د خپلې انترنېټي اړیکې او ارتباطاتو اړوند د پېژندنې نښې پټې کړئ
اپډېټ شوی دی 17 September 2024
فهرست
... فهرست ...”انکرېپشن او د آنلاین اړیکو پټول، د آنلاین خوندیتوب هغه مخکښې تګلارې دي چې د افرادو محرمیت خوندي ساتي، او دوی ته دا ځواک ورکوي چې پرته له کوم چا مداخلې، د خپلې اړتیا وړ آنلاین پاڼې ولټوي، ولولي، مطالب خپاره کړي او یا خپل نظر بیان کړي. همدارنګه، دا تګلاره، خبریالانو، مدني ټولنو، د توکمیزو ډلو او مذهبي ډلو غړو ته، هغو کسانو ته چې د جندر له مخې تاوتریخوالي سره مخ دي، فعالین، پوهان او نورو کسانو ته دا وړتیا ورکوي تر څو د بیان د آزادۍ حق څخه برخمن وي. “ (د نظر او بیان د آزادۍ د ترویج او ساتنې اړوند د ملګرو ملتونو د ځانګړي استازي، ډیوید کای، ریپوټ؛ د ملګرو ملتونو سرمشریزه، ۲۰۱۵ میلادي کال، د مې ۲۲ مه)
دا لارښود تاسو ته د خپلې اړیکې او ارتباطاتو د پټولو څرنګوالی درښیي او تاسو سره مرسته کوي تر څو پرته له دې چې کومې نښې پرځای پرېږدئ، خپلې ځانګړې موخې ته ورسېږئ. دا تګلاره په هغو حالاتو کې ګټوره ده چې نه غواړئ ستاسو کړنې تاسوته منسوبې شي ځکه چې له امله یې کېدای شي ستاسې آزادي یا هوساینه له ګواښ سره مخ شي.
که د کومې اوږد مهالې پروژې پلې کولو لپاره بدیل هویت ته اړتیا لرئ (د بېلګې په توګه که غواړئ خپل رسمي هویت له هغې هویت څخه جلا وساتئ چې د بشري حقونو څخه د دفاع لپاره کاروئ)، نو د بېلابېلو آنلاین هویتونو د مدیریت او خوندي ساتلو څرنګوالي اړوند زمونږ لارښود ولولئ.
د هویت پټولو وسیلو د کارولو په وخت کې دې ټکي ته مو پام وي چې په ځینو هېوادونو کې د دغه ډول وسیلو کارول غیرقانوني دي او کارول یې د ناسم کار په توګه ګڼل کیږي. په داسې حالاتو کې له ځانه وپوښتئ چې آیا خپلې موخې ته د رسېدو په خاطر کومه بله طریقه شته او که نه- د بېلګې په توګه آیا کولای شئ چې خپلې موخې ته له انترنېت کارولو پرته ورسېږئ او که نه.
پر دې هم غور وکړئ چې آیا په رېښتیا هم د هویت پټولو وسیلو ته اړتیا لرئ
د هویت پټولو لپاره زمونږ کلکه سپارښتنه دا ده چې د Tor سره تړاو لرونکې وسیلې وکاروئ؛ او په داسې حالاتو کې لاندې لارښوونې عملي کړئ:
- که غواړئ ډاډ ترلاسه کړئ چې هیڅ څوک نه شي کولای ستاسو رسمي هویت سره ځینې مشخص فعالتونه وتړي او په دې اړه کومو نښو ته لاسرسی پیدا نه کړي؛
- که د سانسور ماتولو ابزار، لکه د VPN کارول، ستاسو هېواد کې منع شوي وي.
په ځینې حالاتو کې کېدای شي ستاسو اړتیاوې د نورو طریقو د کارولو په مرسته رفع شي، او کېدای شي دغه بدیلې طریقې یا حل لارې د نورو طریقو په پرتله ساده هم وي. د بېلګې په توګه:
- په براوزر کې د HTTPS-only حالت په فعالولو سره تاسو کولای شئ د هغې چا مخه ونیسئ چې غواړي ستاسو هغو حساسو ډېټاو ته لاسرسی پیدا کړي چې تاسو یې د سیمه ییزې شبکې او ISP له لارې په وېب پاڼې کې لیکئ.
