နည်းပညာဆိုင်ရာ တိုက်ခိုက်မှုများသည် သင့်အတွက် အကြီးမားဆုံး စိုးရိမ်စရာဟု ထင်ရသော်လည်း သင့်စက်ပစ္စည်းကို သိမ်းဆည်းခံရခြင်း သို့မဟုတ် ခိုးယူခံရပြီး တစ်စုံတစ်ဦးမှ ဖောက်ထွင်းခံခြင်းကိုလည်း ခံရနိုင်ပါသေးသည်။ ထို့ကြောင့် သင့်ကွန်ပျူတာကို ကာကွယ်ရာတွင် ခိုင်မာအားကောင်းသည့် စကားဝှက်တစ်ခုကို အသုံးပြုကာ တခြားမတူညီသည့် ခိုင်မာအားကောင်းသော စကားဝှက်တစ်ခုအား သင့်အသုံးပြုသူအကောင့်ကို ကာကွယ်ရာတွင် အသုံးပြုသင့်သည်။ သို့မှသာ ကွန်ပျူတာကို ဖွင့်ကြည့်လိုက်ရုံ သို့မဟုတ် စကားဝှက်တစ်ခုကို ခန့်မှန်းလိုက်ရုံဖြင့် သင်၏ ထိရှလွယ်သော အချက်အလက်များ သို့မဟုတ် သင့်ကွန်ပျူတာကို တခြားသူများ ဝင်ရောက်ကြည့်ရှုနိုင်ခြင်းရှိမည်မဟုတ်ပေ။.

သင့်စက်များနှင့် အက်ပ် များအတွင်းတွင် လုပ်ဆောင်ပေးသည့် ကုဒ်ရှိ အားနည်းချက်အသစ်များကို နေ့စဉ် တွေ့ရှိနေပါသည်။ ကုဒ်သည် အလွန်ရှုပ်ထွေးသောကြောင့် ထိုကုဒ်ကိုရေးသော ရေးသားသူများသည် မည်သည့်နေရာတွင်တွေ့မည်ကို ခန့်မှန်း၍မရပါ။ မလိုလားအပ်သော တိုက်ခိုက်သူများသည် သင့်စက်ပစ္စည်းများ အတွင်းသို့ ဝင်ရောက်ရန် ဤအားနည်းချက်များကို အသုံးချနိုင်သည်။ သို့သော် ဆော့ဖ်ဝဲရေးသားသူများက ထိုသို့သောအားနည်းချက်များကို ပြုပြင်ပေးမည့် ကုဒ်များကို ပုံမှန်ထုတ်လေ့ ရှိပါသည်။ ထို့ကြောင့် ပြုပြင်မွမ်းမံအသစ် များကို ထည့်သွင်းရန်နှင့် သင်အသုံးပြုသည့် စက်ပစ္စည်းတစ်ခုစီအတွက် ၎င်းတို့၏ လည်ပတ်မှုစနစ် နောက်ဆုံးဗားရှင်းကို အသုံးပြုရန် အလွန်အရေးကြီးပါသည်။ ကျွနု်ပ်တို့အနေဖြင့် သင့်စက်ပစ္စည်းကို အလိုအလျောက် ပြုပြင်မွမ်းမံမှု လုပ်ရန် ပြုလုပ်ထားဖို့အကြံပြုလိုပါသည် ၊ သို့မှသာ သင့်တွင် သတိတရလုပ်ဆောင်ရမည့်တာဝန်တစ်ခု လျော့သွားမည် ဖြစ်သည်။

Ubuntu ဆော့ဖ်ဝဲကို Ubuntu အတွင်းရှိ ပရိုဂရမ်များ နှင့် အက်ပ်ပလီကေးရှင်းများအား ထည့်သွင်းရာတွင် အသုံးပြုသည်။ လင်းနဇ်စ် ထုတ်ဝေဖန်တီးသူများမှ စီမံသော ဆော့ဖ်ဝဲရယူနိုင်သည့်နေရာများမှ အက်ပ်ပလီကေးရှင်းများကိုသာ ထည့်သွင်းပါ။

