئ شریکولی.
  • د لوکل اکاونټ جوړولو لپاره تنظیماتو ته لاړ شئ: Settings > Accounts > Other Users او وروسته پر "Add Account" کلیک کړئ، بیا "I don't have this person's sign-in information" (د دې شخص اکاونټ ته د لاګېن یا داخېلېدو مالومات نلرم) وټاکئ. وروسته، "Add a user without a Microsoft account" (له مایکروسافټ اکاونټ پرته یو یوزر یا کاروونکی اضافه کړئ) کلیک کړئ.
• په وسیله کې له یو څخه زیات اکاونټونه جوړ کړئ، چې یو د "اداري (اډمېن-admin) " او نور د " عادي (standard) " اکاونټ په توګه کار ترې واخلئ.
  • د اډمېن اکاونټ ته باید یوازې تاسې لاسرسی ولرئ.
  • عادي یا ستاندرد اکاونټ باید ټولو اپلیکیشنونو، فایلونو یا تنظیماتو ته لاسرسی ونه لري.
• عادي یا استاندرد اکاونټ خپل ورځني کارونو لپاره وکاروئ:
  • اډمېن اکاونټ یوازې هغه وخت وکاروئ، کله چې د سافټویر د نصبولو په څېر د وسیلې خوندیتوب پورې اړوند بدلونونه غواړئ.
  • د ورځني کار لپاره د عادي (ستاندرد) اکاونټ کارول د زیان رسوونکي سافټویر له بریدونو څخه د وسیلې د خوندي ساتلو امکانات زیاتوي.
  • کله چې له سرحدونو څخه تېرېږئ، "د سفر اکاونټ" پرانیستل درسره مرسته کولی شي، ترڅو مو حساس فایلونه پټ وساتل شي. دا نو تاسو وارزوئ ، چې آیا سرحدي چارواکي به مو وسیله جدي وپلټي په موخه ضبط کړي او که یوازې د لنډې کتنې لپاره به له ستاسو اخلي؟ که ډېره پلټنه نه کوي، د عادي اکاونټ په کارولو سره د امکان وړ انکار زمینه برابره کړئ.
• په وېنډوز کمپیوټر کې خپل یوزر اکاونټ مدیریت کړئ تر عنوان لاندې نور مالومات ترلاسه کړئ.

له وسیلې سره مو تړلي غیر ضروروي اکاونټونه لرې کړئ

• په وېنډوز کې د یوزر اکاونټ د مدیریت اړوند لارښود کې «د یوزر اوکاونټ لرې کولو» برخې ته مراجعه وکړئ.

له وسیلې سره تړلي اکاونټونه خوندي کړئ

• د لا زیاتو مالوماتو لپاره:د هغو مایکروسافټ اکاونټونو د خوندي کولو طریقه چې ستاسو له الکترونیکي وسیلو سره تړلي دي.
• د خپل اکاونټ د وروستي فعالیت کتل عنوان لاندې لارښوونې ولولئ ترڅو ډاډ ترلاسه کړئ، چې کوم مشکوک فعالیت شتون نه لري.
• همدارنګه زمونږ لارښود د ټولنیزو رسنیو اکاونټونه تر عنوان لاندې ولولئ ترڅو هغه نور اکاونټونه وڅېړئ چې له وسیلې سره مو تړلي وي.
• که کوم مشکوک فعالیت ولیدل شي (لکه: هغه وسیلې چې نور ستاسې په کنټرول کې نه دي)، د خپل حساب د فعالیت عکس یا سکرین شاټواخلئ.

د یوزر اکاونټونه او کمپیوټر د قوي پاسفریز (passphrase) په مرسته خوندي کړئ

• یو اوږد پاسفریز وکاروئ چې لږ تر لږه ۱۶ کرکټرونه ولري؛ لنډ پاسورډ یا PIN مه کاروئ.
• د پاسفریز د بدلولو د څرنګوالي لپاره اکاونټ ته د ننوتلو (لاګېن) آپشنونه او د اکاونټ خوندیتوب په اړه د وینډوز لارښود برخې ته مراجعه وکړئ.
• ډاډ ترلاسه کړئ، چې Windows Hello غیر فعال شوی دی.
• د ګوتې نښې، مخ، سترګو یا غږ په مرسته د کمپیوټر پرانیستل مو ممکن د زور په مرسته پر ضد وکارول شي؛ له دې انتخابونو څخه یوازې هغه مهال استفاده وکړئ، چې د لیکلو توان ونه لرئ.
  • که مو له وړاندې بایومیټریک ډېټا ثبت کړي وي، لرې یې کړئ. د بایومیټریک نښو لرې کولو لپاره د "د وېنډوز اکاونټ ته د ننوتلو (لاګېن) اپشنونو لارښود اړوند د "Windows Hello" برخه ولولئ.
• په Windows 10 کې، "Require sign-in" فعال کړئ او د کلپولو وخت وټاکئ.
• په Windows 11 کې، د "If you've been away, when should Windows require you to sign in again?" په برخه کې "When PC wakes up from sleep" وټاکئ.