- که غواړئ ځان له سوداګریزو وېب پاڼو له تعقیب څخه خوندي وساتئ نو، د براوز په تنظیماتو کې د دریمګړي لخوا د cookies د کارولو آپشن غیرفعال کړئ؛ او د وړیا او پرانیستې سرچینې د محرمیت ځانګړنه خپل براوزر ته وغځوئ.
- تاسو کولای شئ چې VPN په لاندې مواردو کې وکاروئ:
- که غواړئ هغو وېب پاڼو یا خدماتو ته لاسرسی ولرئ چې ستاسو هېواد یا هغه سیمه ییز نېټورک (لکه کتابتون، د کارځای یا هوټل) کې منع یا بلاک وي چې تاسو یې کاروئ،
- که غواړئ د هغو وېب پاڼو یا خدماتو مدیران یا مالکین چې تاسو یې کاروئ، ستاسو پر موقعیت پوه نه شي، او یا
- د سیمه ییز انترنېت چمتوکوونکې او یا په سیمه ییزه شبکه کې کوم بل چا له څار څخه مخنیوی غواړئ.
- په دې ټولو حالاتو کې، تاسو ته سپارښتنه کوو چې لومړۍ، د انترنېټ سانسور د ماتولو څرنګوالي اړوند زمونږ لارښودولولئ.
موږ ولې دا سپارښتنه کوو
د Tor کارول به تقریبا د هرچا لپاره دا ناشوني کړي چې ستاسو آنلاین فعالیتونه وڅاري او د هغوی تړاو تاسو سره وتړي. ځکه چې نوموړي وسیله د انکرېپشن او د هویت پټولو وړتیا لري (په دې اړه نور توضیحات پر وېب پټ یا خوندي توګه لټون کې ولولئ). خو، که غواړئ چې د سیمه ییزې شبکې په کچه له څار او یا د ISP یا د سوداګریزو وېب سایټونو له تعقیب څخه ځان خوندي وساتئ، د «تور» کارولو پرځای، نورې وسیلې هم شته. په ډېری حالاتو کې، ستاسو ستندرد براوزر د محرمیت خوندي کولو اړوند تنظیمات ځان سره لري، او کېدای شي چې د خوندیتوب لومړنۍ اړتیاوې مو رفع کړي او په انسټالولو سره یې ځان له څار څخه خوندي کړي.
که غواړئ بلاک شوي وېب پاڼو ته لاسرسۍ ومومئ، نو خپل IP (انترنېټ پروتوکول) له هغې وېب پاڼې یا خدمتونو څخه پټ کړئ چې غواړی لاسرسی ورته ومومئ؛ او که غواړئ په بېلابېلو کچو لکه ISP یا سیمه ییزې شبکې کچه ځان له څار څخه خوندي وساتئ بیا په ډېری حالاتو کې د VPN کارول ګټور دی. </توضیحات>
چمتو شئ
- بدیدل هویت جوړ کړئ او ډاډ ترلاسه کړئ چې د نوموړی هویت او ستاسو تر منځ د
تړاو نښې موجودې نه
وي.
په دې اړه، لازمې لارښوونې تعقیب کړئ:
- که د آنلاین لارې د ټیلفون شمېرې راجسترولو ته اړ وئ بیا د ټیلفون جلا شمیره واخلئاو د راجستر لپاره د Tor Browser وکاروئ.
- د Tor Browser له لارې او د ټیلفون هغې جلا شمېرې په کارولو سره چې د بدیل هویت جوړولو په خاطر مو پېرودلي، د برېښنالیک جلا اکاونټ جوړ کړئ. تر ټولو ښه به دا وي چې د برېښنالیک هغه چمتوکوونکیوکاروئ چې د اکاونټ جوړولو لپاره د ټیلفون شمېره نه غواړي.