အကယ်၍ အက်ပ်ပလီကေးရှင်းတစ်ခုအား အသုံးပြုခြင်းသည် သင်၏ အန္တရာယ်ကျရောက်နိုင်စွမ်းထက် ပိုမိုအရေးပါပြီး အကျိုးအမြတ်ပိုရှိနိုင်သည့် အခြေအနေမျိုးတွင် သင်၏ ကွန်ပျူတာအတွင်းတွင် ထိရှလွယ်သော သို့မဟုတ် ကိုယ်ရေးကိုယ်တာဆန်သော အချက်အလက်များအား မသိမ်းဆည်းခြင်းကဲ့သို့ လိုအပ်သည့် ထပ်တိုးလုပ်ဆောင်မှုများကို ပြုလုပ်ပါ။ ဤကဲ့သို့သော အခြေအနေတွင်ပင်လျှင် ဆော့ဝဲရေးသားဖန်တီးသူ၏ ဝက်ဘ်ဆိုက်မှသာ ထည့်သွင်းအသုံးပြုပါ၊။ "ပုံတူ"ဆော့ဖ်ဝဲများ ဒေါင်းလုတ်ဆွဲနိုင်သော ဝက်ဘ်ဆိုက်များသည် ယုံကြည်စိတ်ချရနိုင်ခြင်းမရှိသောကြောင့် နောက်ကွယ်က ထိုသို့ဝန်ဆောင်မှုများကို ထောက်ပံ့ပေးနေသော သူများအား သင်သိပြီး ယုံကြည်ရမှသာလျှင် အသုံးပြုသင့်သည်။

အက်ပ်ပလီကေးရှင်းတစ်ခုခုအား စိတ်ချစွာ အသုံးပြုနိုင်ခြင်းရှိမရှိဆုံးဖြတ်ခြင်းအား လေ့လာရန် Security In a Box မှ ညွှန်းဆိုသော ကိရိယာများ နှင့် ဝန်ဆောင်များကို မည်ကဲ့သို့ရွေးချယ်သည်ကို ဖတ်ရှုပါ။

သင့်စက်များနှင့် အက်ပ်များတွင်လုပ်ဆောင်သည့် ကုဒ်ရှိ အားနည်းချက်အသစ်များကို နေ့စဉ် တွေ့ရှိနေပါသည်။ကုဒ်သည် အလွန်ရှုပ်ထွေးသောကြောင့် ထိုကုဒ်ကိုရေးသော developer များသည် မည်သည့်နေရာတွင်တွေ့မည်ကို ခန့်မှန်း၍မရပါ။ အန္တရာယ်ရှိသောတိုက်ခိုက်သူများသည် သင့်စက်များအတွင်းသို့ ဝင်ရောက်ရန် ဤအားနည်းချက်များကို အသုံးချနိုင်သည်။ သင်အသုံးမပြုသော App များကို ဖယ်ရှားခြင်းသည် သင့်စက်အတွက် အားနည်းချက်ဖြစ်စေသည့် App အရေအတွက်ကို ကန့်သတ်ပေးသည်။ သင်အသုံးမပြုသောApp များသည် သင့်တည်နေရာကဲ့သို့ အခြားသူများနှင့် မမျှဝေလိုသည့်အချက်အလက်များကိုလည်း ပေးပို့နိုင်ပါသည်။

သင့်တည်နေရာ၊ မိုက်ခရိုဖုန်း၊ ကင်မရာ သို့မဟုတ် စက်ချိန်ညှိမှုများကဲ့သို့သော အရေးကြီးသော ဒစ်ဂျစ်တယ်အသေးစိတ်အချက်အလက်များ သို့မဟုတ် ဝန်ဆောင်မှုများကို အသုံးပြုသည့်အက်ပ်များသည်လည်း အချက်အလက်များ ပေါက်ကြားနိုင်သည် သို့မဟုတ် တိုက်ခိုက်သူများ အသုံးချခံရနိုင်သည်။ ထို့ကြောင့် ဝန်ဆောင်မှုတစ်ခုအား အသုံးပြုရန် အက်ပ်တစ်ခုမလိုအပ်ပါက၊ အဆိုပါခွင့်ပြုချက်ကို ပိတ်ပါ။