خپل سکرین د کلپ او غیرمتحرک (سلیپ-sleep) حالت ته تنظیم کړئ

• وروسته له دې چې کار مو خلاص شو، سکرین مو داسې اعیار کړئ چې له لږ ځڼډ وروسته خپله خاموش شي (په ۵ دقیقو کې).
• دا مو عادت وګرځوئ، چې هر ځل له کمپیوټر څخه لرې کېږئ، نو د Windows Logo Key
  • L په مرسته د کمپیوټر سکرین کلپ کړئ.

تاسو یې وټاکئ چې کوم شیان باید په قلف شوي سکرین کې د ښکارېدو وړ وي

• په قلف شوي سکرین کې د خبرتیاوو (نوټېفېکېشن) ښکارېدل غیرفعال کړئ..

غږیز کنټرول (وایس کنټرول) غیر فعال کړئ

• ډاډ ترلاسه کړئ چې د وایس اکسېس (وایس ته لاسرسی) اپشن مو غیرفعال کړی دی.
• د Copilot اپشن هم غیرفعال کړئ.
• نو اړوند مالومات لپاره: غږ (سپیچ)، د غږ فعالول (وایس اکتیفیشن)، رنګول (Inking)، ټایپول او پرایویسی په وېنډوز کې.

د فزیکي خوندیتوب فلټر وکاروئ، ترڅو مو بل څوک سکرین ونه ویني

• د نورو معلوماتو لپاره د محرمیت یا پرای-ویسي فلټرونو اړوند د Security Planner لارښود ته مراجعه وکړئ.

د کېمرې پوښ وکاروئ

• لومړی، وګورئ چې په وسیله کې مو کېمرې چیرته دي. که مو پلګ‌این کېمره کارولې وي یا مو وسیله جوړښتي کېمره (له کمپنۍ لخوا نصب شوي کمره) ولري، د هغې موقعیت پیدا کړئ.
• کېمره لپاره یو ساده پوښ جوړ کړئ: په کېمره باندې یو کوچنی چسپ لرونکې پټۍ ولګوئ او کله چې ورته اړتیا لرئ، لرې یې کړئ. پټۍ د سټیکر په پرتله غوره ده؛ ځکه چې منځنۍ برخه یې چسپ نه لري، او لینز مو نه خرابوي.
• یا د خپل خوښې پلورنځي کې د خپل کمپیوټر ماډل لپاره د "webcam privacy cover thin slide" پلټنه وکړئ، ترڅو د خپل کمپیوټر لپاره مناسب پوښ ومومئ.
• که د الکترونیکي وسیلې اډمینیسټرېټر (administrator) امتیاز یا لاسرسی لرئ، د کېمره مو په بشپړه توګه غیر فعاله کړئ.
  • دغې برخې ته مراجعه وکړئ: وېنډوز ۱۱ کې کېمره څنګه غیرفعالولی شئ.
  • په وېنډوز ۱۰ کې د کېمره غیرفعالولو لپاره، «د کېمرې اپلېکېشن څنګه وکاروو» په لارښود کې د «کېمره خاموشه کړئ» برخه ولولئ.

هغه اړیکې بندې کړئ، چې نه یې کاروئ

• د شپې له خوا خپلې الکترونیکي وسیلې په بشپړ ډول بندې کړئ.
• دا مو عادت وګرځوئ، چې وای‌فای، بلوتوث یا د شبکې شریکولو خدمات بند وساتئ او یوازې هغه مهال یې فعال کړئ، چې اړتیا مو ورته وي.
• د الوتکې حالت (Airplane mode) کارول کولای شي، ژر ټولې بې‌سیمه اړیکې، لکه وای‌فای، بلوتوث او NFC، بندې کړي. نور مالومات د airplane mode بلولو او خاموشولو اړوند د مایکروسافټ لارښود برخه ولولئ.
• انترنیټي شبکې په دوو برخو تنظیم کړئ: خصوصی، او عامه. کله چې له یوې باوري انترنېټي شبکې (لکه د کور یا دفتر) سره وصل یاست، هغه "خصوصي" سېټېنګ ته واړوئ. عامه شبکې (لکه کافي شاپونه یا شریک کارځایونه) "عامه" برخه کې تنظیم کړئ. د دې ترتیبونو په اړه نور معلومات په وینډوز کې لپاره د عامه او خصوصي وای‌فای شبکو لارښود کې ولولئ.
• ډاډ ترلاسه کړئ چې بلوتوث بند دی.
• ډاډ ترلاسه کړئ، چې وسیله مو بل چا ته د انټرنیټ لاسرسی (هاټ سپاټ) نه ورکوي. نور مالوماتو لپاره د موبایل هاټ-سپاټ به توګه د وېنډوز کمپیوټر کارولو اړوند لارښود ته مراجعه وکړئ.
• د وای فای بندولو لپاره:
  • په Windows 11 کې، دغو تنظیماتو ته لاړ شئ: Settings > Network & internet او د وای‌فای سویچ بند کړئ.
  • په Windows 10 کې، دغو تنظیماتو ته لاړ شئ: Settings > Network & internet > WiFi او د وای‌فای سویچ بند کړئ.