- د جلا الکترونیکي وسیلې یا مجازي محیط په کارولو سره خپل بدیل هویت جلا وساتئ.
- ځان سره فکر وکړئ چې خپلې موخې ته د رسېدو په خاطر د څه ډول آنلاین خدمتونو او د پیام ورکولو اپلېکیشنونو ته مو اړتیا ده؛ وروسته، د Tor له لارې په نوموړو اپلېکېشنونو کې اکاونټ جوړ کړئ او د ټیلفون هغه جلا شمېره چې همدې مقصد لپاره مو اخیستي، وکاروئ.
- د بدیل هویت کارولو سره ځان ښه عادت کړئ ترڅو په رېښتیا وکړای شئ چې په آنلاین فعالیتونو کې خپل بدیل هویت له خپلې اصلي هویت څخه جلا وساتلی شی.
- ډاډ ترلاسه کړئ چې هغه الکترونیکي وسیله چې د بدیل هویت لپاره کاروئ، خوندي، اپډېټ او د زیان رسوونکو سافټ ویرونو پر وړاندې خوندي ده.
- د حساسو مالوماتو د خوندي ساتلو طریقې زده کړئ، او د فایلونو او الکترونیکي وسیلې د انکرېپټولو څرنګوالي سره ځان آشنا کړئ.
موږ ولې دا سپارښتنه کوو
که غواړئ هیڅڅوک و نه توانیږي چې ستاسو آنلاین فعالیت (حتی هغه که لنډ مهال هم وي) بېرته تاسو ته منسوب کړي، نو باید یو جامع پلان له مخې لاس په کار شئ. یانې د جلا نوم د انتخابولو او د جلا هویت د جوړولو سربېره، تاسو باید جلا هغه اکاونټونه هم جوړ کړئ چې یوازې د ټیلفون شمېرې له لارې او یا هغې برېښنالیک له لارې جوړیدای شي چې ستاسې اصلي هویت سره هیڅ تړاو ونلري. همدارنګه، ستاسو الکترونیکي وسیله مصون او د زیان رسوونکو سافټ ویرونو پر وړاندې خوندي وي. دا مو باید زده وي چې خپل حساسه ډېټا څنګه خوندي وساتئ او له کومو تګلارو څخه کار واخلی تر څو خپل بدیل هویت له اصلي هویت څخه جلا وساتلی شی. </توضیحات>
په پټه په وېب کې لټون
- د Tor Browser انسټال کړئ (وېنډوز، macOS, Linux او انډرویډ لپاره).
- د Onion Browser انسټال کړئ (iOS لپاره).
- دا چې د Tor Browser څنګه کولای شي ستاسو محرمیت او آنلاین هویت خوندي وساتي، پر یوتیوب دTor پروژې لخوا جوړه شوي ویدیو وګورئ..
- په خوندي توګه د Tor Browser کارولو په اړه پر یوتیوب دTor پروژې لخوا جوړه شوي ویدیو وګورئ.
- دا چې Tor څنګه کار کوي، د Tor Project لنډیز دلته ولولئ.
موږ ولې دا سپارښتنه کوو
Torهغه نېټورک دی چې د انکرېپشن له لارې ستاسې آنلاین اړیکې پټوي او خوندي کوي. نوموړی نېټورک ستاسې آنلاین جریان (ټرافیک) انکرېپټوي او بیایې په Tor network کې له دریو سرورونو (یا Nodes) انتقالوي. او بلاخره، وروستۍ نوډ چې د «خروجي نوډ» په نوم یادیږي، ستاسې آنلاین ټرافیک عامه انترنېټ ته لېږدوي. د Tor په زرګونو سرورونه شتون لري چې د نړۍ په هر برخه کې د رضاکارانو لخوا چارې یې پر مخ بیول کیږي.