ကျွန်ုပ်တို့၏စက်ပစ္စည်းအများအပြားသည် ကျွန်ုပ်တို့အသုံးပြုနေသည့်နေရာ၊ ဂြိုလ်တုတည်နေရာသတ်မှတ်ရေးစနစ်၊ ဆဲလ်ဖုန်းတာဝါတိုင်များ သို့မဟုတ် ချိတ်ဆက်နေသည့် Wi-Fi တို့ကို အမြဲမပြတ်ခြေရာခံတတ်ပါသည်။ သင့်စက်ပစ္စည်းသည် သင်၏ရုပ်ပိုင်းဆိုင်ရာတည်နေရာကို မှတ်တမ်းတင်ထားပါက၊ တစ်စုံတစ်ဦးသည် သင့်အား ရှာဖွေတွေ့ရှိနိုင်စေရန် သို့မဟုတ် ထိမှတ်တမ်းကို အသုံးပြုပြီး သင်နေရာတစ်ခုအားရောက်ရှိနေခဲ့သည်ဆိုသည်ကို သက်သေပြခြင်းမျိုး လုပ်ဆောင်နိုင်ပါသည်။ သို့မဟုတ် သင်နှင့် တစ်ချိန်တစ်နေရာတည်း အတူတူရှိနေသည့်သူများ နှင့် သင်နှင့် ပတ်သက်ဆက်နွယ်ခြင်းကိုပြသရန် အဆိုပါမှတ်တမ်းကို အသုံးပြုနိုင်သည်။

သင်အသုံးပြုသည့် စက်များကို ထိလွယ်ရှလွယ် အလုပ်အတွက် အခြားမည်သူနှင့်မျှ မျှဝေခြင်းမပြုရန် ကျွန်ုပ်တို့ အလေးအနက် အကြံပြုအပ်ပါသည်။ သို့သော် သင်သည် သင်၏စက်ပစ္စည်းများကို လုပ်ဖော်ကိုင်ဖက် သို့မဟုတ် မိသားစုနှင့် မဖြစ်မနေ မျှဝေရမည်ဆိုပါက သင်၏ စက်ပစ္စည်း နှင့် အရေးကြီးသောဖိုင်များကို အခြားသူများမရရှိအောင်ကာကွယ်ထားနိုင်ရန် သီးခြားအသုံးပြုသူအကောင့်များကို သင့်စက်ပစ္စည်းပေါ်တွင် ထားရှိခြင်းဖြင့် အရေးကြီးသော အချက်အလက်များကို ပိုမိုကောင်းမွန်စွာ ကာကွယ်နိုင်ပါသည်။

သင့်စက်ပစ္စည်းကို အခြားသူတစ်ဦးမှ ဝင်ရောက်မကြည့်ရှုစေလိုပါက ၊ နောက်ထပ် "တံခါး" ကို သင့်စက်ပေါ်တွင် မဖွင့်ထားပါက ပိုကောင်းပါသည်။ (၎င်းကို "သင်၏တိုက်ခိုက်မှုမျက်နှာပြင်ကို လျှော့ချခြင်း" ဟုခေါ်သည်။) ထို့အပြင် သင်မသိဘဲ သင့်စက်ပေါ်တွင် တင်ထားသော မည်သည့်အကောင့်များသည် သင့်စက်အားဖော်ထုတ်နိုင်သည်ကို စစ်ဆေးပါ။

နည်းပညာဆိုင်ရာ တိုက်ခိုက်မှုများသည် သင့်အတွက် အကြီးမားဆုံး စိုးရိမ်စရာဟု ထင်ရသော်လည်း သင့်စက်ပစ္စည်းကို သိမ်းဆည်းခံရခြင်း သို့မဟုတ် ခိုးယူခံရပြီး တစ်စုံတစ်ဦးမှ ဖောက်ထွင်းခံခြင်းကိုလည်း ခံရနိုင်ပါသေးသည်။ ထို့ကြောင့် သင့်ကွန်ပျူတာကို ကာကွယ်ရာတွင် ခိုင်မာအားကောင်းသည့် စကားဝှက်တစ်ခုကို သင့်အသုံးပြုသူအကောင့်ကို ကာကွယ်ရာတွင် အသုံးပြုသင့်သည်။ သို့မှသာ ကွန်ပျူတာကို ဖွင့်ကြည့်လိုက်ရုံ သို့မဟုတ် စကားဝှက်တစ်ခုကို ခန့်မှန်းလိုက်ရုံဖြင့် သင်၏ ထိရှလွယ်သော အချက်အလက်များ သို့မဟုတ် သင့်ကွန်ပျူတာကို တခြားသူများ ဝင်ရောက်ကြည့်ရှုနိုင်ခြင်းရှိမည်မဟုတ်ပေ။.