الکترونیکي وسیله کې مو د وای فای ثبت شوې شبکې پاکې کړئ

• د شبکې نومونه او پاسورډونه د شبکو په لیست کې د ساتلو پر ځای په خپل پاسورډ منیژرکې وساتئ.
• که مو شبکې د وسیلې په لیست کې خوندي کړې وي، ډاډ ترلاسه کړئ چې:
  • انترنېت مو په اتومات ډول د ثبت شویو انترنیتي شبکو سره نه نښلیږي: په ټسک بار (Taskbar) کې د وای‌فای ایکاون (سمبول) له کلیک کولو وروسته، د ثبت شوې شبکې پر نوم ښی کلیک وکړئ او د "Connect automatically" اختیار غیر فعال کړئ.
  • هغه شبکې چې نور یې نه کاروئ؛ په منظمه توګه یې هېرول خپل عادت وګرځوئ. زېرمه شوي وای فای انترنتي شبکې څنګه حذفولی شو برخه ولولئ چې څنګه د وای‌فای شبکې ډېلیټ کولی شو.

هغه شریکونې بندې کړئ، چې نه یې کاروئ

• د OneDrive له لارې د فایل شریکول بند کړئ.
• د ځایي (لوکل) شبکو له لارې د فایل شریکول بند کړئ.
• شاوخوا کې مو له نږدې وسایلو سره د فایل شریکول بند کړئ..

په خپل سر غږول (Autoplay) بند کړئ

• په Windows 10 کې د (Autoplay) تنظیمات ومومئ او دا فیچر غیر فعال کړئ.په وېنډوز ۱۰ کې د Autoplay تنظیمات لارښود وګورئ.
• په Windows 11 کې، تنظیماتو ته لاړ شئ Settings > Bluetooth & Devices > Autoplay او د (Autoplay) سویچ بند کړئ.

د اعلانونو او د پرای-ویسي اپشنونه ( "privacy options") تنظیمات بند کړئ

• په Windows 10 کې Settings > Privacy برخه وګورئ. یا په Windows 11 کې Settings > Privacy & security > General برخه وګورئ او لږ تر لږه لومړني درې تنظیمات بند کړئ.

خپله وسیله د وینډوز سیکیورټي په مرسته خوندي کړئ

• Windows Security په وینډوز کې جوړښت لري او د Microsoft Defender Antivirus په نوم یو انټي‌ویروس پروګرام شاملوي. دا فعال کړئ او د دریمې ډلې انټي‌ویروس پر ځای یې وکاروئ.
• نور مالومات له Windows Security سره خوندي پاتې شئ برخه کې ولولئ.
• د SmartScreen ځانګړتیا فعاله کړئ؛ ترڅو مو زیان رسوونکی سافټویر په وسیله بار نشي. د زده‌کړې لپاره یې دلته کلیک وکړئ.
  • د سمارټ سکرین فعالولو لپاره لومړۍ، وېنډوز سیکوریتي برخه خلاصه کړئ، بیا App & browser control ته ولاړ شئ، بیا Reputation-based protection او بلاخره د SmartScreen for Microsoft Edge لپاره سویچ روښانه کړئ.

خوندي دېوال (Firewall) فایروال وکاروئ

• د Microsoft Defender Firewall سویچ روښانه کړئ.

د لوړې کچې سپارښتنه: زیان رسوونکی کوډ له فعالیت څخه ودروئ

• د زیان رسوونکو کوډونو د فعالیت مخنیوي لپاره Hardentools انسټال او رن (run) یې کړئ.

د لوړې کچې سپارښتنه: معلومه کړئ چې آیا وسیله مو له اجازې پرته د بل چا لخوا کارول شوې ده (ساده فورنسیک)

• نورو مالوماتو لپاره: programs launching at startup, network connections او running processes وګورئ.
• که شک لرئ چې ستاسو الکترونیکي وسیله هک شوي یا مشکوکه توګه چلیږي نو په Digital First Aid Kit troubleshooter کې د زما د الکترونیکي وسیلې کړنې مشکوکې مالومیږي برخه ولولئ.