Tor د Tor Browser له لارې کارول کیږي. Tor Browser د Firefox مخکښ ډول دی چې د محرمیت تنظمیات یې تر نورو بهتره دي. Tor Browser د وړیا او پرانیستې سرچینې سافټ ویر دی.
د Tor network یوه ځانګړنه دا ده چې ستاسې د آنلاین اړیکې او یا IP آدرس ځان سره نه ساتي. کله چې Tor کاروئ، ستاسو ISP کولای شي چې ستاسې آنلاین اړیکې یوازې د Tor network په لومړي نوډ کې وګوري؛ همدارنګه، هغه وېب پاڼه یا آنلاین خدمات چې کاروئ، همدومره لیدلی شي چې تاسو له Tor څخه دوی سره نښلېدلی یئ او په دې توګه ستاسو هویت نه شي تثبیتولی. خو که اکاونټ ته په خپل اصلي نوم داخل شوئ بیا نو هرومرو ستاسو اصلي هویت څرګندیدای شي. په لاندې برخو کې اړوندې لارښوونې ولولئ تر څو پوه شئ چې څنګه له تېروتنو څخه ډډه وکړئ او خپل اصلي هویت وېب پاڼو او آنلاین خدماتو له نظره پټ وساتی. </توضیحات>
له ځینو عامو تېروتنو په مخنیوي سره، Tor په خوندي توګه وکاروئ
- په آنلاین اکاونټ کې د مالوماتو کارول کنټرول کړئ. د بېلګې په توګه وار له مخه وټاکئ چې کوم مالومات به په خصوصي اکاونټ او یا د خصوصي مالوماتو په توګه کاروی.
- پام مو وې چې مخکې له دې چې کوم فایل چاسره شریک وی، ټوله مېټا ډېټا مو ترې لرې کړي وی. د مېټاډېټا ډولونه عبارت دې له د فایل تاریخ، د فایل د جوړېدو موقعیت، او د هغې ډیوایس (الکترونیکي وسېلې) اړوند مالومات چې نوموړی فایل پکښې جوړ شوی دی. د مېټاډېټا د لرې کولو څرنګوالې اړوند، د حساسو مالوماتو له منځه وړلو تر عنوان لاندې زمونږ لارښود ولولئ.
- یو Tor circuit یوازې یو هویت لپاره وکاروئ. عین Tor circuit بل هویت لپاره مه کاروئ. په Tor کې د هویتونو مدیریت اړوند نور مالومات دلته لوستلی شئ.
- د پردي ډیوایس (الکترونیکي وسېلې) له لارې خپل اکاونټ مه خلاصوئ ځکه چې په نوموړي وسیله کې د زیان رسوونکو سافت ویرونو شتون کېدای شي تاسو ته ستنونزه جوړه کړي. یوازې هغه ډیوایس وکاروئ چې د زیان رسونکو سافت ویرونو له شتون څخه خوندي وي. په دې اړه، د زیان رسوونکو سافت ویرونو اړوند زمونږ لارښود ولولئ تر څو د الکترونیکي وسیلې له ککړتیا څخه مو مخنیوی کړی وي.
- د Tor به سر، ټورېنټ مه کاروئ، ځکه کېدای شي چې ټورېنټ ستاسو IP مالومات څارګرو ته څرګند کړي. په دې اړه د « د Tor په سر د Bittorrent کارول ښه نه دی» تر عنوان لاندې د Tor پروژې په بلاګ کې نور مالومات ترلاسه کړئ.
- د براوزر plugins مه فعالوئ یا مه یې انسټالوئ: په Tor Browser کې یو add-on د NoScript په نوم موجود وي- او د نورو اضافه کول کېدای شي ستاسو اصلي هویت څرګند کړي.
- تل د وېب پاڼو د HTTPS بېلګه ورکاروئ او کله چې هغو وېب پاڼو ته سر ورښکاره کوی چې نه یې پېژنئ، ډېر له احتیاط څخه کار واخلئ ځکه کېدای شي چې زیان رسوونکی ابزار ولري.