စကားဝှက်များမှလွဲ၍ အခြား စခရင်လော့ခ်ချရွေးချယ်မှုများကို ကျွန်ုပ်တို့ အကြံမပြုပါ။ ဖမ်းဆီးခြင်း၊ ထိန်းသိမ်းခြင်း သို့မဟုတ် ရှာဖွေခံရပါက သင်၏မျက်နှာ သို့မဟုတ် လက်ဗွေဖြင့် သင့်စက်ပစ္စည်းကို အလွယ်တကူ လော့ခ်ဖွင့်ရန် ခိုင်းစေနိုင်သည်။ သင့်စက်ကိုရရှိထားသူတစ်ဦးဦးက စကားဝှက်တိုများကို ခန့်မှန်းရန် ဖောက်ထွင်းရေးဆော့ဖ်ဝဲကို အသုံးပြုနိုင်သည်။ အကယ်၍ သင်သည် လက်ဗွေသော့ခတ်ခြင်းကို ပြုလုပ်ထားပါက ဖုန်မှုန့်သုတ်ထားသူတစ်ဦးသည် သင့်လက်ဗွေရာအားရယူပြီး သင့်စက်ပစ္စည်းကို လော့ခ်ဖွင့်ရန် သင့်လက်ချောင်းအတုပုံစံကို ပြုလုပ်နိုင်မည်ဖြစ်သည်။ အလားတူ ဟက်ခ်ခြင်းများဖြစ်သည့် မျက်နှာဖြင့် လော့ခ်ဖွင့်ခြင်းကို သရုပ်ဖော်ပြထားသည်။

ဤကဲ့သို့သော အကြောင်းများကြောင့် သင့်အသုံးပြုအကောင့်အား အလုံခြုံဆုံးသောကာကွယ်ရေးနည်းလမ်းသည် ရှည်လျားသော စကားဝှက်စာစုတစ်ခု ထားခြင်း ဖြစ်သည်။

ဖုန်းတစ်လုံးတွင် ဖုန်းစခရင် လော့(ခ်)ချထားခြင်း တစ်နည်းအားဖြင့် ခိုင်မာအားကောင်းသော စကားဝှက်များဖြင့် ကာကွယ်ထားခြင်းသည် အင်မတန်မှအရေးကြီးသည်။ ခိုင်မာအကောင်းသော စကားဝှက်များနှင့် စခရင်လော့(ချ်) ချထားခြင်းက မိမိ၏ စက်ပစ္စည်း အခိုးခံရချိန် သို့မဟုတ် သိမ်းဆည်းခံရချိန်၌ သင့်ကို အတိုင်းအတာ တစ်ခုထိ ကာကွယ်ပေးနိုင်သည်။ ထိုသို့သော အခြေအနေတွင် သင်က ဖုန်းစခရင်လော့(ချ်) ချထားသော်လည်း သတိပေးချက်များကို ပိတ်ထားခြင်းမရှိပါက သင့်၏အသိမိတ်ဆွေပေးပို့လာသော မက်ဆေ့(ချ်) (သို့) အီးမေး(လ်) ကနေလည်း သင်၏ အချက်အလက်အချို့ ပေါက်ကြားနိုင်သည်။

ကျွန်ုပ်တို့၏ ဒစ်ဂျစ်တယ်လုံခြုံရေးတိုက်ခိုက်ခံရခြင်းများကို အဆင့်မြင့်နည်းပညာပိုင်းအနေဖြင့် ထင်မြင်နေသော်လည်း လူ့အခွင့်အရေးကာကွယ်သူအချို့၏ အချက်အလက်များ ခိုးယူခံရခြင်း သို့မဟုတ် အကောင့်များ ကျိုးပေါက်ခြင်းမှာ တစ်စုံတစ်ယောက်က ၎င်းတို့၏ ဖုန်းမျက်နှာပြင်ကို ပုခုံးထက်မှ ကျော်ကြည့်ခြင်း သို့မဟုတ် လုံခြုံရေးကင်မရာကို အသုံးပြု၍ကြည့်ရှုခြင်းဖြစ်ကြောင်း သင်အနေဖြင့် သိရှိပါက အံ့အားသင့်စရာဖြစ်နိုင်ပါသည်။ တကိုယ်ရည်သုံး အခြားသူလှမ်းမမြင်နိုင်အောင် မျက်နှာပြင်အကာမှန်တစ်ခုသုံးထားခြင်း က များသာအားဖြင့် ပုခုံးထက်မှ ကျော်ကြည့်ခြင်းဟုခေါ်သည့် တိုက်ခိုက်မှုမျိုး မအောင်မြင်စေရန် ဆောင်ရွက်ပေးနိုင်သည် ။ ၎င်းတို့ကို စက်ပစ္စည်းနှင့်ဆက်စပ်သည့်ပစ္စည်းများ ရောင်းသည့်ဆိုင်များတွင် ရှာကြည့်နိုင်သည်။

သင့်အား၊ သင့်ပတ်ဝန်းကျင်ရှိလူများ၊ သို့မဟုတ် သင်ရှိနေသောနေရာကို စူးစမ်းရန် အန္တရာယ်ရှိသောဆော့ဖ်ဝဲများသည် သင်မသိဘဲ သင့်စက်တွင်ရှိသော ကင်မရာကိုဖွင့်ပါလိမ့်မည်။

Wi-Fi၊ NFC နှင့် ဘလူးတုကဲ့သို့ ကြိုးမဲ့ဆက်သွယ်မှုများအားလုံးသည် ကွန်ရက်များ၏ အားနည်းချက်များကို ရှာဖွေဖောက်ထွင်းကာ ထိရှလွယ်သော အချက်အလက်များ နှင့် ကျွန်ုပ်တို့ စက်ပစ္စည်းများကို ရရှိအောင် ကြိုးစားနိုင်သည့် ကျွန်ုပ်တို့အနီးက တိုက်ခိုက်သူများ၏ တိုက်ခိုက်မှုကို ခံရနိုင်သည်။

သင့်စက်၏ ဘလူးတုသို့မဟုတ် Wi-Fi ချိတ်ဆက်မှုကို ဖွင့်လိုက်သောအခါ သင့်စက်ပစ္စည်းသည် သင် ယခင်က ချိတ်ဆက်ထားခဲ့သော မည်သည့် wifi ကွန်ရက်ကိုမဆို ရှာဖွေရန် ကြိုးစားပါသည်။ အခြေခံအားဖြင့်၊ ၎င်းသည် ၎င်းနှင့်ချိတ်ဆက်ရန်ရနိုင်ခြင်းရှိမရှိကြည့်ရှုရန် ၎င်း၏စာရင်းရှိကွန်ရက်တိုင်း၏အမည်များကို သိရှိရန်ကြိုးစားပါသည်။ အနီးနားတွင်ရှိသော စောင့်ကြည့်နေသူတစ်ဦးသည် သင့်စက်ပစ္စည်းကို ကို သိရှိရန် ဤရှာဖွေမှုကို သုံးနိုင်သည်။ အကြောင်းမှာ သင့်စက်ပစ္စည်း သို့မဟုတ် ကွန်ရက်စာရင်းသည် အများအားဖြင့် တခြားအရာများနှင့် မတူပဲ ကွဲပြားမှု ရှိပါသည်။ ဤလက်ဗွေနှင့်တူသော သင်မှန်းသိသာစေသောအရာများသည် သင့်ဧရိယာအတွင်ရှိ စောင့်ကြည့်နေသူတစ်ဦးအတွက် သင့်စက်ပစ္စည်းကို ပစ်မှတ်ထားရန် သို့မဟုတ် သင်ရောက်ရှိခဲ့သည့်နေရာကို ဖော်ထုတ်ရန် လွယ်ကူစေသည်။

ထို့ကြောင့် အထူးသဖြင့် ဝိုင်ဖိုင်နှင့် ဘလူးတု တို့ကိုအသုံးမပြုသည့်အခါ ဤချိတ်ဆက်မှုများကို ပိတ်ခြင်းသည် အကြံကောင်းဖြစ်ပါသည်။ ၎င်းသည် တိုက်ခိုက်သူက သင့်စက်ပစ္စည်းပေါ်တွင် ထူးဆန်းစွာဖြစ်ပျက်နေသည်ကို သင်သတိမထားမိစေဘဲ သင်၏အဖိုးတန်ပစ္စည်းများကို ဝင်ရောက်ရန်လုပ်ဆောင်နိုင်သည့်အချိန်ကို တားမြစ်သည်။