- کله چې د Tor Browser له لارې فایلونه ډاونلودوئ، پام مو وي چې ناپېژنده فایلونه ډاونلود نه کړئ ځکه کېدای شي چې ستاسو د اصلي هویت څرګندولو لپاره، زیان رسوونکي سکریپټونه پکښې موجود وي. د اړتیا په وخت کې د DangerZone له لارې نوموړي فایلونه ډاونلوډ کړئ.
- کله چې د حساسو فعالیتونو په اړه چا سره خبرې کوئ نو د فزیکي امنیت ګواښونو- لکه هغه امنیتي کمرو په اړه چې ستاسو د ډیوایس سکرین ورته ښکاري، ځان باخبره کړئ؛ هڅه وکړئ د هغو فعالیتونو په اړه چې تر بدیل هویت لاندې ترسره کوئ، یوازې له باوري خلکو سره شریک کړئ، او په دې اړه هم ښه فکر وکړئ چې څنګه خپل ورځني کارونه له هغو فزیکي کارونو څخه جلا کړئ چې تر بدیل هویت لاندې یې ترسره کوئ- لکه په غونډو کې ګدون.
خپلې ټولې اړیکې ناپېژنده (نوم یې پټ) کړئ
- Tails انسټال کړئ (انسټالېشن د کمپیوټر له لارې ترسره کیدای شي).
- که غواړئ چې د خپلو آنلاین اړیکو یوازې ځینې برخې ناپېژنده (نوم یې پټ) کړئ،
نو Whonix انسټال کړئ.
- «ستاسو د انترنېټ محرمیت عالی وسیله، Whonix څه ته وایې؟» ترعنوان لاندې پر یوتیوپ ویدیو وګورئ.
- په مستند کېد Whonix د کارولو څرنګوالی ولولئ.
- د Orbot په ذریعه، خپل ګرځنده ډیوایس (الکترونیکي وسیله) کې کولای شئ چې خپلې ټولې آنلاین اړیکې ناپېژنده (نوم یې پټ) کړئ.
موږ ولې دا سپارښتنه کوو
Tor Browserیوازې هغه اړیکې له نظره پټوي چې له همدې براوزر څخه ورته لاسرسۍ موندل کیږي؛ لکه هغه وېب سایټ او آنلاین پلټفارمونه چې له یوې وېپ پاڼې ترلاسه کیږی. که غواړې د پیغام استولو اپلېکېشنونه او یا د برېښنالیک چمتوکونکي له لارې ترسره کېدونکي فعالیتونه ناپېژنده (نوم یې پټ) کړئ، بیا نو تاسو اړ یاست چې له ډیوایس څخه ښکارېدونکي خپلې ټولې اړیکې ناپېژنده کړئ. دې کار ترسره کولو لپاره لاندې ابزار وکاروئ.
Tailsد وړیا او پرانیستې سرچینې عملیاتي سیستم (operating system) دی چې له USB وسیلې څخه کارول کیږي او د Tor له لارې انترنېټ سره نښلېږي تر څو د آنلاین فعالیت هیڅ ډول نښې ستاسو کمپیوټر کې پاتې نه شي.
Whonixیو ناپېژند یا مستعار عملیاتي سیستم دی چې وېنډوزmacOS ، Linux او Qubes OS کې د اپلېکېشن په ډول کار کوي، او د انترنېټ جریان (ټرافیک) د Tor network له لارې ستاسو الکترونیکي وسیلې ته لېږدوي.