Wi-Fi ချိတ်ဆက်မှုကို ဖွင့်လိုက်သောအခါ၊ သင်စက်ပစ္စည်းသည် သင် ယခင်က ချိတ်ဆက်ထားခဲ့သော မည်သည့် Wi-Fiကွန်ရက်ကိုမဆို ရှာဖွေရန် ကြိုးစားသည်။ အခြေခံအားဖြင့်၊ ၎င်းသည် ၎င်းနှင့်ချိတ်ဆက်ရန်ရနိုင်ခြင်းရှိမရှိကြည့်ရှုရန် ၎င်း၏စာရင်းရှိကွန်ရက်တိုင်း၏အမည်များကို "အော်" သည်။ အနီးနားတွင် လျှိုလျှိုနေသူတစ်ဦးသည် သင့်စက်ပစ္စည်းကို ခွဲခြားသတ်မှတ်ရန် ဤ "ကြွေးကြော်သံ" ကို သုံးနိုင်သည်၊ အကြောင်းမှာ သင့်စာရင်းသည် အများအားဖြင့် ထူးခြားသည်- သင့်တွင် အနည်းဆုံး သင့်အိမ်ကွန်ရက်နှင့် သင့်ရုံးကွန်ရက်သို့ ချိတ်ဆက်ထားပြီး ဖြစ်နိုင်သည်၊ သူငယ်ချင်းများ၏အိမ်များ၊ အကြိုက်ဆုံး ကော်ဖီဆိုင်များ၊ စသည်ဖြင့် ကွန်ရက်များကို ဖော်ပြခြင်းမပြုပါနှင့်။ ဤလက်ဗွေနှင့်တူသော အထောက်အထားများသည် သင့်ဧရိယာအတွင်း လျှိုနေသူတစ်ဦးအတွက် သင့်စက်ပစ္စည်းကို ပစ်မှတ်ထားရန် သို့မဟုတ် သင်ရောက်ရှိခဲ့သည့်နေရာကို ဖော်ထုတ်ရန် လွယ်ကူစေသည်။

ဤသက်သေလိုက်နိုင်သည့်အရာမှ သင့်ကိုယ်သင် ကာကွယ်ရန် သင့်စက်မှသိမ်းဆည်းထားသော wifi ကွန်ရက်များကို ဖျက်ပစ်ပြီး ကွန်ရက်များကို အချိန်ပြည့် ရှာဖွေချိတ်ချက်ခြင်းအားမလုပ်အောင် သင့်စက်အား ရပ်တန့်ပါ။ ၎င်းသည် လျင်မြန်စွာ ချိတ်ဆက်ရန် ပိုမိုခက်ခဲစေလိမ့်မည်၊ သို့သော် ထိုအချက်အလက်များကို သင့်စကားဝှက်မန်နေဂျာတွင် သိမ်းဆည်းထားခြင်းသည် သင်လိုအပ်သည့်အခါတွင် ၎င်းကိုရယူနိုင်မည်ဖြစ်သည်။

စက်ပစ္စည်းအများအပြားသည် ကျွန်ုပ်တို့အား ကျွန်ုပ်တို့ပတ်ဝန်းကျင်ရှိ အခြားသူများနှင့် ဖိုင်များ သို့မဟုတ် ဝန်ဆောင်မှုများကို အလွယ်တကူမျှဝေရန် ရွေးချယ်ခွင့်ပေးခြင်းသည် အသုံးဝင်သောအင်္ဂါရပ်တစ်ခုဖြစ်သည်။ သို့သော် အသုံးမပြုနေစဉ်အတွင်း ဤလုပ်ဆောင်ချက်ကို ဖွင့်ထားပါက၊ အန္တရာယ်ရှိသောသူများသည် သင့်စက်ပစ္စည်းရှိ ဖိုင်များကို ရယူရန် ၎င်းကို အသုံးချနိုင်သည်။