Orbot، ګرځنده الکترونیکي وسیلو لپاره د وړیا او پرانیستې سرچینې یو اپلېکېشن دی چې د انترنېټ جریان (ټرافیک) د Tor network په مرسته لېږدوي. د Orbot په مرسته تاسو کولای شئ خپلې ټولې اړیکې او یا د نظر وړ اپلېکېشنونه ناپېژنده (نوم یې پټ) کړئ. </توضیحات>
په مستعار نوم چټ کول (پیغام لېږل)
- په خوندي توګه د پیغام لېږلو په اړه زمونږ لارښودولولئ او د پیغام لېږلو هغه اپلېکېشنونه یا خدمات غوره کړئ چې ستاسو اړتیا رفع کوي. په ځانګړي توګه، هغه ابزار غوره کړئ چې د end-to-end encryption ځانګړنه وړاندې کوي؛ او د تېلفون شمېرې پرځای یوازې د کاروونکي نوم په ورکولو سره له نورو کاروونکو سره د نښلېدو امکان ورکوي.
- که د اړتیا وړ د پیغام لېږلو اپلېکېشن له تاسو د ټیلفون شمېرې غوښتنه کوي، نو تاسو کولای شئ چې په آنلاین توګه د Tor له لارې د ټیلفون نوي شمېره واخلئتر څو ستاسو هویت پټ پاتې وي.
- که د چټ (پیغام لېږلو) خدمات له تاسو د برېښنالیک آدرس غوښتنه کوي، نوی برېښنالیک اکاونټ د Tor له لارې جوړ کړئ. په دې اړه د «خوندي برېښنالیک» تر عنوان لاندې زمونږ لارښود ولولئ.
- یوازې د Tor پر مټ د چټ (پیغام لېږلو) خدماتو سره وصل شئ. یانې، تاسو کولای شئ چې د Tor Browser له لارې په وېپ پاڼه کې د چټ خدمات پرانیزئ، او یا هغه ډیوایس (الکترونکي وسیله) کې د چت (پیغام لیږلو) اپلېکېشن پرانیزئ چې کولای شي ستاسې ټولې اړیکې په مستعار (ناپېژند) توګه ښکار کړي.
په مستعار (ناڅرګند) نوم برېښنالیک واستوئ
- په خوندي توګه د برېښنالیک استولو په اړه زمونږ
لارښود ولولئ تر څو پوه شئ چې کوم ډول
برېښنالیک خدمت ستاسو اړتیا پوره کولای شي. د Tor
Browser له لارې په سرور کې برېښنالیک جوړ کړئ
او یا بل هغه ابزار وکاروئ چې ستاسې ټولې اړیکې پټولی
شي.
- که برېښنالیک مو یوازې یو یا څو ایمیل استولو لپاره په کار وي، او نه غواړئ چې عین برېښنالیک د ډېرې مودې لپاره ځان سره وساتئ، بیا نو د anonbox یا Guerrilla Mail په شان مؤقت برېښنالیک وکاروئ.
- د برېښنالیک خدمتونه یوازې د Tor پر مټ ترلاسه کړئ، یانې د Tor Browser له لارې او یا Thunderbird غوندې برېښنایی خدمتونو څخه استفاده وکړئ. سربېره پر دې هغه ډیوایس (الکترونیکي وسیله) وکاروئ چې د آنلاین اړیکو د پټولو وړتیا ولري.
په مستعاره توګه (یا په پټه) د فایلونو لېږد رالېږد
- که مو اړتیا وه چې فایلونه په خوندي او تر مستعار نوم لاندې (او یا په پټه)
واستوئ، او یا په پټه تاسو ته فایلونه ولیږل شي، نو
OnionShare وکاروئ. OnionShare د وړیا او
پرانیستې سرچینې له ابزارو څخه ده او تاسو ته دا وړتیا درکوي تر څو، د Tor
network له لارې، په پټه فایلونه واستوئ، د وېب پاڼې چارې پر مخ یوسئ، او
خپلو ملګرو ته پیغامونه ولیږئ.
- OnionShare انسټال کړئ. (Linux، وېنډوز، macOS، انډروید او iOS لپاره).
- د OnionShare په مرسته فایلونه په خوندي او پټه توګه واستوئ.
- د OnionShare په کارولو سره مقابل لوري ته دا وړتیا ورکوئ چې تاسو ته فایلونه او پیغامونه په پټه او یا تر مستعار نوم مستقیماً ستاسو کمپیوتر ته واستوي.