Firewall များသည် သင့်စက်အတွက် မလိုအပ်သော ဆက်သွယ်မှုများကို ရပ်တန့်စေသည့် လုံခြုံရေး ရွေးချယ်မှုတစ်ခုဖြစ်သည်။ မည်သူဝင်ရောက်နိုင်သည်ကို ဆုံးဖြတ်ရန် အဆောက်အအုံ၏ တံခါးဝတွင်ထားသော လုံခြုံရေးအစောင့်တစ်ဦးကဲ့သို့ပင်၊ Firewall သည် သင့်စက်မှ ဆက်သွယ်ရေးအဝင်အထွက်နှင့်ပတ်သက်သည့်အချက်အလက်များကို လက်ခံခြင်း၊စစ်ဆေးခြင်းများပြုလုပ်ပြီး ဆုံးဖြတ်ချက်များချပေးသည်။ အန္တရာယ်ရှိသောကုဒ်အား သင့်စက်ပစ္စည်းသို့ ဝင်ရောက်ရန်ကြိုးစားခြင်းမှ ကာကွယ်ရန် သင့်အား firewall ဖွင့်ရန် အကြံပြုအပ်ပါသည်။ ပုံသေ firewall တည်ဆောက်မှုသည် လူအများစုအတွက် လုံလောက်သော အကာအကွယ်ဖြစ်သင့်သည်။

မည်သည့်စက်ပစ္စည်းမဆို Firewall ဖွင့်ထားပြီးသား မဟုတ်ပါ။ ဤစနစ်များသည် ကွန်ရက်ချိတ်ဆက်မှုများအားလုံးကို ကျယ်ကျယ်ပြန့်ပြန့် ဖွင့်ထားသည်ဟု မဆိုလိုပါ။ ဆိုလိုသည်မှာ ၎င်းတို့သည် ၎င်းတို့၏ဆော့ဖ်ဝဲလ်အနေဖြင့် နားမထောင်သင့်သည့်ချိန်တွင် နားမထောင်ဟု ယုံကြည်ခြင်းဖြစ်သည်။ ၎င်းတို့သည် အစောင့်များနှင့် ကင်မရာများကို အနှောက်အယှက်မပေးသော အဆောက်အဦပိုင်ရှင်များကဲ့သို့ပင် ထိုသူတို့သည် မည်သည့်တံခါးများကို ဖွင့်သည်၊ မည်သည်တို့ကို ပိတ်သည် နှင့် မည်သည့်နေရာအား အချို့သောသော့ရှိသူများသာ ဖွင့်နိုင်မည်စသည့်တာဝန်များကိုကိုင်တွယ်ဖြေရှင်းနိုင်ကြောင်း ယုံကြည်သောကြောင့်ဖြစ်သည်။

Firewall များသည် ကျွန်ုပ်တို့မမျှော်လင့်ထားသော အချက်အလက်များကို ဆော့ဖ်ဝဲတစ်ခုမှ စတင်ဖတ်ရှုသည့် အခြေအနေများတွင် ကျွန်ုပ်တို့၏စက်ပစ္စည်းများကို ကာကွယ်ရန် ကူညီပေးပါသည်။ တံခါးဖွင့်ထားခဲ့သည့်နေရာ၊ တစ်နည်းအားဖြင့်ဆိုရသော် မတော်တဆဖြစ်စေ သို့မဟုတ် အဆောက်အအုံအတွင်းရှိ အန်တရာယ်ရှိသော လူတစ်ဦးမှဖွင်ထားခဲ့ခြင်းဖြစ်နိုင်သည်။ ထွက်သွားသည့်ချိတ်ဆက်မှုများကို စောင့်ကြည့်သည့် Firewall များသည် တစ်ခါတစ်ရံတွင် အန္တရာယ်ရှိသောဆော့ဖ်ဝဲကနေ ဒေတာခိုးယူရန် သို့မဟုတ် ညွှန်ကြားချက်များအတွက် "Phone home" ကို ခိုးယူရန်ကြိုးစားနေချိန်တွင် ကျွန်ုပ်တို့အား အသိပေးနိုင်ပါသည်။ အကယ်၍ သင်သည် အထွက်ချိတ်ဆက်မှုများကို ကန့်သတ်ရန် အထူးထုတ်ထားသည့် firewall တစ်ခုကို တပ်ဆင်ပါက သို့မဟုတ် သင်သည် built-in firewall ကို ဤနည်းအတိုင်း လုပ်ဆောင်ရန်ပြုလုပ်ထားပါက၊ သင့်အနေဖြင့် လေ့ကျင့်ရန်အချိန်အနည်းငယ်ယူပြီးပြင်ဆင်သင့်သည်၊ သို့မှသာ ပုံမှန်မဟုတ်သောအရာတစ်ခုခုကိုတွေ့ရှိပါက ၎င်း firewall သည် သင့်အားအချက်ပြနိုင်ပေမည်။