- د OnionShare په مرسته تاسو کولای شئ چې د پیغام لیږلو ځانګړې خونې (چټ روم) هم جوړ کړئ، او حتی د وېب پاڼې چارې هم مدیریت کړئ.
- کله چې د OnionShare له لارې فایل استوئ، تاسو به اړ وی چې د Tor پر مټ، له نوموړي فایل سره مل یو آدرس او ځانګړې کیلي هم واستوئ تر څو ستاسو خوندیتوب او ناڅرګند هویت همداسې خوندي پاتې وي.
- که مو اړتیا وه چې یو فایل په چټکۍ سره واستوئ، نو د فایلونو لېږد رالېږد له
مؤقتو خدمتونو څخه یو غوره او د Tor پر براوزر وکاروئ.
- که فایل مو تر ۲ جي-بي دروند و، تاسو کولای شئ د Lufi پر مټ، چې د وړیا او پرانیستې سرچینې سافټ ویر دی، Disroot file uploader وکاروئ.
- که فایل مو تر ۵۰ ام-بي دروند نه وي، تاسو کولای شئ چې share.riseup.net وکاروئ: د upload تنۍ کېکاږئ، انتظار وباسئ تر څو فایل اپلوډ شي، او وروسته درکړل شوی لېنک مقابل لورې ته واستوئ. به یاد مو وي چې مقابل لوری باید نوموړی فایل د ۱۲ ساعاتونو په لړ کې ترلاسه (ډاونلوډ) کړي، که نه نو فایل په خپله ډیلیټ (حذف) کیږي.
- همدارنګه، تاسو کولای شئ چې په پټه د فایلونو لېږد رالېږد لپاره انکرېپټ شوي د پیغام لیږلو اپلېکېشنونه (chat app) وکاروئ او یا هم د OpenPGP په مرسته انکرېپټ شوي برېښنالیک له لارې خپل فایلونه لیږئ. ډاډ ترلاسه کړئ چې برېښنالیک او یا چټ اکاونټ مو خوندي وي.
که Tor ته په اتومات توګه نښلېدلی نه شئ بیا Tor Bridges وکاروئ
- کېدا شي چې ستاسو هېواد کې Tor بلاک وي او یا کارول یې غیرقانوني وي. که چېرې Tor بلاک وې او یا کارول یې له ګواښ سره مل وي بیا Tor "Bridge" وکاروئ.
په ناڅرګند (پټه) توګه د فایلونو لاسته لاړلو لپاره د whistleblowing پلټفارم خپل الکترونیکي وسیله کې تنظیم کړئ
- د SecureDrop کارولو څرنګوالي ته هم یو کتنه وکړئ.
- د GlobaLeaks کارولو څرنګوالي ته هم یو کتنه وکړئ.
موږ ولې دا سپارښتنه کوو
که غوښتل مو چې د whistleblowing پلټفارم خپله وسیله کې تنظیم کړئ تر څو فایلونه (لکه تحقیقي ژورنالیزم پروژې اړوند فایلونه) د نامالوم آدرس څخه ترلاسه کړئ، د SecureDrop او یا GlobaLeaks کارول په نظر کې ولرئ.
SecureDropد وړیا او پرانیستې سرچینې سیستم دی چې تحقیقي موندنو یا پروژو اړوند فایلونو د لېږد رالېږد لپاره یو خوندي طریقه ده. د SecureDrop د انسټالولو طریقه کېدای شي پیچلي وي، خو د SecureDrop مرستندویه ټیمونه کولای شي، لېوالو سازمانونو سره په دې برخه کې مرسته وکړي.
GlobaLeaks د وړیا او پرانیستې سرچینې سافت ویر دی. په آسانۍ سره انسټال او مدیریت کېدای شي، خو د خوندیتوب په پرتله تمرکز یې ډېر د ګټه اخیستنې پر څرنګوالي ده. </توضیحات>